Што повеќе сакате: Индивидуални или тимски спортови?

[Crazy in Love]

Мислам дека нема ваква тема, барем не според тоа колку што сум забележала, а и според пребарувачот горе десно.

Муабетот е какви спортови повеќе сакате да гледате: тимски или индивидуални? Што повеќе ве влече, тимската игра или поединечното залагање?

За оние кои тренирале истото важи, што повеќе сакате/сте сакале да тренирате: индивидуален спорт (пример: скијање/тенис) или тимски спорт (пример: кошарка/фудбал)?

Зошто? Во што ја гледате убавината кај индивидуалните т.е тимските спортови?

Зошто едните се подобри од другите? Позабавни можеби?

Или нема разлика според вас?

 

[RickyLFC9]

Не следам индивидуални спортови. Тимската е игра е тоа што го прави поинтересен спортот за мене. Баш поинтересно е кога во текот на тимската игра се прават фантастични индивидуални потези кои можат да дојдат од повеќе луѓе и затоа е поинтересно, треба да го следиш секој дел од теренот, да идентификуваш брзо кој е кој и што можеш да очекуваш од тој играч, како тој најдобро придонесува за тимот, и како би можел да биде подобро искористен или пак заменет од некој друг. И the cream of the crop е кога ќе освојат нешто, да видиш со свои очи како преку тимска игра некоја екипа доживеала таков фантастичен успех. Индивидуалните спортови ми се... meh... во нив има помала непредвидливост, полесни претпоставки за исходот и почесто можеш да знаеш од кого што да очекуваш. Конкретно обожавам фудбал пошто верувам дека у тој спорт најубаво се илустрира тимската игра, а највише хејтам тенис пошто е "look to the left, look to the right" спорт.

 

[Psyside]

Teнис е најдобар спорт....не претерувај

 

[Ilumious]

Баш напротив, индивидуалните спортови се најнепредвидливи. Една мала грешка во скијање, ски скокови, пливање, скок со стап, спринт... бум, ју ар дед, години и години спремање одат во вода.
Концентрацијата е многу тешка работа.

 

[ManUtdChampions]

Повеќе сум по тимските, ама не би ги изоставил и индивидуалните. Ради тенисот пред се, ама знам да гледам и скијање, пливање, некоја атлетика, снукер и слично.

Кога би бирал конкретно што повеќе пратам тоа би биле тимските, ама вака гласав за третата опција.

 

[HoT IcE]

Тимски, затоа што не е исто да укомпонираш 11 луѓе во хармонија за да стигнат до целта, отколку еден тип со еден куп стручен штаб околу него сугерирајќи на грешки и стил на игра. Настрана фактот што како менаџер и играч во тим сносиш многу повеќе одговорности отколку индивидуално, тимот зависи од тебе, и обратно.

 

[Hurin]

пошо само ракомет и фудбал следам од тимскиве спортови, и сите боречки спортови ми се на пик. ќе речам дека индивидуалните спортови ме потат многу повеќе и нервното ме убива од нетрпение кога гледам борба во живо, причина е што имаат елемент на изненадување(нокаут, полуга итн.)
додека тимскиве седиш и гледаш саат една утакмица и неможе наеднаш да избувне емоција, барем не кај мене

 

[Stefan-kobe]

Тренирав цел живот тимски спорт, ама може да кажам дека има убавина и во индивидуалниот и во тимскиот спорт. За се треба труд, напорна работа и многу пролеана пот за да стигнеш до успех. Во индивидуалниот зависиш само од себе, и твојата психичка и ментална состојба, додека во тимскиот зависиш и од своите колеги. Сеедно, не генерализирам кој е потежок затоа што како што кажав и во двата видови спорт има убавина.

 

[Толстој]

индивидуални следам, пливање, тенис и пикадо, другото помалце.

Тимски гледам најмногу фудбал, па после останатите. Тимските отсекогаш ми биле омилени..

 

[khz777]

Индивидуални зошто зависиш самиот од себе , и кога ќе изгубиш ќе нема на кој да му викаш ,иако во тимските спортови има поинтересни моменти.

 

[TheTrooper]

Освен пливање затоа што го тренирав,а и тоа веќе ми здосадува лека полека сите други индивидуални спортови ми се досадни за гледање....воопшто и не ги гледам.
Па дури и бавење со нив ми е досадно.

 

[RedStarFan]

Индивидуалните спортови не дозволуваат некоја голема поврзаност помеѓу навивачот/вљубеникот и спортистот. Не е исто да си фанатик на Интер и на Федерер, ова второво е малце и језиво. Кога се трескаш од земја за човек кој е од крв и месо како тебе, не ја бива.

А и крај краева, поинтересни се

 

[Dynamo]

Тимски:Фудбал,Кошарка,Ракомет,Хокеј.Индивидуални:Тенис.

 

[Samurai Jack]

Индивидуалните спортови ми се поинтересни за гледање, едни од подобрите ми се Снукер, Скијање, Бијарто (8,9,10) Пикадо итн.
Тука е тоа магичното, во овие спортови, играчите се оставени сами на себе и го даваат најдоброто од нив, не зависат од никого и тоа што го играат е вистинско ремек дело и преубаво за гледање.
Така да фудбал веќе избегнувам да гледам, го изгуби шмекот уште многу поодамна, не само фудбалот туку и сите други вакви тимски спортови, се вртат милионски суми и тоа више не е спорт за мене, туку единствен бизнис, не дека го нема и во индивидуалните ова, го има али не е толку застапено како кај другиве, кај некои дури едноставно го нема.
Така да Индивидуалните спортови > Тимските спортови

 

[kooperativa]

индивидуални! иако мојот омилен спорт (Ф1) е нешто помеѓу. тенис пред се, па снукер, скијање, атлетика. фудбал само за да видам на лајфскор резултат на тикетот