Доста неизвесни се третите лиги сезонава.
Сигурно е единствено дека Охрид ќе биде патник во втора лига, како шампион на југо-запад со оглед на тоа што на 9 кола од стартот на сезоната, веќе има 9 поени предност.
Осогово е голем фаворит на истокот, но изненадува што веќе по 8 кола има 2 порази (од Овче Поле во Свети Николе и од Кежовица). Овче Поле е втор со 2 порази и едно нерешено и веројатно е единствена екипа која би им ги поматила сметките на Кочанчани.
Лигата со најмал број на екипи е југо-источниот регион во кој настапува некогашниот прволигаш Турново. Во лигата која брои 6 екипи, Дојранско езеро е прво со 12 поени, 2 повеќе од Тиверија која изигра нерешено со Спартмани на домашен терен. Да видиме дали после долги години, Дојранско езеро ќе успее да се пласира во втората лига.
Централниот регион почна со доминација на Превалец, но во последните два дуели загубија 5 бода. Најпрвин беа декласирани од Питу Гули во Крушево со 4-0, а денес изиграле 1-1 на домашен терен со Напредок од Крушеани. Питу Гули има шанси да се израмни со бодовите со Превалец, ако утре ги добијат Братство на гостински терен. Превалец е прв со 19 поени, Питу Гули има 16 и нтпревар помалку, а Бабуна има 14 поени, исто така со натпревар помалку. Чудно е што екипите губат поени и на домашен терен, Питу Гули ремизираа со Горно Коњари, а загубија кај Тополка. Бабуна загуби дома во дербито со Превалец. Ќе гледаме израмнета борба до крајот.
Северот и западот се калакурница, особено на северот.
По 8 кола, 7 екипи се во трка за прво место.
Локомотива и Братство имаат по 16 поени, Фортуна и Кадино по 15, Беса, Волково и Кадино по 14.
Локомотива ми изгледаа за фаворити откако тепаа кај Братство со 2-5, за потоа да загубат дома од Кадино со 0-2.
Кадино има 3 порази на терените во кои задолжително се губи (Беса и Фортуна) и во дербито кај Братство. Па од сегашна перспектива, делуваат можеби и како најголеми кандидати за втора лига. Чудно е што само по 8 кола, водечките веќе загубиле 8 поени. Локомотива има нерешено 0-0 кај Волково, пораз на домашен од Кадино и пораз во Драчево кај ССК. Братство загуби дома од Локомотива, одигра нерешено во Драчево кај ССК и загуби од Студена Вода од Доброшане.
Тешко е да се предвиди кој ќе биде прв. Мислев дека Братство ќе фрла највеќе пари, но се е можно.
На западот не се случило досега Вардар Форино да загуби бодови на домашен терен.
Сепак, изиграа само 3-3 со Љуботен и 0-0 со Речица.
После 7 кола, Вардар и Љуботен имаат по 14 поени, а Напредок има 13.
Вардар Форино загуби кај Трабзонспор покрај двете нерешени. Напредок почна одлично, но загуби кај Трабзонспор со 3-2, а потоа киксираше со Нераште на домашен (1-1) и загуби во дербито во Форино од Вардар со 1-0. Сепак, се уште имаат шанси за прво место.
Љуботен загуби кај Напредок на гости (дури со 6-1), извади бод од Форино, а одигра и 0-0 дома со Дрита. Импресивно, тепаа со 0-5 кај Фљамуртари, а на гости го добија и Арсими.
Убаво би било Љуботен или Напредок да финишираат како први, како две единствени македонски екипи во лигата.