Што е работата со вонредниот предуписен увид на Државниот просветен инспекторат?

[DBack]

Некаде кон крајот на јуни 2010 без претходна најава Државниот просветен инспекторат направи вонреден увид во, според кажувањето на директорот Џорџе Арсов, сите високообразовни установи во Македонија - и државни и приватни.

На 30 јуни се одржа еден прес во МОН на кој 6 (мали) приватни високообразовни установи беа посочени како проблематични, „на кои им се заканува клуч“. На тапет по некој ден се најде и Државниот универзитет во Тетово со долга листа забелешки и неправилности.

Сите овие добија 15 дена од Инспекторатот да известат дека поправаат пропусти, а вкупно 40 дена од Министерот да отстранат СЕ` што им беше забележано - ако не, клуч!

Кај сите останати силни државни и приватни универзитети не беше пронајдена никаква забелешка во работењето. Ниту административна, ниту техничка, ниту условно-просторна, академска, санитарна, формално-правна... Се` е во најдобар ред кај државните и кај големите приватни универзитети!

Оттогаш поминаа речиси два месеци. Таман, случајно, се погоди и време на уписи. ДПИ молчи за инспекциите и исходот по истекот на рокот за исправки.

Имам, до жедните за дискусија членови, две прашања:

1. Дали верувате дека кај останатите високообразовни установи навистина не се пронајдени пропусти? и

2. Зошто ДПИ го нема никаде да каже (рокот одамна истече) што се случи со тие 6 високообразовни установи што беа посочени како „проблематични“ и „на кои им се закануваше затворање“?

 

[DBack]

Никој, ништо, а?

Добро... ај друго прашање, ама озбилно ова:

Верувате ли на тоа што ќе го каже Просветниот инспекторат? Мислам, дали ви влијае на мислењето за факултети, средни или основни училишта?

 

[GRUNGE]

Јас мислам дека намерно се молчи за оваа работа од ова што прочитав. Мислам логично. Катастрофален одзив има на државните од она што разбрав и нормално дека нема да излезат во јавност да речат „Еј проверивме, сега е се ОК кај нив, можете да се запишете!“.

Само што не ми е јасно, каде се новинарите да посегнат по ова прашање?! Нели има оддели за образование...

 

[Alex The_Great]

Ако зборуваш за ова

http://forum.kajgana.com/showthread.php?51931-%D0%A1%D0%B5-%D0%B7%D0%B0%D1%82%D0%B2%D0%BE%D1%80%D0%B0-%D0%A3%D0%BD%D0%B8%D0%B2%D0%B5%D1%80%D0%B7%D0%B8%D1%82%D0%B5%D1%82%D0%BE%D1%82-%E2%80%9C%D0%8A%D1%83%D1%98%D0%BE%D1%80%D0%BA%E2%80%9C-%D0%B2%D0%BE-%D0%A1%D0%BA%D0%BE%D0%BF%D1%98%D0%B5

зошто да не им се верува?

 

[DBack]

Во текот на просветната инспекција неправилности се утврдени и во “Еуро“ колеџ во Куманово, МИТ универзитетот - Скопје, факултетот “Смилевски Бас“ - Скопје, факултетот “Бизнис и Економија“ – Скопје и Академија “Италијана“ – Скопје.

Кај сите овие е утврдено дека немаат финансиска гаранција, неправилно водење на матичните и главните книги, запишувале студенти со завршени три години средно образование и без положена државна матура, немаат досиеја за наставниот кадар.

“Конкретно кај Академија ’Италијана’ наидовме на многу сериозни недостатоци, инспекторскиот тим не можеше воопшто да изврши целосна инспекција. На располагање ни беше само човекот кој работи во архива и ни објасни дека сите документи се зачувани во сеф од кој нема клуч“, соопшти денеска директорот на Државниот Просветен Инспекторат, Џорџе Арсов и додаде дека во Академија “Италијана“ воопшто немале документи и досиеја за наставниот кадар.

За овие пет факултети има утврден рок од 40 дена, во кој треба да ги отстранат недостатоците, доколку не се придржуваат до тој рок ќе следуваат казни, односно привремено затворање или прекршочни пријави.

Поради двата болдирани делови.

Недела дена по пресот (кога конечно го добивме известувањето од МОН - што е сериозно противзаконски) единствено БАС излезе во јавност да каже што од тоа е вистина, а што не. Бевме по медиуми и секаде ја покажавме банкарската гаранција за која ДПИ вика дека сме ја немале. Матичната книга, досиејата и сл. се комплетно уредни и сите предавачи се законски избрани и за тоа во извештајот нема никаква забелешка. Сепак, првиот болд не' става нас на куп со останатите, за кои од кажувањето на Џорџе Арсов никако не може да се заклучи кој е чиј пропуст.

Вториот болд; тие 40 дена за корекции поминаа многу одамна, а никој од ДПИ абер нема да каже што се случило со тие 6 спорни.

Џорџе кажа дека сите универзитети (приватни и државни) ќе се чешлаат. На Европски не бил никој. На ФОН, исто така, На УКИМ, УГДШ, Битолскиот - никаков увид!

БАС само 7 (СЕДУМ) дена од укажувањето од МОН ги отстрани СИТЕ забелешки (пошто беа 6) и чекацвме 2 недели да дојде инспектор за да направи увид (во сезона на уписи, пази!). Откога дојде и напиша извештај дека по све е постапено, поминаа МЕСЕЦ ДЕНА (во сезона на уписи, нели) а Џорџе се крие, не одговара на телефон и на дописи и не сака да излезе да каже кој што направил!

Мене, секако како *бана страна, ми смрди целата работа на прљава предуписна игра. Тебе не?

 

[Alex The_Great]

ова беше соопштено од БАС

1. Не е точна информацијата дека во моментот на увидот БАС не поседувала банкарска гаранција. Во моментот на увидот БАС поседуваше уредна банкарска гаранција со рок до 30 јуни кога веќе е завршена наставната година. По укажувањето од инспекцијата, овој рок од страна на банката е веќе продолжен до 14 септември 2010 година.

2. Не е точна информацијата дека во првиот уписен рок се запишувани кандидати со тригодишно средно образование и кандидати без државна матура. Тие кандидати се запишувани во вториот уписен рок во слободните места за упис по запишувањето на кандидатите со државна матура. Конкурсот за академската 2010/2011 година е повелчен и распишан е нов во кој кандидатите со тригодишно средно образование немаат право на запишување на БАС.

1. Нели без банкарска гаранција самите студенти нема да си ја знаат судбината на истиот, а ни кај ошле нивните пари
имајќи ја предвид и августовската сесија, ако ја имате каде е тука гаранцијата дека дотогаш нема да бидете затворени
ете сте ја поправиле
но за новата година што правиме

2. Што менува дали е прв или втор рок. Пак тие заедно ќе одат и ќе ги следат истите предавања. За комплетно средно потребна е положена државна матура, ако ја немаат значи немаат завршено средно, па како е можно воопшто без средно да бидат запишани на факултет или пак за тие со тригодишно да не правиме воопшто муабет.


Смрдат многу работи за тоа како функционираат нештата кај нас, но зошто да им верувам пак и на оние кои запишуваат неписмени кај нив и немаат гаранција дека утре ќе продолжат со својата работа. Зошто мораше да се чека некој да ги потсети што им фали.

Лесно е со напад да се браниш, но мораш и да го прифатиш фактот дека и кај тебе има недостатоци. Недостатоците што ги има кај другите не ги оправдуваат твоите. Ја се извињавам али донекаде не си во право.

Дали извршиле увид секаде не знам, правилно ќе беше да изнесат извештај буквално за сите високи установи и после рокот за поправка на оние кои грешеле да се каже што се направило.

Со ваков однос на високите установи приватни или државни и на инспекторатот, тешко на млади генерации.

 

[snegulce]

Има секаде пропусти, сите сме луѓе и правиме пропусти, е сега некој поголеми некој помали.

Али следејќи ја ситуацијава со нашето образование, очигледно треба да се ангажира некој од МОН, БРО или кој и да е, кој ќе обезбеди толкување на Законите од областа на образованието. Ако земеме да ги развртиме Законите ќе видиме колку контрадикторности и нејаснотии постојат. Па кога нешто не е јасно и прецизно напишано и кога нешто се менува преку ноќ, нормално дека ќе се прават пропусти.

А молчењево неможам да го разберам. Кај нас секогаш се дава предност на лошите работи, а добрите се секогаш во позадина. Зошто никој до сега не излезе да каже какви кадри произлегле од нашето образование, колку од нив се успешни, кои студиски програми се современи и потребни на ова општество и пред се прилагодени за развивање на ова општество. Научени сме ние да трачариме, да го умреме комшијата за да му ја земеме козата...

 

[Alex The_Great]

yeap не смее да се дозволи неписмени да се запишат на факултет, без средно
како ќе биде способен да заврши факултет кога не е способен една државна матура да ја положи
не само пари да се земаат

 

[DBack]

1. Нели без банкарска гаранција самите студенти нема да си ја знаат судбината на истиот, а ни кај ошле нивните пари
имајќи ја предвид и августовската сесија, ако ја имате каде е тука гаранцијата дека дотогаш нема да бидете затворени
ете сте ја поправиле
но за новата година што правиме

2. Што менува дали е прв или втор рок. Пак тие заедно ќе одат и ќе ги следат истите предавања. За комплетно средно потребна е положена државна матура, ако ја немаат значи немаат завршено средно, па како е можно воопшто без средно да бидат запишани на факултет или пак за тие со тригодишно да не правиме воопшто муабет.

3. Смрдат многу работи за тоа како функционираат нештата кај нас, но зошто да им верувам пак и на оние кои запишуваат неписмени кај нив и немаат гаранција дека утре ќе продолжат со својата работа. Зошто мораше да се чека некој да ги потсети што им фали.

4. Лесно е со напад да се браниш, но мораш и да го прифатиш фактот дека и кај тебе има недостатоци. Недостатоците што ги има кај другите не ги оправдуваат твоите. Ја се извињавам али донекаде не си во право.

5. Дали извршиле увид секаде не знам, правилно ќе беше да изнесат извештај буквално за сите високи установи и после рокот за поправка на оние кои грешеле да се каже што се направило.

6. Со ваков однос на високите установи приватни или државни и на инспекторатот, тешко на млади генерации.

Добро утро, Алекс.

Ај со ред:

1. Законот за Високо вели дека приватната установа треба да обезбеди банкарска гаранција за услугите кои ги дава на своите клиенти - датуми никаде нема - те молам провери. Нашата услуга кон нив завршува заклучно со последното предавање + последниот испит во годината (30.06). Банкарската гаранција важеше до тогаш, исто каква што беше банкарската гаранција која ја покажавме во последните 4 (ЧЕТИРИ) увиди од ДПИ колку што имавме инспекции за неполните 2 години постоење. Претходните 4 (ЧЕТИРИ) инспекции немаа НИКАКВА забелешка на датумите. Зошто, 5-тиот увид (за само 2 години) се променија работите?!?! (знаеш, откога инспекција ќе те „поучи“ дека добро работиш, не си луд да ја менуваш практиката, нели? (прашај, плиз, на другите факултети колку инспекции имале овие пар години)

За полесно, Членот е 29, а линк бујрум тука: http://www.ukim.edu.mk/dokumenti_m/184_ID_Zakon_za_Visoko_obrazovanie_35_2008.pdf

Инаку, како ВОУ која е во својата 2-ра година од постоење, БАС нема увид во тоа колкава ќе биде вкупната гаранција која ќе треба да ја даде. Токму затоа, првите три години банкарската гаранција се вади година за година.

2. Менува многу. Законот си кажува јасно и ако го прочиташ Член 108 од истиот линк погоре ќе прочиташ вака:
„...Ако на конкурсот за запишување студенти на прв циклус
универзитетски и стручни студии во првиот уписен рок не се јави доволен
број кандидати кои ги исполнуваат условите од ставот 1 на овој член,
право на упис на прв циклус студии можат да имаат и лицата кои
положиле училишна матура во гимназиско образование или завршен испит
по завршено соодветно стручно средно образование со четиригодишно
траење.“

Ете што вика ЗАКОНОТ ЗА ВИСОКО ОБРАЗОВАНИЕ. Да си знаеш, за така да кажуваш и на други места. Пошто со 2-кава не си у право.

Инаку, Законот кој важеше до 2008 година дозволуваше на Висока стручна школа да се запишуваат кандидати со ТРИГОДИШНО СРЕДНО ОБРАЗОВАНИЕ, онака како што ние по сите гласила, медиуми, презентации и ВО СТАТУТОТ на Академијата имавме кажано. Тој член од Законот мистериозно беше променет на почетокот од 2008-ма година. Уби ме, ако знам зошто?!? Секаде во светот со стручно средно одиш на стручно високо (3 или 4-годишно - провери!). Само кај нас побрљавеа, па сега Министерот се вади дека ги намалува диференцијалните испити за завршување 4-та година?!?! Нели е ОВА девалвација на тие што учеле 4-годишно средно. (Те молам прочитај го Законот од 2000 година).
Во БАС имаште 4 инспекциски увиди пред овој и НИКОЈ од инспекторите не ни укажа дека тоа не е во ред!

3. Не знам што да ти кажам. Ова не се однесува на нас, нели. Не, после точкиве 1. и 2., претпоставувам...

4. Сосем си во право. Ја не викам дека немало недостатоци. Ние веднаш признавме дека сме згрешиле со 3-годишните, но тоа беше единствениот пропуст кој е сериозен. Уште следниот ден ги отпишавме, се договоривме со нив и го корегиравме Статутот (за кој, патем, повеќе од 2 години чекаме одговор од МОН!!! - Вчера, после 2 и кусур години, ни стигна мислење од МОН каде ни кажува што треба да се корегира!!! Ееееј!!! 2 ГОДИНИ!! - мислење, инаку, се дава за ден-два.) Инаку, корисно е да знаеш дека секоја инспекција е дел од системот за квалитет на секоја ВОУ. НЕ Е СУДИЈА! и НЕ Е ОБВИНИТЕЛ!!! Законот вика дека тие треба да укажат, да дадат рок за отстранување на укажаното, па доколку не бидат отстранети пропустите - ТОГАШ СМЕЕ ДА ГИ ИЗНЕСЕ НАОДИТЕ ВО ЈАВНОСТ!!! Они искочија на прес, а нас не` известија за тоа една недела подоцна!!! А таму си посраа све што сакаа да посерат.

Секаде има недостатоци. Прашај колку забелешки/страници има просечен извештај од инспекциски увид (кај тебе или на било кој друг факс); Нашиот имаше 6... на една страна. Ги отстранивме за 7 (СЕДУМ) дена. Поминаа од пресот скоро 2 месеци. Зашто ќутат во време на уписи?!?!

5. Дали извршиле увид, јас знам. Не извршиле. Срамота! Да лажат на прес, да лажат присрасните медиумите по вести, а МОН и ДПИ да не реагира никако на нивните отворени лаги, во најмала рака е соучесништво! (ако не е интерен договор за чистка на пазарот)

6. Тешко, навистина. Сепак, ниту МИТ ни Кембриџ не биле вакви основани. За се треба време, а најмногу за вистински квалитет. Срамота е само што бизнисот и политиката бесрамно се меша во Високото, а како што стојат работите, набрзо и во средното и основното (приватно).

Се надевам дека овие пообемни утрински елаборации разјаснија некои од клучните точки на муабетов.

 

[Alex The_Great]

Добар ден

1. Сеедно дали вели така законот може и тој треба менување, од каде гаранција дека децата од прва година ќе можат да продолжат втора, тие втора во трета... со банкраска гаранција до 30 Јуни нивната иднина во установата која ја избрале е во вода

2. Законите од порано ништо не ми значат, тие со тргодишно беа годинава нити 2000 нити 2008
За матурата, тој неписмениот ништо не му менува во кој рок е запишан, пак ќе биде на истите предавања со сите останати.
Некој што не е способен да положи државна матура нема да биде способен ни да ги положи првите испити, а камо ли да заврши факултет, едноставно необјасниво е како може да биде запишан на факултет, а се знае дека е неписмен.
Уште на првата генерација беше јасно кажано дека тие кои ќе полагаат училишна матура нема да можат да се запишат на факултет.
каде е тука квалитетот?
Или не е битен тој, побитни се секако парите.


3. Така е
4. Оставија козата на комшијата
5. Не знам
6. Знаеш кај нас секогаш викаме „треба време“ но веќе многу долго време тапкаме в место

--- надополнето ---

Ако државните и инспекторатот имаат таков однос, вие немора да бидете како нив, променете го вашиот, заебете ги, бидете подобри од нив, докажете дека освен сигурни студии, иднина и квалитет ништо друго не е битно.

 

[DBack]

Добар ден

1. Сеедно дали вели така законот може и тој треба менување, од каде гаранција дека децата од прва година ќе можат да продолжат втора, тие втора во трета... со банкраска гаранција до 30 Јуни нивната иднина во установата која ја избрале е во вода

2. Законите од порано ништо не ми значат, тие со тргодишно беа годинава нити 2000 нити 2008
За матурата, тој неписмениот ништо не му менува во кој рок е запишан, пак ќе биде на истите предавања со сите останати.
Некој што не е способен да положи државна матура нема да биде способен ни да ги положи првите испити, а камо ли да заврши факултет, едноставно необјасниво е како може да биде запишан на факултет, а се знае дека е неписмен.
Уште на првата генерација беше јасно кажано дека тие кои ќе полагаат училишна матура нема да можат да се запишат на факултет.
каде е тука квалитетот?
Или не е битен тој, побитни се секако парите.


3. Така е
4. Оставија козата на комшијата
5. Не знам
6. Знаеш кај нас секогаш викаме „треба време“ но веќе многу долго време тапкаме в место

--- надополнето ---

Ако државните и инспекторатот имаат таков однос, вие немора да бидете како нив, променете го вашиот, заебете ги, бидете подобри од нив, докажете дека освен сигурни студии, иднина и квалитет ништо друго не е битно.

епа, сеа, одлучи се: Збориме за Закон или за логика - често пати овие две работи се во колизија. Во оваа земја можеби и пречесто.

1. Заради разјаснување, да разбереме прво што е банкарска гаранција: Парите оставени во банка кои гарантираат дека јас ќе ти го дадам тоа за кое ти си платил. Толку. Ние даваме образование, а нашите обврски завршуваат во моментот кога тоа за што луѓето платиле - го добиле и им било валоризирано (положен испит). Толку. Во периодот од 1 јули до 20 септември, банкарската гаранција, освен што и` гарантира провизија на банката, не гарантира ништо друго. Дури и да се случи нешто (затворање, бегање со парите у странство и сл.) студентите на Aкадемијата на никаков начин нема да бидат оштетени. Тие го добиле тоа за кое платиле. Разбираш? Слушале, учеле, положиле. Ако Академијата се затвори, тие ги имаат стекнатите ЕКТС со кои ќе можат да направат трансфер на друга ВОУ. Сфаќаш?

2. Тие беа запишани во 2008г. Сите 12. Затоа треба да ти значи нешто. А мене треба некој да проба да ми одговори зошто во првите 4 увиди од ДПИ, кога тие студенти беа запишани и студираа, ДПИ не тапшаше по рамо и ни кажуваше колку добро работиме. Зошто кога по сите реклами, јавни настапи, презентации по школи и дискусии на отворените трибини на Министерот, го објаснувавме концептот за настап на БАС во средните стручни училишта никој од МОН или од ДПИ не најде за сходно да каже: АЛОООО!!!, не смеете нив да ги викате? Зошто 2 години не ни даваа мислење за Статутот каде на втората страна стои: „кандидати со завршено тригодишно и четиригодишно средно“? Не мислиш, ваљда, дека сме толку дегени да трубиме на сите усти дека планираме да работиме незаконски?!?

...а тоа со матурата, не знам више како да ти објаснам. Законот си е јасен: Откога ќе им дадеш простор на тие со државна матура во првиот рок, уште во истиот рок, доколку се останати празни места, право на упис имаат кандидати со училишна матура, завршен испит или без матура, од претходните генерации кога не се полагала матура. Ова, Алекс е ТЕКОВНИОТ ЗАКОН за високо. Прочитај, за да не фаќам место... и откога ќе го разбереш тоа, прифати го дека така е! Тоа е ЗАКОН. ...тоа што ти лично мислиш дека се тие малоумни, не мора да е навистина така... и не знам како си го врзал у крпче тоа што некој ви кажал у школо дека без државна не можеш да студираш?!!? Ќе ми биде стварно од корист ако извадиш некој цитат, член или авторитет што тврди такво нешто. Озбилно.

Инаку, ако државните работат незаконски (просторно-технички, наставно, програмски) тоа не е фрка, ако политичките приватни работат незаконски (неакредитирани, со фиктивни професори, без дозвола за работа) и тоа е ОК, ама ако кај малите самостојни се најде пропуст - они ќе бидат ставени на тапет за да се покаже дека ДПИ нешто работи, така? ...а ти после ми викаш: „Ако државните и инспекторатот имаат таков однос, вие немора да бидете како нив, променете го вашиот, заебете ги, бидете подобри од нив, докажете дека освен сигурни студии, иднина и квалитет ништо друго не е битно.“... да знаеш како би... ама сила бога не моли, Алекс... ќе искочи Џорџе на телевизија и ќе каже што сака, а после, ако го фатат у лага, ќе сноси „политичка одговорност“... ниту материјална, ниту морална... „политичка“... а тоа е никаква одговорност. ...нас уписите ни течат, а Џорџе си чучи и чека да пројдат иако ние пред 2 месеци сме поправиле све што они побарале...

 

[Alex The_Great]

1. Ха, ха абе зошто да не им гарантираш дека ќе ги завршат студиите кај тебе 4 години, штом се запишале тука сакале тука да завршат, не на Американ или на државен. Не е работава „Џипси меџик“ па од денес за утре да се работи.

2. Доста со инспекторатот ти ако нудиш квалитет нема да дозволиш неписмени да се запишат кај тебе, безразлика дали тоа го дозволува. законот. Секако дека се малоумни кога не се способни една државна матура да ја положат. Ти не сакаш да признаеш дека имаш кривица тука па цело време законот па законот.
Неписмени си запишал, неспособни да положат една државна матура, како мислиш дека ќе ги положат испитите кои се многу потешки, или вечно на приватни планирате без учење да ги пуштате.. и после оти се зборело за вас така.. епа ете оти

И последното бев многу јасен
Не врти триста муабети.
Зошто да не докажете дека се работи за квалитет и сигурни студии, а не за материјални интереси.
Остај го Хорхе на мира.

 

[DBack]

1. БАС постои 2 години. Додека не се наполни со студенти (3 година) нема никаква причина (економска или правна) 2ипол месеци пари да одат само во банка. Гаранција се вади година за година додека не знаеш колку студенти ќе имаш следната. Не сакаш да го разбереш концептот или стварно не можеш? Мислам дека објаснувањето беше едноставно.
2. Доста ти со тоа селското „неписмени“. Ако ти си положил државна, не си го фатил господ за му*а. Има генерации кои воопшто не полагаа матура. Има и 5-ши кои добија 2-ки. Има деца што се серат у гаќи кога ќе седнат на испит и лошо проаѓаат - не од незнаење, туку од страв. Тоа не ти дава за право да ги викаш неписмени. Имаме пар студенти со училишна матура на кои можеш само вода да им носиш додека ти разглабаат економија и бизнис. Затоа не се летај и не генерализирај, пошто срамота е за еден академски граѓанин како тебе сите да ги цени према тоа дали положиле државна или не.
Инаку, де просурфај, па види што просек формално образование имаат најдобрите бизнисмени. Повеќето од нив уште у втора средно сконтале дека образовниот систем нема да им заврши работа за тоа што тие го бараат. и сети се уште еднаш: БАС дава професионално образование. За добар професионалец во бизнисот не ти треба 5-ка македоски и географија. Треба да знаеш да комуницираш со луѓе, да знаеш да ги убедиш во тоа што сакаш и да имаш доволно здрав разум и логика тоа што ќе се договориш да го направиш! Тоа у основно и у средно слабо се учи.

Докажувањето квалитет трае долго. Зема години макотрпна и посветена работа. Особено ако немаш политичка или медиумска поддршка.
Од друга страна, рушењето на напорно граден имиџ со неодговорни генерализирачки изјави од државен службеник трае една прес конференција. Ефектот е особено силен ако после се крие, ќути и не сака да каже што се случило потоа.

Хорхе не е човек, во случајов, туку институција која треба да постапи по закон. Законот го прекрши најпрвин со пресот (пред да ни каже нас во што е проблемот), а сега го крши Законот со тоа што по истекот на 40-те дена не излегува да каже кој што направил. Има информации од јавен интерес кои противзаконски ги крие. Неќу да го оставам. На телефон не се јавува, на прес не искача, на отворени писма не реагира. Вчера зборел за Мерко у Струга, а за овие пет останати кои беа пред збрката со Мерко, ќути!

 

[Alex The_Great]

1. И 10 нека постои, ако не му гарантира некому дека 4 години ќе студира тука се е џабе.
Што муабет прават дома идните студенти
- Тато ај ќе ме запишиш на БАС, па догодина ако затворат ќе ме префрлиш на Њу Јорк... упс Њу Јорк веќе е затворен.
И што иднина ќе гледа тоа дете на тој факултет

2. Не е тоа селско тоа е реалност. Не ме интересира минатото нити образованието на Самак... или кој и да е. Се работи за сегашност, за матуранти кои целат да бидат нешто во животот преку идните вискоки установи кои ги бираат, се разбира ако задоволуваат услови на истите да појдат.
Тој што неможе да положи државна матура е неписмен и неспособен и истиот неможе да се запише како неписмен на факултет.
Неможе еден таков, еден легач цел, една мрза кој го мрзи да научи некоја страна плус да се става во рангот на друг кој успеал да положи и се запишал како таков на факултет.
Треба да правите разлика меѓу квалитет и квантитет. Тој истиот затоа и бара да се запише на приватен, оти знае таму дека пак ќе легачи, дека немора многу да научи за да положи. Тоа ми ти е реалност, дека секој неписмен, неспособен, мрза може да заврши факултет под еден услов, ако има пари.
Неможеш да се браниш обвинувајќи некој друг и правејќи споредби како што не ти доликува.
Нити да се браниш со рвемето, политиката и медиумите како аргумент.
Ако го нудиш и бараш квалитетот тој ќе излезе на површина.

 

[DBack]

У реду је, Алекс...
Пошто ова е препирка меѓу двајца, која со темата, ко што гледам нема врска, ниту пак моите објаснувања допираат до тебе, ќе ти симнам капа и ќе ти кажам: „у право си.“
Фала многу, пријатно.

Доколку некој најде за соодветно да збори онтопик, со задоволство ќе полемизирам.