Македонија ќе добие препорака од Европската комисија за укинување на визите - ова денеска во Брисел го изјави еврокомесарот за проширување Оли Рен.
„Земјата направи добар напредок во исполнувањето на условите за визна либерализација. Комисијата наскоро ќе препорача визна либерализација за земјите кои ги исполнуваат условите. Не е тајна дека Македонија е меѓу најдобрите земји кои ги исполнуваат критериумите“, изјави Рен.
Според Рен, за добивање датум за преговори потребни се дополнителни напори во реформите на администрацијата, судството и борбата против корупцијата.
„По изборите ќе ги удвоиме напорите во реформите на судството, борбата против корупцијата и администрацијата, како и зголемување на сите државни капацитети за интегрирање во ЕУ“, рече Милошоски.
По задоволително спроведените избори во Македонија, еврокомесарот за проширување оцени дека по изборите се отвора можност за конечно решавање на спорот со Грција.
„Оваа година може да се реши долгиот спор за името, сега кога властите се консолидираа, од нив имаме големи очекувања мудро да се вклучат поактивно во решавањето на спорот со Грција“, вели Рен.
„Кога зборуваме за името, сакам да потцртам дека наша цел е да се постигне балансиран и не едностран предлог кој на грчки и македонски јазик ќе биде преведено како компромис за двете страни“, рече Милошоски.
Конечната оценка од Европската комисија за визна либерализација се очекува на средината од мај, а во јуни истата препорака да ја потврди и Советот на ЕУ.
Доколку се исполнат и барањата за непартиска и непристрасна јавна администрација, независно судство и поефикасна борба против корупцијата, во октомври Комисијата ќе даде позитивен извештај за напредокот на Македонија и датум за преговори.
А1
„Земјата направи добар напредок во исполнувањето на условите за визна либерализација. Комисијата наскоро ќе препорача визна либерализација за земјите кои ги исполнуваат условите. Не е тајна дека Македонија е меѓу најдобрите земји кои ги исполнуваат критериумите“, изјави Рен.
Според Рен, за добивање датум за преговори потребни се дополнителни напори во реформите на администрацијата, судството и борбата против корупцијата.
„По изборите ќе ги удвоиме напорите во реформите на судството, борбата против корупцијата и администрацијата, како и зголемување на сите државни капацитети за интегрирање во ЕУ“, рече Милошоски.
По задоволително спроведените избори во Македонија, еврокомесарот за проширување оцени дека по изборите се отвора можност за конечно решавање на спорот со Грција.
„Оваа година може да се реши долгиот спор за името, сега кога властите се консолидираа, од нив имаме големи очекувања мудро да се вклучат поактивно во решавањето на спорот со Грција“, вели Рен.
„Кога зборуваме за името, сакам да потцртам дека наша цел е да се постигне балансиран и не едностран предлог кој на грчки и македонски јазик ќе биде преведено како компромис за двете страни“, рече Милошоски.
Конечната оценка од Европската комисија за визна либерализација се очекува на средината од мај, а во јуни истата препорака да ја потврди и Советот на ЕУ.
Доколку се исполнат и барањата за непартиска и непристрасна јавна администрација, независно судство и поефикасна борба против корупцијата, во октомври Комисијата ќе даде позитивен извештај за напредокот на Македонија и датум за преговори.
А1
:
