Само кај нас може коњ да те опне во сред град..
НЕВООБИЧАЕНА СООБРАЌАЈНА НЕСРЕЌА ВО ВЕЛЕС
Разбеснет коњ со копито удри во глава на жена
Коњ кој влечел запрежна кола со копито ја удрил велешанката Цвета Г. при што и нанел тешки повреди на главата поради што таа веднаш била пренесена во ургентниот центар во Скопје
Разбеснет коњ, кој влечел запрежна кола, завчера попладне повреди 54-годишна велешанка. Оваа невообичаена сообраќајна несреќа се случи на улицата "Наум Наумовски", во близина на Електро Велес.
Коњот на велешанката Цвета Ѓ. и нанел тешки повреди кога со копитото ја удрил во главата. Таа од ударот паднала на коловозот на улицата, а врз неа поминала запрежната кола.
"На ургентниот оддел на хируршкото одделение вчера е примена педесет и четиригодишна пациентка во свесна состојба со пукнатина на черепот и исчашување на лактот на десната рака. Направени се сите испитувања, но поради сериозноста на повредите здобиени на главата хирурзите одлучиле пациентката веднаш да биде пренесена на Ургентниот центар во Скопје", рече д-р Весна Чадиева, портпарол на велешка болница.
Според првичните информации несреќата се случила додека жената се движела на коловозот на улицата. Таа настрадала од копитото на коњот кој во моментот на несреќата се разбеснал. Стопанот не успеал да го смири разбеснетото животно и да ја заобиколи жената кога видел дека по ударот таа паднала на коловозот. Запрежната кола ја прегазила несреќната велешанка, по што таа од страна на очевидци била пренесена во болницата. Оваа сообраќајка е евидентирана во СВР Велес. Од таму велат дека истрагата е во тек.
http://www.vecer.com.mk/default.asp?ItemID=A3DDB07DC63AC642A311FCB886D32BFC