Неколку забелешки:
1. Мора да се внесе еден-два пасоса за значењето на овој локалитет за историјата на Македонија, т.е. потребно е да се даде контекст. Без таков вовед, излегува дека Цареви кули лебдат во воздух во историјата.
Истовремено, акцентот ти е премногу ставен на Струмица/Струмичани. Секој Македонец, не само Струмичанец, треба да се гордее (како што си напишал). Ако остане описот само на Струмица, има премногу пароихијален тон.
2. Именувај ги сликите бидејќи не се знае за какви предмети се работи, каде се пронајдени на наоѓалиштето и од кој период се. Така е професионално и доколку сакаш дискусија, треба да кажеш за што се работи.
3. Направи лектура на напишаното, на пример не е добиен “гранд’’ туку грант, Струмица се пишува со голема буква, а после секоја запирка следниoт збор е оддалечен со едно место т.е. не е залепен за запирката.
4. Стави карта на Македонија и наведи каде е Струмица.
5. Каде и да се спомнува општината/градот Петрич, стави во загради дека се работи за пиринскиот дел на Македонија во денешна Бугарија.
6. Наместо да ставаш знамиња како симбол за јазиците, напиши со букви: Македонски, Б’лгарски, и English. Ова заради тоа што Бугарија не признава Македонски јазик, туку вели дека постои само официјален јазик на Република Македонија кој не е народен јазик. Бугарски јазик воопшто не е потребно да вметнуваш иако проектот е заеднички. Впрочем, Бугарите можат да си направат свој сајт на свој јазик.
Поздрав,
за Струмица.
