Јас само да напоменам дека викендов започнаа со играње и третите лиги-север, запад и југ, а за резултатите за ова коло но и за натамошните има една фантастична страна macedonianfootball.com иако верувам дека ја знаете, која одлично ги ажурира резултатите, покрај од првата, вторите и од сите 6 трети лиги, за разлика од ФФМ , која иако под нејзина капа се играат натпревариве, не објавува никакви резултати ниту табели. Од она што ме изненади, на северот не го гледам Металург, но ја гледам Цементарница, што се случило со сениорскиот тим на Металург не знам, а гледам дека на нивниот фејсбук објавуваат резултати од нивните пионерски и кадетски екипи. На западот пак, симболот на македонскиот фудбал ФК Напредок-Кичево оваа сезона очигледно ќе игра само за да преживее, по првиот резултат сезонава каде загуби на домашен терен од Вардари Форино со 1-4. За југот по првите резултати, не знам дали Детонит Јуниор е толку јак или Партизан Баш е толку слаб, но вака Радовишани изгледаат за кандидат за влез во 2 лига, не е мала работа да победиш со 16-1 без разлика која е силината на противникот. Покрај ова, на југот гледам нови екипи, како на пример Спартмани од (веројатно) Дабиле кои порегуларен пат не обезбедија пласман во 3 лига, а го нема Зорбас од Мрзенци, па ни Огражден кој обезбеди пласман од ОФС Струмица. Очигледно на негово место дополнително е повикан Партизан Баш, кои немале време да склопат добра екипа и партали ги направиле во Радовиш.