Јас сум 1500 па може Александар има некој подобар совет како со 1900 рејтинг, ама од мое искуство да ти споделам како напреднав, бидејќи мислам многу ја прават таа грешка јас што ја правев. Значи на почетокот гледав цело време traps некој и играта ја фокусирав на нив, учев на памет, и ако противникот не ги правеше потезите што претпоставував дека ќе ги прави во таа позиција (за да наседне на стапицата) па макар правел и многу полоши потези, јас се губев тотално и цело време грешев, пошто на памет сум учел. И така си почнав да играм сам како што ми доаѓа, гледав позициски цело време добро да сум поставен да можам да нападнам секогаш, да не го попречувам развојот на сопствените фигури со поставување на други мои фигури на тоа место (ова мн често го правев со пиун на трет ред и попречував развој на ламфери, а позицијата обично ќе беше ептен затворена за fianchetto), играв неколку отварања (кои тогаш не знаев како се викаат) ама потоа се фокусирав цело време на едно (подоцна дознав дека станува збор за italian game). Исто така на почетокот многу играв со глава во ѕид, секоја размена на фигури од иста вредност ја прифаќав, ако некоја жртва на фигури настанеше од противничка страна ја прифаќав без да калкулирам што би било после тоа, со грешките се учев и се научив дека не треба се да се прифати и дека треба да размислуваш што би играл противникот, а не само што ти би играл нареден потег. И уште еден совет, не играј премногу шах, на ден сум играл по 50 партии и да ти кажам искрено, колку и да ти тргне добро нема мозок коцентрација за толку, веќе почнуваш и да не гледаш фигури, па се што ќе стекнеш рејтинг ќе изгубиш од умор. Сега често знам да одморам и месец дена да не играм па пак да се вратам, супер е да играш, ама никогаш да се преиграш и да стане напорно за мозокот. Мислам дека ќе напреднеш и ќе станеш подобар играч и ќе ти тргнат победите, кога ќе престанеш да се замараш со рејтинг, теории, замки и ќе си фокусиран на анализа на играта што ја играш моментално, бидејќи претежно играме со слаби противници и многу често ако издржиш да не направиш грешка, противникот ќе направи пред тебе, само не секоја грешка е очигледна, за некои треба малку мислење да ги воочиш, затоа подобро е на почеток подолг формат да не се фокусираш на однапред научени потези (механички потези) туку кликерот да работи.
