‘‘Зајди, зајди‘‘ украден како sound track во ‘‘300‘‘!?

[Димитар]

Плагијат!!!

Сношти го гледав филмот 300 кој и покрај многуте коментари дека е подобар од Гладијатор, Braveheart.... и слични историски филмови, не ми остави некој посебен впечаток
...
Можеби само од визуелен план...

Soundtrack-от на филмот е КЛАСИЧЕН ПЛАГИЈАТ на македонска песна: Зајди јасно сонце! Ок, мислев дека ќе имаат напишано нешто повеќе за тоа дека песната е преработка.... но никаде НЕМА. Сфатив дека Tyler Bates направил само плагијат...

Погледнете сами
Tyler Bates - Message for the Queen
[media]http://www.youtube.com/watch?v=8EEhwKdLmuc[/media]
Zajdi zajdi jasno Sonce
[media]http://www.youtube.com/watch?v=jqMWYahVEc8[/media]

 

[ZIKS]

па, изгледа се тие некои луѓе, кои мислат дека ние овде нафта пиеме, па си велат: "ај ќе ја ставиме оваа песна, многу ќе дознае некој", па така прават и нашиве, само не за филмови, туку за песни, земаат од некои шпански, или што знам ти ја некој нечуени песни за нас, и ги обработуваат, како што прават и бугарите. Но, сепак ова би требало да се смени.

 

[The Mummy]

Сега ќе речат Грците со оглед на тоа дека е грчка тематика филмот дека е тоа нивна песна а не наша.Треба да се тужат и да им се земе голема пара на тие што го правеле филмот.

 

[ZIKS]

Сега ќе речат Грците со оглед на тоа дека е грчка тематика филмот дека е тоа нивна песна а не наша.Треба да се тужат и да им се земе голема пара на тие што го правеле филмот.

да, ама кој ќе ги тужи, нашиве ?

 

[Димитар]

За Tyler Bates читав критики за овој албум... и сите... се со зборовите: Тој е плагијатор, кој не знае ништо и не вреди... значи не е само Зајди зајди, единствен пример....

 

[pcjodamaster]

Потполно и иста песната. Треба да следува тужба и дебело наплатување за плагијатот. Ама кој да го направи тоа.....

 

[Fantom]

Зајди зајди јасно сонце, авторска е или народна? Не прашвам дали некој ја имат ко своја земено, туку дали имат специфичен автор?

 

[pcjodamaster]

Гледај сеа некој што ја препеал може да се напише како аранжер, но како автор или композитор нема ништо. Но, да речеме Тоше Проевски може да го тужи тој крадецот пошто Тоше ја има песната на Божилак ви текнуе? Може дебела пара да земе на тоа.

 

[Fantom]

Вака сеа: Шом немат автор песната, немат кој да тужит. кажете ево кој ќе тужит: државата, баба Трајанка, дедо Стојан... кој? Немат таков шо мојт со аргументи да речит: ево моја е песнава, да ми платите пошо ја украдовте... Значи нема правно да одговарат тој шо ја употребил песнава; всушност, мојт слободно да искористит уште народни песни (под народни мислам без автор)

тоа што рече pcjodamaster за Тоше и Божилак: не можит Тоше да тужит, не е негова песната, само е во негова изведба. Ако ти испејш една песна и ја ставиш на носач на звук, не значи дека е твоја.

 

[Bada Bing!]

За тужба не знам, ама може да му се поништи и тој мал кредибилитет што го има така да треба да се кажуваат овие работи и да се врши притисок.

 

[Fantom]

Џабе притисок - ако побара документ да потврдите дека песната е ваша - шо праиме тоаш? Реакцијата ќе биде, ако тебе не ти е наштетено или некое твое право прекршено - немаш основица за тужба.

 

[ZIKS]

Зајди зајди јасно сонце, авторска е или народна? Не прашвам дали некој ја имат ко своја земено, туку дали имат специфичен автор?

мислам дека е народна, испеана од народот, но ја имаат препеано некој наши, па како авторска ја смеаат, му го заборавив името на еден кој прв пат ја испеа, и мислам супер беше, ама пред многу години.

 

[Димитар]

Зајди, зајди јасно сонце,
Зајди помрачи се,
И ти јасна ле, месечино,
Бегај удави се.
Црнеј горо, црнеј сестро,
Двајца да црнејме,
Ти за твојте лисја ле, горо,
Јас за мојта младост.
Твојте лисја, горо сестро,
Пак ќе ти се вратат,
Мојта младост горо ле, сестро,
Нема да се врати.

Александар Сариевски.... Единствениот.... почина 2002 година

 

[Sagan]

Не знам дали сте го гледале филмот ‘‘300‘‘, но ако не сте го сториле тоа, немојте да чекате! Мора да ја чуете дрскоста на филмскиот композитор, кој целосно ја украл нашата антологиска ‘‘Зајди зајди‘‘ и така, без никакви промени, ја залепил за филмот. Читам сега по интернетов, се правеле вештачења за да се утврди дали навистина песната е таа. Мене навистина тоа ми е сосема непотребно. Уште кога ги слушнав првите пет-шест ноти, а испровоциран од еден другар дека филмот бил ептен лудило (во позитивна смисла), констатирав: Се добро, ама не им требало да карадат наша песна- тој рече: Па не е наша. Но откако ги слушна наредните ноти, комотно, како во придружба на Милан Зафков, си запеа:...Зајди, зајди, јааснооо сонцеее....!!! и само рече: Ееееејјјј, стварно бе човек....

Мене не ми пречи ништо, всушност, во наша корист е како саундтрак на ваков филм да иде македонска народна песна, но не ми е јасно, дали некој добил дозвола за тоа, дали требало да бара и од кого???

И зошто некоја лигла од Иран да се обидува да го имитира Александар Сариевски, и тоа на грчки? Сега сигурно се превртува во гробот. И има зошто.

Затоа светот мора да дознае која е генетиката на тие прекрасни звуци кои некој се дрзнал да ги краде од Македонскиот народ.

 

[Точкест]

Има ваква тема мислам дека е у музика со приложен клип. Инначе да вистинска срамота за ваквата работа