Концерт на Легијата @ МКЦ - 18.12.2010
Десет години поминаа од кога македонската хип-хоп група Легијата зачекори на музичката сцена, десет години поминаа од првиот радиски етер, благодарност на радиото Канал 103 кое во тој период поддржуваше секаква квалитетна музика која што другите станици не ја ни приметуваа, десет години поминаа од првиот официјален настап, десет години поминати во творештво и зачувување на вистинскиот звук за да стигнат до тоа што се денес, предводници на македонската undergroung хип-хоп култура и музика.
Затоа, по повод десет годишнината од постоењето на Легијата, овој јубилеј ќе се круниса со спектакуларен концерт во организација на Шурикен Рекордс и Младинскиот Културен Центар кој е закажан на 18 декември, со почеток во 20 часот во Младинскиот Културен Центар (МКЦ)-Скопје. Како специјални гости на вечерта ќе бидат досегашниот бенд на Да Џака Накот, Колективно Свесно Наметнато (КСН) составен од 4 члена, кои заедно со Легијата ќе ги изведуваат сите песни со жив бенд. Ќе бидат изведени многу познати песни од нивниот репертоар, како од заедничкиот нивни албум, така и од групните и соло албуми на кои што членовите работеле посебно. Гости на вечерта ќе бидат и веќе познатиот на овие простори српски хип-хоп артист Дон Дада кој што заедно со неговиот колега Скај Виклер и членот на легијата ЛД Пистолеро, летото го снимија заедничкиот албум насловен "Ubice Nas Zhene" кој ќе се појави на пазарот на почетокот на следната година, како и веќе добро познатиот и реномиран ДЏ Гоце од култните САФ кој што ќе се претстави со свој ДЏ и видео сет.
Билетите за концертот ќе можете да ги набавите веќе од 8 декември, само на касата на МКЦ по цена од 200 денари во претпродажба и дента на концертот на влез по цена од 250 денари.
Резервации на билети за посетители од градовите надвор од Скопје може да се извршат на следниов e-mail:
bileti@mkc.mk заклучно до вечерта на 17 декември и истите ќе можат да ги подигнат дента на концертот со легитимација на касата на МКЦ по првичната цена од 200 денари.
НАПОМЕНА: Резервации на билети важи исклучиво САМО за посетители од другите градови на Македонија, во спротивно резервацијата нема да биде прифатена!!
НО ТОА НЕ Е СЕ!!! Истиот ден во рамките на концертот јубилејот ќе биде крунисан и со промоција на уште едно издадено на Легијата насловено едноставно "ДЕЦЕНИЈА" издадено од Шурикен Рекордс. Изданието ќе содржи збирка од песни од Легијата кои што се снимени и собрани во текот на годините и кои што досега не се нашле на ниедно издание но сепак се нови за јавноста. Албумот ќе може да се купи дента на концертот по цена од 150 денари.
Ве очекуваме на незаборавно шоу кое ќе ви го приредиме и ќе ви ги задоволи апетитите.
Со почит, Шурикен Рекордс и МКЦ.
од евентот на фб
