Вакво нешто може да напише само тип кој никогаш не се занимавал со земјоделие и садење тутун...Тоа е макотрпна работа која бара посветеност,труд и одзема многу време,станување сабајле во 4 и работење до 10,берењето тутун и лепењето на катранот по телото се посебни стории...И еве да речеме си зел од продажбата 16.000 евра(за кои треба поштено да се изнаработиш цела година,секој ден),дели ги на 12 месеци=околу 1300 евра,дели ги овие на 5-6 луѓе(кои реално се потребни за да дојдеш до таква сума) и испаѓа дека нивните месечни примања се 260 евра!! Ете ти го твојот есап од тутунот,со тие пари може само храна да си купиш и да си платиш сметки,не џабе сите сакаат во администрација пријателе
Администрацијата е посебна приказна, посебно килава како нашата и неспособна не заслужува ни на 10 души да им даваш да делат 200 евра заедно, јас да се прашувам прашање дали 5% би останале, се друго би пратил да работи тутун или нешто такво, а би работеле само способни (имаме и такви, но нажалост секојдневно се помалку и помалку, голем дел веќе фатија магла од држава поради тие гнидите кои немаат појма од животот, а држат позиции).
Тутун се работи практично целата година, ете да речеме дека февруари е слободен месец, но веќе март се сеат расади, се плеват, секои 2 дена наводнување, прскање ова она, па припрема на нивите и обработка, 3 орања плус 2 пати дрљање, па садење, берење, прибирање на сув тутун од сушници, па манипулација (по нашки прилепски пеглање/калапење) и носење кај абдалите на продажба да ти го земат пошто-зошто.
Грубо 10 месеци се активни, од кои 5 би требало испомош, останатите 5 месеци одгледување расади и припрема на почвата доволно се двајцата (садење, берење и за дел во пеглањето треба помош), грубо 4000 евра се давачки за работниците, 4000 евра за обработка/кирии/пестициди/инсектици/гориво и останатите 8к ти се за тие двајцата во таа година, значи по 300-400 евра месечно неосигурани.
Во држава каде што немаш каде да работиш доколку не си стручен за нешто, ова ти е опција на која може да се потприш, не е многу, но моите со тој тутун успеа да ме школуваат, облечат, прехранат (на времето рачунај пола од ова се земаше, просечна цена на тутун беше 120 денари и немаше субвенции). Многу приватни бизниси вадат многу повеќе, иако на вработените им даваат колку да преживеат, али тоа е посебна тема на муабет.[DOUBLEPOST=1492620351][/DOUBLEPOST]
Не сум работел тутун и незнам ама
@Кеплер имаше пишано дека работел па веројатно ја знае математикава подобро..
Ете 16к си земал од продажба, а сте двајца (маж и жена) а ти требаат уште барем 3ца за да ја завршиш работата испаѓа
120 од саат за 6 саати работа = 720 денари дневно за 1 човек да платиш, бидејки сте двајца ќе ви требаат уште 3 (значи вкупно 5 да бидете)
тоа е 2160 денари дневно, тутун не верувам дека се бере повеќе од 70 работни дена = 151.000 за плати на дополнително ангажирани тројца работници
Еве ќе заокружиме на 3000 евра (180к) трошоци, значи пак испаѓаат 13к чисти за двајца што е околу 1100 евра месечно или по 550 евра плата за двајца
Нормално не е клати врата зимај плата како администрација на удобна фотелја, ама па кога ќе замислиш они цела година треба да одат секој ден на работа по 8 саати (веење знамиња и протести плус) а ти имаш 3-4 месеци ефективна работа а пак ќе зимаш поголема плата (ако информациите од математиките погоре ви се точни секако).
Прочитај ја математиката од погоре, се бере и повеќе, а работници требаат и за корнење расад, за пеглање и т.н, не е работа со која може да се направат многу пари, но дека може да се извади некој денар, може.
Далеку од 3-4 месеци ефективна работа, ефективни 10 месеци работа има во тутунот, само што не должиш на партија, не должиш на газдата и си сам свој газда, ако трчаш повеќе, ќе земеш повеќе, ако си го ладиш нема да земеш ништо, едноставна математика.
Иначе тутунџиите какви куќи градат , административците и другите државни паразити можат да сонуват дека ќе створат нешто. Не се богати , али живеат далеку подостојно од тие месец за месец.