Ние немаме веќе ни врз што да градиме економија. Првиот крах ни се случи со криминалната приватизација а вториот со доаѓањето на преродбениците. Првиот беше очигледен грабеж, вториот дојде како завиткана обланда т.н преродба која што се надградуваше десет години и ако имаше за намера нешто суштински да промени сега после толку време поминато требаше да ги бериме плодовите од таквите економски политики. За тоа колку беше ефикасна најдобрата економија во Европа говорат и бројките на економски раст кои што во просек се движеа околу 3% што е пак многу мал раст ако се земе во предвид дека сме економија во развој, а таквите економии, еве да го земеме Виетнам на пример и остала боранија од тој тип, остваруваат раст и над 7% годишно. Нам главен двигател на растот во ерата на Груки ни беше градежништвото, водени од мантрата ,,битно е да се гради што дека се кради'' - ни изгради мал Дизниленд среде Скопје под изговор дека парите ќе се врателе од туризмот за едно 500 години од сега. Толку беа отчетни и транспарентни во трошењата та до ден денес не дознавме колку пари целото тоа лудило чинеше, гледам и бројчаникот на триумфалната не престанува да врти.
Ако гледаме еднонасочно, тогаш да, од социјален аспект странските инвестиции си ја остварија улогата, меѓутоа од економски - тешко. Се плашам дека со толку даночни олеснувања, субвенционирање, единствено што останува е платата од тие 300 евра за кои дури да дојдеш до нив ќе треба да изработиш надчовечки норми во три смени, во месецот да ти се погодат две недели каде што ќе работиш трета смена, да работиш и во саботи за што си дополнително платен, па да стигнеш до плата над 20к. Е сега кој е во состојба тоа долгорочно да го поднесе...плус си во допир со штетни хемикалии, жички премачкани со отров за глувци кои што се дел од автомобилската инсталација.
Ако се гледа на предностите, платено ти е апсолутно се. Превоз, храна, прекувремени...нешто што за голем дел од македонските фирми тоа и ден денес е научна фантастика, а да не правиме муабет за пред тоа.
Сепак, 99,9% ако треба да избираат измеѓу инвестициски гулаг и државна работа, би избрале државно. Што пак одблиску говори за квалитетот на овие инвестиции. Да не почнувам и уште колкумина се иселија од тогаш. Така да малку инвестиции, многу државни вработувања а уште повеќе иселување и доаѓаме до 20% невработеност. Во меѓувреме економскиот раст закотвен во интервал од 2-3%. Па Германија до вчера имаше раст од 2% што е огромна бројка ако се земе обемот на економијата. Ние со вакви стапки, ќе ни требаат едно 50 години да го стигнеме упола од нивниот стандард и тоа под услов во тие 50 години тие да не остваруваат никаков раст.
Инаку на прашањето зошто некој би дошол тука да инвестира:
Филип Ван Хул: Во Белгија еден работник добива 40 евра на час, а во Македонија 4 евра
Еве, дури сме му ја спасиле компанијата која што во Белгија работела со загуби.
Ептен ја издолжив, ова се е некако дежа ву од пред 5-6 години, ама по што имаме меморија на златна рипка упорно се повторуваме. Допринос за тоа има и моменталнава власт, оти треба да си ептен гној за да направиш владеењето на Грујо на некој да му изгледа како успешна приказна. Не е спорно дека на некој и тогаш и сега му е супер, и дека како дечкото од погоре е задоволен од динамиката на инвестирање во минатото и со носталгија се сеќава на тие времиња. Доста луѓе вадат парче леб во тие погони, знам како е од прва рака. Ама се тоа да се претставува како некој колосален економски успех, квантен скок, дека сме биле балкански економски тигар...тоа мало сутра.
