M
marsovka
Гостин
НАБЉУДУВАЊЕ НА МЕДИУМИТЕ
Малку информации, многу изјави Македонските медиуми немаат пристап до официјални информации во врска со спорот со името со Грција, па јавноста го креира мислењето под влијание на изјавите на претставниците на македонските и на грчките власти, се констатира во извештајот на НВО Инфоцентар и на Македонскиот центар за европско образование за февруари и за април. Освен известувањето за името, со надзорот се опфатени и информирањето за евроинтеграциите, претседателските и локални избори, визната либерализација и ИПА-фондовите. Анализирани се написи во Утрински весник, Дневник, Вест, Вечер, Време, Нова Македонија и во Шпиц, како и прилози на телевизиите А1, Канал 5, Сител, Телма, МТВ, Алфа и Алсат.
- Овој надзор покажува дека во македонското новинарство отсуствува анализа и истражување и се уште се присутни грешки како недоволно познавање на евроинтеграциите и несоодветни и нерелевантни извори на информации - рече на вчерашната прес-конференција Билјана Бејкова од НВО Инфоцентар.
Невладините организации кои го вршеа набљудувањето апелираат до македонската влада да го подобри пристапот до информации за в иднина да се избегнуваат грешки.
http://www.vreme.com.mk/DesktopDefault.aspx?tabindex=7&tabid=1&EditionID=1713&ArticleID=114452
Стојна ТОДОРОВСКА
Не се лаже лесно
Невозможно е да ги прелажете големите играчи во меѓународната политика, велејќи им дека сте спремни да преговарате за компромис за името, доколку во истиот момент го праќате својот министер за надворешни работи да ја подготви тужбата против соседот со кој треба да преговарате. Ова се коментари на познавачите, откако власта уште пред една недела доби груба шлаканица од првиот човек на НАТО во заминување, Јап де Хоп Шефер. Според нив, изјавата на Шефер е загрижувачка, поради што и сугерираат на владата да го промени тврдиот став во спорот за името ако сака во Алијансата.
„Не сум оптимист, по она што го слушнав од владата во Скопје“, беше коментарот на Шефер за впечатокот кој му го оставила власта за време на неговата неодамнешна тричасовна посета на земјава.
За аналитичарите е уште пострашно што тој тоа го изјави веднаш по официјалната посета на Атина и во време кога веќе седум месеци преговорите се во застој. Иако во Скопје тој со дипломатски речник и порача на владејачката гарнитура да го реши единственото отворено прашање со Грција, деновиве и од неговиот портпарол повторно се слушнаа слични зборови, кои, според познавачите, навидум требаше да ја ублажат острината на критиката на Шефер.
- Поканата за НАТО не е на дофат затоа што во Македонија нема дух за компромис во решавање на спорот за името - рече Џејмс Апатурај.
Поради тоа, експертите потсетуваат дека уште на самитот во Букурешт, во завршниот акт беше посочено дека само од разврската на спорот ќе зависи членството на земјава во НАТО. Тие сметаат дека бидејќи мандатот на Шефер истекува набрзо, тој сега решил отворено и без маска да ја искритикува власта.
- Шефер е човек кој 20 години беше пратеник. Човек кој важи за проамерикански ориентиран. Тој е „добро нахранет“ со информации директно од Белата куќа, поради што загрижува неговиот лош впечаток. Но, Шефер, не еднаш бил кај нас, и не еднаш сме му биле на гости. Познати сме му - велат доброупатени извори.
Според нив, како и според некои опозициски политичари, ваквата оцена доаѓа поради различните изјави на премиерот, од кои едните се резервирани, за, како што велат, очите и ушите на народот, а другите за меѓународните претставници.
- Ваквите проблеми кај нас доаѓаат од таму што власта испраќа различни пораки. Едни во јавноста, други разменува зад затворени врати со странците. А тоа, пак, само создава какофонија, која и одговара единствено на Грција. А, токму по таквата средба, Груевски очигледно го испровоцирал Шефер и го принудил да ги извади дипломатските ракавици - коментира Радмила Шеќеринска, претседателка на Националниот совет за евроинтеграции.
Слични размислувања пласираа и в.д. претседателот на најголемата опозициска партија, Зоран Заев, како и либералдемократот Андреј Жерновски.
- Јасно е дека владата не е подготвена за решавање на овој проблем. Макар што тие велат дека отстапуваат од двојната формула, најверојатно си остануваат на претходниот став, кој и досега ги кочеше преговорите - вели Заев.
За Жерновски, пак, изјавата на Шефер не е ништо ново, бидејќи, според него, таквиот впечаток за нашата позиција во преговорите со Грција во Брисел постои веќе подолго време.
- Ние сме навикнати само декларативно да посакуваме компромис и решение, но всушност немаме таква намера. И поради тоа, не треба да се лутиме поради изјавата на Шефер, кој ни ја кажува вистината - истакна Жерновски.
http://www.spic.com.mk/DesktopDefault.aspx?tabindex=0&tabid=1&EditionID=856&ArticleID=33536
:salut:
Малку информации, многу изјави Македонските медиуми немаат пристап до официјални информации во врска со спорот со името со Грција, па јавноста го креира мислењето под влијание на изјавите на претставниците на македонските и на грчките власти, се констатира во извештајот на НВО Инфоцентар и на Македонскиот центар за европско образование за февруари и за април. Освен известувањето за името, со надзорот се опфатени и информирањето за евроинтеграциите, претседателските и локални избори, визната либерализација и ИПА-фондовите. Анализирани се написи во Утрински весник, Дневник, Вест, Вечер, Време, Нова Македонија и во Шпиц, како и прилози на телевизиите А1, Канал 5, Сител, Телма, МТВ, Алфа и Алсат.
- Овој надзор покажува дека во македонското новинарство отсуствува анализа и истражување и се уште се присутни грешки како недоволно познавање на евроинтеграциите и несоодветни и нерелевантни извори на информации - рече на вчерашната прес-конференција Билјана Бејкова од НВО Инфоцентар.
Невладините организации кои го вршеа набљудувањето апелираат до македонската влада да го подобри пристапот до информации за в иднина да се избегнуваат грешки.
http://www.vreme.com.mk/DesktopDefault.aspx?tabindex=7&tabid=1&EditionID=1713&ArticleID=114452
Стојна ТОДОРОВСКА
Не се лаже лесно
Невозможно е да ги прелажете големите играчи во меѓународната политика, велејќи им дека сте спремни да преговарате за компромис за името, доколку во истиот момент го праќате својот министер за надворешни работи да ја подготви тужбата против соседот со кој треба да преговарате. Ова се коментари на познавачите, откако власта уште пред една недела доби груба шлаканица од првиот човек на НАТО во заминување, Јап де Хоп Шефер. Според нив, изјавата на Шефер е загрижувачка, поради што и сугерираат на владата да го промени тврдиот став во спорот за името ако сака во Алијансата.
„Не сум оптимист, по она што го слушнав од владата во Скопје“, беше коментарот на Шефер за впечатокот кој му го оставила власта за време на неговата неодамнешна тричасовна посета на земјава.
За аналитичарите е уште пострашно што тој тоа го изјави веднаш по официјалната посета на Атина и во време кога веќе седум месеци преговорите се во застој. Иако во Скопје тој со дипломатски речник и порача на владејачката гарнитура да го реши единственото отворено прашање со Грција, деновиве и од неговиот портпарол повторно се слушнаа слични зборови, кои, според познавачите, навидум требаше да ја ублажат острината на критиката на Шефер.
- Поканата за НАТО не е на дофат затоа што во Македонија нема дух за компромис во решавање на спорот за името - рече Џејмс Апатурај.
Поради тоа, експертите потсетуваат дека уште на самитот во Букурешт, во завршниот акт беше посочено дека само од разврската на спорот ќе зависи членството на земјава во НАТО. Тие сметаат дека бидејќи мандатот на Шефер истекува набрзо, тој сега решил отворено и без маска да ја искритикува власта.
- Шефер е човек кој 20 години беше пратеник. Човек кој важи за проамерикански ориентиран. Тој е „добро нахранет“ со информации директно од Белата куќа, поради што загрижува неговиот лош впечаток. Но, Шефер, не еднаш бил кај нас, и не еднаш сме му биле на гости. Познати сме му - велат доброупатени извори.
Според нив, како и според некои опозициски политичари, ваквата оцена доаѓа поради различните изјави на премиерот, од кои едните се резервирани, за, како што велат, очите и ушите на народот, а другите за меѓународните претставници.
- Ваквите проблеми кај нас доаѓаат од таму што власта испраќа различни пораки. Едни во јавноста, други разменува зад затворени врати со странците. А тоа, пак, само создава какофонија, која и одговара единствено на Грција. А, токму по таквата средба, Груевски очигледно го испровоцирал Шефер и го принудил да ги извади дипломатските ракавици - коментира Радмила Шеќеринска, претседателка на Националниот совет за евроинтеграции.
Слични размислувања пласираа и в.д. претседателот на најголемата опозициска партија, Зоран Заев, како и либералдемократот Андреј Жерновски.
- Јасно е дека владата не е подготвена за решавање на овој проблем. Макар што тие велат дека отстапуваат од двојната формула, најверојатно си остануваат на претходниот став, кој и досега ги кочеше преговорите - вели Заев.
За Жерновски, пак, изјавата на Шефер не е ништо ново, бидејќи, според него, таквиот впечаток за нашата позиција во преговорите со Грција во Брисел постои веќе подолго време.
- Ние сме навикнати само декларативно да посакуваме компромис и решение, но всушност немаме таква намера. И поради тоа, не треба да се лутиме поради изјавата на Шефер, кој ни ја кажува вистината - истакна Жерновски.
http://www.spic.com.mk/DesktopDefault.aspx?tabindex=0&tabid=1&EditionID=856&ArticleID=33536
:salut:
која е тоа установа :pos2::pos2::pos2:
