Имав налетано на еден добар цитат "At every job you should either earn or learn. Either is fine. Both is best. But if it's neither, then quit."
Ако си почетник кој тек излегол од факултет, со нула искуство во пракса, никој нема да ти даде повеќе од 300 ЕУР месечно. Зборам за кај нас и сега, во моментов. Можеби 350 максимум. Ама ќе ти даде шанса да чепнеш нешто, да видиш како всушност функционираат работите, да се соочиш со вистински проблеми и да научиш како треба да размислуваш за да си во вистинската насока кога бараш решение на тие проблеми. Решението сигурно нема одма сам да го најдеш. Пошто како и се во животот, и самата работа е процес кој се учи со тек на време, ќе учиш од колеги, ќе учиш од надредени, ќе учиш од твоите грешки, од грешките на тие до тебе.
И ова е сосема океј. После 6-9-12-18 месеци ќе поминеш низ повеќе различни ситуации, ќе се изградиш како професионалец, ќе си ги подобриш и вештините за комуникација, ќе се изитриш малце, ќе сфатиш до каде си стигнат и колку знаеш, па неминивно ќе дојде момент кога ќе си кажеш на самиот себе "можам јас повеќе од ова". И тука имаш две опции - првата е, во самата фирма во која си почнал да добиеш поголема одговорност и поголема плата (нормално ако сакаат и ако воопшто има простор за тоа), а втората е да си бараш нова работа во склад со твоето знаење и способност.
Многу е битно да знаеш дека дури и да не успее првата опција, не смееш да се разочаруваш. Едноставно е, како што имаш ти, така имаат и они нивен буџет и нивни планови и едноставно можеби им треба само џуниор на твојата позиција и тоа е тоа - нема место за уште еден човек со поголеми одговорности и плата. Има фирми вака што менуваат само почетници и практиканти, со цел да заштедат на трошоци и едноставно им се исплати.
Е сега, целиов овој процес може да биде малце болен и трнлив, ама затоа интернетот ни овозможил шанса да се поврзаме со било кого низ светов, а со тоа да најдеме и "remote job", каде ќе си платен на саат и ќе работиш само неколку саати неделно. Имаш Upwork, Fiverr, Freelancer, огласи на LinkedIn, и можеш да дојдеш уште до милион вакви платформи ако изгуглаш, каде се бараат фриленс работници кои ќе работат part-time и ќе имаат можност а си заработуваат некој вид на "втора плата". Најјако е што и тука можеш да напредуваш. И во самата работа, а и на самите платформи. Да одвоиш по саат, саат ипол навечер, 3-4 саати за викенд и еве ти месечни примања од +500 ЕУР.
Опции постојат, само треба да ти се работи и малце да ти фаќа кликерот. Дури и нема потреба од дома да излезеш, ако е тоа проблем.