Диносаурус од ембрион на кокошка?

[TeotiX]

Зошто диносаурсот ја премина улицата? Или пак: што е постаро - кокошката или јајцето од диносаурус? Вакви „новокомпонирани“ дилеми може да се јават ако во својата намера успее Ханс Ларсон, палеонтолог од Канада, кој верува дека може од ембрион на кокошка да створи диносаурус.

Па така Ханс тврди дека преку комбинирање на неколку генетски елементи во времето на развој на ембрионот од кокошка може да се репродуцира анатомија на диносаурус.
Пред да помислите дека ви кажуваме виц, еве неколку информации плус за Ханс Ларсон: ова истражување го финансираат Natural Sciences and Engineering Research Council of Canada, Canada Research Chairs programme и National Geographic.
Иако е сеуште во пелени, неговото истражување евентуално би можело да до „испилување“ на вистински предисториски животни. Ларсон тврди дека моментално нема намера да создаде диносауруси од етички и практични причини (шуќур...) бидејќи создавањето на диносаурус од јајце би бил „преголем залак“.
„Ова е демонстрација на текот на еволуцијата“, изјави Ларсон кој со еволуцијата на птиците се бави последните 10 години. „Ако докажам дека постои потенцијал за развој на анатомијата на диносаурусите во птиците, тогаш докажувам дека птиците се директни потомци на диносаурусите“, изјави Ларсон.
Идејата за ова истражување му дошла после една расправа со Џек Хорнер, американски палеонтолог кој работеше како советник на филмовите од серијалот „Jurassic Park“.
Екипата на Ларсон претходно работеше на откривање остатоци од предисториски животни, вклучувајќи осум непознати видови на диносауруси, како и пет непознати видови на крокодили во Нигер. Неодамна тој и неговиот тим открија остатоци од нов вид на месојаден диносаурус во Аргентина.





Мене ова ми изгледа неверојатно:nesvest: Што мислите вие?

 

[Ripes]

И мене исто,повеќе шанси има лабалаториски да создадат нешто,како што русиве сакаат да пробуваат со влакна од мамут одколку со ембрион од КОКОШКА?

 

[Magde.]

Што мислите вие?

Истражувањево го финансираат Natural Sciences and Engineering Research Council of Canada, Canada Research Chairs programme и National Geographic.

Нема потреба јас да мислам тука, претпоставувам дека големи умови си имаат работа со ова.

 

[Apokalipto]

Фина тема само подфорумов е утнат, ова е чиста наука, кога би имало подфорум за генетика темава таму совршено би си го нашла местото, но најмалку што можам сега да сторам за темава е да ја префрлам во подфорумот кој содржи наука во своето име... ова е чиста наука :smir: се што е погоре напишано е мистерија за некој кој досега не чул за гени и манупулација со нив, од прилика го преспал Мендел и грашокот во средно.

 

[wot]

Можеби се на траг на нешто тие големи умови, но никогаш не би можеле да го изведат тоа.
Нека заебат тоа.. нема да од етички и практични причини

 

[bucio]

Ларсон тврди дека моментално нема намера да создаде диносауруси од етички и практични причини бидејќи создавањето на диносаурус од јајце би бил „преголем залак“.

Ами како ќе знаеме дали е успешен проектот или не ако не успеее да создаде диносаурус овај Ларсон?
Погледнете само кој го финансира овај проект National Geographic.
Тие не финансираат во име на наука и вистина туку во име на бомбастична документарна серија која што ќе ја гледаат многу луѓе, и со тоа ќе им донесе многу профит.

Имам јас гледано и друг документарен филм на National Geographic за манипулација на гените. Таму дотичниот тип тврдеше дека за некоја година со помош на МАНИПУЛАЦИЈА НА ГЕНОТ ЌЕ СМЕ САДЕЛЕ И БЕРЕЛЕ МОБИЛНИ НАМЕСТО КРСТАВИЦИ :nesvest::nesvest::nesvest::nesvest::nesvest::nesvest::nesvest:.

На нашите родители им ја продавале приказната дека калемена речна врба со лозница ќе раѓа грозје и дека во иднина немало да има потреба од храна туку дека ќе сме пијале апчиња и тие апчиња ќе ја заситувале нашата глад. Додека пак нас денес ни продаваат вакви приказни .