123 МАКЕДОНСКИ АЛБУМИ КОИ МОРА ДА ГИ ПРЕСЛУШАШ ВО ЖИВОТОТ

003. Пепи Бафтировски - Заветна (1991, РТС)

Пепи беше еден од ретките пејачи на народна музика чиј глас од секогаш ме наежувал само што ќе почне да пее. Многу карактеристичен вокал и типично македонско традиционално пеење со кое се надоврзува на Сариевски, Бадев, Манчевски... Сегашните пејачи мислат дека звучи поубаво ако лупнат некој трилер на крај на фраза, по примерот на Србите и особено Босанците, но македонската музика не е таква, кај овие пејачи не може да се најде никаков трилер, а украсите се минимални. Пепи звучи не како да пее, туку како да ја гали песната. Како таа да е од најскап порцелан кој и најмала осцилација може да го уништи, па тој со гласот ја пази, ја чува, ја негува...

„Заветна“ ја убија последниве години ставајќи ја во контексти кои не и личат. Ама песната е маестрална! Барбаровски фамилија се едни од најненадминатите автори на народна музика во државава, ќе видите и понатаму кога ќе имаме и други народни албуми - најдобрите песни и најголемите хитови се нивните. Текстот е приказна за себе. Не морници, солзи вади од очи суви ко пустина!

Може да те одречат,
други да те предадат,
можат сешто да измислат.
Само ти си бесмртна,
жива вода подземна,
кај што тонеш ти извираш.

:cuc:

Но, реално, на албумов освен Заветна, Ако згрешам нека изгорам и Само една песна, другите песни се просечни. Сите познати, ама не прават да залупа срцето посилно. Yes да не можеш да очекуваш на било кој албум сите песни да се добри, ама сепак впечатокот ми е дека тука има повеќе филери од хитови. Затоа од мене, исто 4/5.

Пепи беше омилен пејач на мајка ми. Сега пловат двајцата високо некаде на небесата. Слава им.

P.S. ОК, ајде, ќе пробам на три дена да ставам нови албуми, па ќе видиме кај ќе не одведе.
 
placeb напиша:



Злате оти повеќе го сака 2-от албум затоа не го стави од јутуб:D...и јас песна по песна слушав додека не го најдов целиот на еден линк.

002. Баклава - Баклава (2006)
Фала на сите што сте гласале за овој албум оти јас првпат го ислушав благодарение на оваа тема.
Сакам едноставни работи а ова е синоним за тоа, чиста емоција како од планински извор.
Убавина. Храна за душа.

пет од пет.
Кликни за повеќе...
Со задоцнување, го слушам Баклава 1... и ќе пробам да надоместам и стигнам..
Нема да коментирам песна по песна, сепак се работи за народни песни со променет аранжман.
Ете првпат во живот ја слушнав "Невеста жито требеше", и опс го фанав Ориѓански од кај крадел за Каролинчето :D
Ружа ружица.. и едноставно не можев да ја одслушам! Имало причина зошто не сум го знаел оригиналот народната, затоа што е мех.
Не дека и другите песни ги знаев.. освен Мори чупи костурчанки, ама и таа не ми е "омилена"..
Маријо Дели Бела Кумријо би ја издвоил како песна што посебно ми се допадна од албумов!

Колку ми е само глупо да оценувам народни песни, немате појма...
ама ако веќе мора, самиот избор, аранжман, и изведба..
2/5
Не би го слушал повторно овој албум ако сум искрен.
 
003. Пепи Бафтировски - Заветна (1991, РТС)

Секоја чест за темава не можам секогаш да коментирам ама ете сега е редот на Пепи.

Имам голема почит према него како пејач. Одличен е, со вистински песни на вистинско време, за мене великан. И пример за трагичноста на естрадата наша Македонска. Остави голем културен придонес а умре во беда, заборавен. Илјада пати ми е изгледан спотот кога Заветна ја пее пред Соборниот Храм во Скопје и сеуште се наежувам.

Заветна стана популарна последните години мене уште пред популарноста ми беше омилена слика на Македонскиот патриотизам. Благ, хуман, пасивен, издржлив и полн со емоции. Оваа песна само со Пепи е уникатна сум слушал многу изведби од други пејачи ама не може да го достигнаат Пепи ни прилично. Само од него испеана е автентична.

Исто така песната Ако згрешам нека изгорам ми е меѓу најдобрите Македонски песни. Така типична Македонска народна песна. Спора, емоционална, тешка. Текстот секој збор на место, поезија. Може да се пронајде човек во неа, сега од ретроспектива секогаш пред некои животни одлуки таа песна ја слушав. Ја поврзувам со многу лични работи. Исто така пеена од други не е прилично иста, иако Каролина има добра изведба.

Само една песна таговна исто така високо ја ценам. Не е за секоја прилика, спора, тешка дури напорна за слушајне. Ама музика и текст одлични. Морам да признам му лежат вакви песни. Оваа песна можеше и да биде од Војо Стојановски има сличности во стилот.

Душо моја од овој албум исто така одлична песна а за другите добри се ама не на тоа ниво како спомнатите од албумот.

Не можам помалце од 5/5 да дадам со оглед на тоа што овде има за мене барем 2 песни кои влагаат во топ 10 на сите времиња. А за Пепи ми е мило барем преку Заветна од после да добие реноме како што заслужува. Лесна му земја.

 
003. Пепи Бафтировски - Заветна (1991)

Колку пријатен и милозвучен глас има човеков.
Не сум некој фан на народната музика, ама ова можам да го слушам постојано. Немам што да додадам а да не е кажано веќе.

3.5/5
 
003. Пепи Бафтировски - Заветна (1991)

Кога ќе го видев на телевизија како дете, ме плашеше со својата габаритна појава и ми делуваше застрашувачки, ама штом започнеше да пее, со својот мек и милозвучен глас, веднаш ја симнуваше таа „страшна појава“.
Пепи е еден од плејадата великани со кои може да се пофали македонската народна музика и еден пример за тоа како еден уметник со многу посветеност и љубов може да создаде музика што ќе трае со генерации.
Во неговите песни, секој еден тон, во секој стих, во секој рефрен може да се почувствува емоцијата која ја пренесува на слушателот ( „Ти не плачи мајко, што сум далеку и сам“ - Ако згрешам нека изгорам) , се чувствува љубовта, радоста, тагата, копнежот, раздорот, чувството на припадност кон родното. Албумов е вистински мелем за душата.
Додека ја слушав Заветна, си размислував како песнава би звучела на англиски, ама испеана во некој рок стил. Нешто Scorpions style :vozbud:

Somewhere they will silence you,
somewhere they will hide you,
with grave upon grave they will cover you.
Only you are immortal,
living water from the underground,
where you sink, you spring forth.

Centuries of hell, together we shall pass,
ancient Macedonian land,
so it is written that we shall be nothing,
you without me, and I without you.

They may disown you,
others may betray you,
they can invent anything.
Only you are immortal,
living water from the underground,
where you sink, you spring forth.

Без размислување 5/5

П.С. Не дека дома некој или додека работи, ќе пушти да слуша македонска народна музика (секогаш се пушта нешто странско), ама убавината на македонската народна музика е во тоа што ни е еден потсетник за тоа кои сме и од каде доаѓаме и имаме со што да се пофалиме.:love:
 
04.10.2025, одиме на нареден албум

1759595452360.png

004. Влатко Лозаноски Лозано - Лозано (2010, Продукција Република)

1759595532791.png

Влатко Лозаноски - Лозано е роден на 27 јуни 1985, во Кичево. Негов прв јавен настап беше како натпреварувач на македонското музичко шоу „Мак Ѕвезди“ со песни од Тоше Проески во септември 2007 година, но за жал не успеа да се пласира во финалето. Еден месец подоцна, тој доби гран при за дебитант на првиот Македонски Радиски Фестивал наречен Ѕвездена ноќ. Ја пееше песната Врати ме, што воедно е и неговиот прв сингл, додека негов втор сингл е Обичен без тебе. Во октомври 2008, со неговиот трет сингл Времето да застане ја доби наградата од жирито на фестивалот Макфест. Во 2009 учествуваше во македонскиот избор за песна на Евровизија со песната Блиску до мене и се пласираше четврт. Во јуни истата година настапи на фестивалот Pjesma Mediterana во Будва, Црна Гора. Во јули, пак, настапи на фестивалот Slavianski Bazar во Витебск, Белорусија каде доби втора награда. Следно, заедно со Магдалена Цветкоска, со песната I'm your angel настапи на фестивалот Golden Wings во Молдавија, каде го освоија второто место. Неговиот прв албум се појави во 2010 година. Истата година учествуваше на македонскиот избор за песна на Евровизија со песната Летам кон тебе, но го освои четвртото место.

Во декември 2012, Македонската радио-телевизија најави дека Лозано, заедно со Есма Реџепова ќе ја претставуваат Македонија на изборот во Малме со песната Пред да се раздени. Не успеаја да се пласираат во финале, го освоија 16-тото место од вкупно 17.

До сега има објавено 3 албуми: „Лозано“ во 2010, „Преку седум мориња“ во 2012 и „Десет“ во 2018 година.

Влатко е познат по тоа што не сака јавно да зборува за својот интимен живот и љубовта. Тој со години крие дали е во врска или сингл и најчесто ги избегнува и новинарските прашања за девојките, но секогаш со задоволство разговара за теми поврзани со музиката и неговото родно Кичево. Во 2024 година доби син, Марко.

Неговиот деби-албум „Лозано“, е скоро целосно напишан и продуциран од неговите долгогодишни соработници, пејачката Магдалена Цветковска и нејзиниот брат Лазар Цветковски, со исклучок на еден текст кој е напишан од Раде Врчаковски Врчак и песната „Времето да застане“ е напишана од Хари Котларовски. Албумот е снимен во студиото на Лазар Цветковски, а издаден под капата на Продукција „Република“.

ЛИНКОВИ ЗА ПРЕСЛУШУВАЊЕ НА АЛБУМОТ:

1759596201683.png 1759596237709.png1759596380263.png
 
vouager напиша:
Po moe si zaboravile nekoi makedonski legendi koi se daleku popoznati i pouspeshni od nekoi od ovie na listata i mislam deka zasluzhuvaat da dobijat dostojno mesot na listava pa makar i da ja proshirite!

Dragan Mijalkovski Кажи нешто драга
Ljupka dimitrovska Zvona Zvonat
Maja Odjaklieska Mnogu Solzi
Кликни за повеќе...
Драган Мијалковски има издадено 1 албум "Хајде да се проведемо", во 1979, комплетно на српски. Кажи нешто драга не е дел од тој албум и од никој друг. Љупка Димитровска е хрватска пејачка со македонско потекло. Освен Звона звонат и можеби 2-3 други песни, никогаш не пеела на македонски. Ама и да речеме дека е Македонка, сепак Звона звонат не е дел од некој нејзин албум кој би можел да се најде на листата. Маја Оџаклиевска, пак, има само 2 албума, исто, и двата на српски и Многу солзи не е дел од ни еден од нив.

Значи не сме ги заборавиле ние легендите, туку не сме бирале легенди, биравме албуми.
 
004. Влатко Лозаноски Лозано - Лозано (2010, Продукција Република)

Хмм, од кај да почнам? Вака: според мене „Лозано“ на Лозано е првото добро парче музика кое се појави на македонската поп сцена по смртта на Тоше. Тоа беше албум кој фрли искра дека не е се така мрачно и дека ние како нација се уште ја имаме песната во нас. А Влатко е ѕвер! Тој е пејачиште од ист калибар како што беше Тоше. Човек кој да му дадеш да го испее телефонскиот именик, и тоа ќе звучи убаво. Да, неговата боја на глас неверојатно потсетува на Тоше, заради што и добиваше многу споредби на времето, но подоцна човекот создаде една своја фан-база и мислам дека е еден од ретките ликови на нашата естрада кој не може да не го сакаш.

„Лозано“ е албум преполн со хитови! Скоро сите песни, до една, од „Врати ме“, „Обичен без тебе“, мојата омилена „Блиску до мене“, победничката на Макфест „Времето да застане“, неверојатната „Душо варљива“, „Нема да е крај на свет“, „Очи што тајни кријат“... сите беа неверојатни хитови. Има само 2 песни кои ги сметам за филери и реално и тоа се. Но сите овие песни спомнати ги доживеав по малку outdated. Звучат многу 2010-ти, но денес да се појавеа, мислам дека не би поминале кај нас. Аранжманите на сите нив се типично 2010-ти, со многу гитари, некој поп-рок или soft-рок призвук, тоа што беше најпопуларно во тоа време. Но денес сметам дека е малку застарено, или можеби сум ги преслушал сите овие песни, па затоа така ми звучеа...

Но, има една песна, единствена „Сонце не ме грее“ која сметам дека е веќе евергрин и која и по 50 години од денес ќе биде песниште! Таа е една од најдобрите, ако и најдобрата поп песна во последните 15 години кај нас, и јас цврсто стојам зад тој став. Таков текст, таква емоција, таква оркестрација, убаво продуцирана... Не за џабе имаше таков успех насекаде низ Европа па и светот, во тоа време, сосема беше заслужено. Е „Сонце не ме грее“ е единствената песна на цел албум која и денес не звучеше застарено и износено и од која и денес, по 15 години, ме полазија морници.

Генерално, албумот ми беше за тројка, но давам еден голем плус само за „Сонце не ме грее“, па така ова ќе биде 3,5/5. Го обожавам Влатко, само реалноста е таа, колку и да сакав да ми се допаѓа повеќе, не успеа во тоа.
 
004. Влатко Лозаноски Лозано - Лозано (2010, Продукција Република)

Влатко Лозановски Македонски - Периодот кога излезе албумот не слушав такви работи...ама албумот има песни - прекрасни, едноставни, лесно слушливи и после толку време воведната - Нема да е крај на свет - ми прави исти мерак како и тој период кога излезе албумот.
Албум со песни кои до денес ги слушам заедно со понатамошните песни што ги има отпеано.

Моментот кога ги видов со Владо Јовановски Македонски како на Пелистер ја пејат Разболе ми се Калина - ми е архетип за македонци.

Разболе ми се Калина​

Разболе ми се Калина
во това поле широко, широко.

Никој при неја немаше
сал едно пиле шарено, шарено.

Со уста вода носеше
со крилца сенка држеше, држеше.

- Еј море пиле шарено
шо добро виде од мене, од мене?

- Калино, моме убаво
кога гореше гората, гората.

Ти мен во раци држеше
со масло крилца ладеше, ладеше.
Неколку секунди кои трајат како вечност. 3:41
youtu.be

Истражи ја Македонија - Пелистер и Дихово

Истражи ја Македонија 3, Кампања за промоција на Македонија како атрактивна туристичка дестинација. 2013www.istrazijamakedonija.com.mkВлада на Република Маке...
youtu.be youtu.be

4/5
 
Ете и 3 дена направивме, и пак ве нема. :( Баш ми е жал што и ова полека се претвора во мои монолози. А имаше потенцијал да биде масовно. Сепак за Македонија се работи, за нашата песна. Кога јас со две деца, работа и 300 други обврски успевам секој ден да ислушам по 2 албума, плус уште еден од тука, од македонските на секои 2-3 дена, мислам дека секој може да најде време за еден, македонски, на секои 72 часа. Ама тоа е што е. Ќе ја изгурам до крај оваа тема, со надеж дека нешто ќе се промени, иако сум скептичен.

07.10.2025, одиме на петто дете:
1759853482905.png

005. Бодан Арсовски - Endless View (1995, Езгија)

1759853645494.png

Бодан Арсовски е легендарен македонски басист чие творештво е тесно врзано со групата Леб и сол. Бодан Арсовски е роден во Куманово на 26 април 1956 година, во познатото ромско маало Средорек. Неговите родители рано се преселиле за Скопје, во населбата Тафталиџе, каде го запознал Влатко Стефановски, кој исто така со своето семејство се преселил во оваа населба. Со Влатко Стефановски, во 1960-те години на минатиот век (тогаш Бодан бил петто одделение) го оформиле составот ВИС (Вокално Инструментален Состав) Јегуље. Потоа и двајцата се нашле во составот Ирис по што следело искуството со клавијатуристот Мики Петковски во неговиот џез-рок бенд Брег.

Бодан и Влатко, заедно со Кокан Димушевски и Димитар Чочоровски на први јануари 1976 година ја оформиле групата Леб и сол, во која единствено Бодан и Влатко биле постојани членови, низ годините. Во дведецениското активно работење на Леб и сол, Бодан учествувал во реализација на дванаесет албуми (два снимени во живо) и една компилација, многу музички дела за филмови, телевизија и театар. Во Леб и сол важноста на Бодан Арсовски е идентична со умешноста на Влатко Стефановски и тие двајца како тандем беспрекорно функционирале цели 20 години. Без оглед што во создавањето на песните на Леб и сол Бодан Арсовски учествувал како композитор и бас-гитарист (аранжманите ги работеле заеднички), во 1987 година на проектот Као какао Арсовски се јавува и како вокалист. Имено, Бодан таму ја отпеал песната „Аутопут“ за која зборовите ги напишал драмскиот писател Горан Стефановски, братот на Влатко. Од опусот на Леб и Cол како авторски теми на Бодан се издвојуваат: „Дамар“, „Како ти драго“, „Ручни рад“, „Скакавац“, „Тако близу“ и уште многу други. После успешната турнеја по повод триесетгодишниот јубилеј на групата во 2006 година, од која било снимено CD и DVD изданието Live in Macedonia, Бодан Арсовски заедно со Кокан Димушевски ја продолжуваат приказната на Леб и сол, заедно со нови музички соработници и се активни уште една деценија. Прошталните концерти на групата се случиле во декември 2016 година, заедно со симфониски оркестар, во Македонска Опера и Балет. Овој финален проект бил насловен како Леб и сол Symphony.

Како круна на заедничката работа, во октомври 1990 година, под етикетата на нивната заедничка издавачка куќа Трето уво Бодан Арсовски и Влатко Стефановски го промовирале првиот проект надвор од Леб и сол. Се работело за музички хороскоп - Зодијак - првиот македонски рок-балет и првиот компакт диск во историјата на македонската музика.

Во текот на својата 25 годишна кариера Арсовски концертирал на голем број светски музички сцени, со Леб и сол и со своите самостојни проекти. Така Бодан го слушнале во: Њујорк, Чикаго, Вашингтон, Лондон, Париз, Амстердам, Прага, Белград, Загреб, Сараево, Љубљана, Солун, Скопје итн. Во август 2000 година Бодан и Езгија одржале триумфален концерт во античкото наоѓалиште Стоби, во близина на Велес. Под мотото Татнежи во Стоби, со вистинското македонско етно, по 16 века е оживеано едно од клучните сценски места на древна Македонија. Но, моќната етно-машинерија тука, едноставно не запрела. Имено, по повод издавањето на својата прва соло-компилација, наречена Best of Bodan Arsovski, на која се нашле најуспешните композиции од самостојната кариера (од претходните четири албуми), во летото 2002 година, Бодан и Езгија повторно тргнале на македонска турнеја по античките театри, а честа да ја доживеат исконската музика ја имале жителите на: Охрид, Велес, Битола и Скопје, со настапите на наоѓалиштата: Лихнид, Стоби, Хераклеја и Скупи. Според плановите, материјалот од оваа невообичаена турнеја требало да се најде на DVD формат.

Последните денови на Леб и сол, кога веќе сите оригинални членови ги издале своите самостојни проекти, во продажба се појавил првенецот на Бодан Арсовски, Endless view со осум инструментални теми. Како студиски соработници на албумот се наоѓаат имињата на легендарниот гајдаџија Пеце Атанасовски, Сабит Тахири (деф), Гоце Мицанов (саксофон), Ѓоле Мишковски и Кокан Димушевски (клавијатури), Александар Поп Христов (акустичен бас) и Зоран Јовановиќ - Лима (бас-кларинет и сопрано-саксофон). Албумот одлично поминал во јавноста и со право се стекнува со епитетот еден од најдобрите македонски албуми на сите времиња. Концертната промоција Бодан и неговиот следечки состав Езгија Оркестар ја имале во Скопје, пред преполнетата Универзална сала и на општа радост на бројната публика.

ЛИНК ЗА ПРЕСЛУШУВАЊЕ НА АЛБУМОТ
 
004. Влатко Лозаноски Лозано - Лозано (2010)

Мене многу ми се допаѓа албумот и гласот на Влатко во целост. Ненормално подсеќа на Тоше и кога го слушав ме полазија морници. Песните, како што кажа Злате, си се за своето време. Некои ќе останат вечни, некои си се 2010та вајб.
Иначе јас веднаш другиот ден го преслушувам албумот, ама заборавам да пишам рецензија или ме мрзи. До крај ќе останам на предизвиков ја.



4/5
 
Последно уредено:
004. Влатко Лозаноски Лозано - Лозано (2010)

Ќе биде ова непопуларно мислење, ама јбг :toe:
Во една прилика присуствував на свадба каде што пееше ликов. Влегува во сала додека ја пее „Сонце не ме грее“ (песната ко песна си е феноменална, ама не е за интро на свадба). И беше баш крипи додека им пее на младенците
„Сонце не ме грее, каде замина ти
Од очи ветeни врнат стари спомени
Сонце не ме грее, сонце каде си ти
Сам ме остави, небо ти ми затвори :icon_mrgr:

Нејсе,
Верувале или не, ова е прв негов албум да седнам и да го ислушам во целост, налетувања на телевизија и по радио станици не се важи.
Од првиот момент кога се појави на музичката сцена како натпреварувач на македонското музичко шоу „Мак Ѕвезди“, со ликов не се „засакавме“. Еден дел се должи на тоа што почнав да го доживувам како бледа копија на Тоше Проески, имав чувство дека ликов се труди да го имитира Тоше, барем така го доживував. А другиот дел е тоа што како појава ми е крајно нехаризматичен, антипатичен, шарм голема 0, тапа гестикулација, „ко селско дете за на доктор“.
Едноставно не се чувствувам пријатно додека го слушам како пее.
Да, неговата боја на глас страшно потсетува на Тоше и додека го слушав дури ми беше и морничаво. Немам замерка на текстови, музика, продукција, арно ама, како целина не ми се допаѓа.
Албумов го слушав во чест на листава и повторно ме остави со истиот став. Лозано не, не, не.

2/5

П.С. @Zlatikevichius мој предлог е да се врати повторно на 2 дена. Кој сака да учествува ќе учествува, кој не сака да учествува и 10 дена да му дадеме нема да учествува. Албум се слуша додека се работи, додека се јаде, додека се прави било што, така да „немам време за да преслушам 30-40 минути албум во денот“ е само изговор.
 
004. Влатко Лозаноски Лозано - Лозано (2010)

Штом е од Кичево не е за фрлање. Туку, памтам кога почна свиреше низ Кичево по Кафичи не ми текнува како се викаше Escape дали се викаше (кај Цанион) пред десетина души свиреше. Тоа не дека не знаеше и тогаш туку такво беше местото. Мило ми е што успеа оти има недостиг на добра поп музика од Македонија а Влатко исполнува со добар квалитет. Се сеќавам и како после смртта на Тоше го потценуваа како го глуми Тоше и не го бива. Глупост.

За албумот:
Обичен без тебе, Блиску до мене, Сонце не ме грее, Очи што тајни кријат, Врати ме одлични песни. Има и некој филер. Добар дебитански албум со 4/5 од мене.

Иначе после ова следуваа уште многу уште подобри песни. Ја збогатува Македонската поп сцена.
 
005. Бодан Арсовски - Endless View (1995)

Морам да признаам дека имав поголеми очекувања за албумов. Миксот од различни звуци, без некоја линеарна звучност ме натера да помислам дека слушам рок-џез. А јас џез не сакам. Имаше и добри моменти, за позадинска музика е океј.

3/5
 
You must log in or register to reply here.

Kajgana Shop

Back
На врв Bottom