Владе проблемот не е во мојот став, туку во интерпретација на она што јас би го кажал, од твоја страна и од страна на еден куп сеирџии тука, на тема, која членови од лгбт популацијата ја доживуваат како сериозна, и би се почувствувале навредени
.
Значи нема потреба за нешто со кое не сум засегнат, да правам некому да му биде лошо, оти некој трет ќе ме интерпретира погрешно.
А конкретно пак на оваа тема е апсолутно е небитно каква појава е хомоскесуалноста, како ќе ја класифицира некој од нас, како дошло до неа.
Хомосексуални бракови ДА или НЕ; едноставно е нели? Јас велам ДА.
Ова сум го објаснувал на десетици страни, и не можам и не сакам да го сублимирам во една реченица, токму поради тоа што знам дека ќе го интерпретираш погрешно и во твоја корист, за малку забава на форумот, а за сметка на тоа некои личности би биле можеби повредени.
Ако јас кажам дека хетеросексуалноста е нормална појава, и дека хомосекуалноста настанува како лошо опрашување со тестостерон во период на формирање на зиготот, и дека тие наносекунди ја определуват судбината на единката дали ќе биде на маргините на едно општество поради тоа што имала лоша среќа, или пак ќе се најде во хетеросексуалното мнозинство, тогаш ти ќе ми поставиш еден куп други прашања околу сето тоа, и ќе изведеш заклучоци дека и јас како и ти мислам дека тоа е неприродна појава, болест итн...
Но, ти тоа ќе го употребиш во пежоративна смисла за да го навредиш соговорникот од лгбт популацијата и да му дадеш до знаење дека си во суперпозиција во однос на него во рамките на општествово, заради својот ксмет при раѓањето.
Јас ножеби ќе ги искористам истите зборови, немајќи посоодветни, но во друга конотација, која ти нема да сакаш да ја видиш и нема да ти одговара.
Затоа не можам да ти кажам став во една реченица за хомосексуалноста како појава. Засега многу сегменти од животот.
Она што јас можам да ти кажам за себе во моментов е следново – дека тие луѓе воопшто не ми сметаат, дека некои што ги познавам и лично се супер пријатели, дека сум да им се овозможи брак и сите правни придобивки за него, и би ги поддржал во тие настојувања од се срце и со сите сили, дека не ми се допаѓа геј лобито и геј парадите како инструмент на насилно и изнудено орудие во рамките на одбранбениот механизам создаден во текот на последниве децении, по фамозната 1973 година.
ПОнатаму можам да ти кажам дека немам некој цврст став за посвојување деца од нивна страна, дека ги гледам како луѓе и како такви ги прифаќам или не, итн..
Значи накратко еден хомосексуалец го гледам како човек, како персона со свој карактер кој ми одговара или не во друштво. Не судам за него, и не го менувам мислењето откако ќе ми каже дека е хомоскесуалец.
Ова е доволно, и треба истото и ти да го сториш. Не е тешко нели? А ти пак мисли си за самата појава што е и како е.
Битен е пристапот кон тие луѓе, да не ги отфрлиш само заради тоа што ти кажал дека е геј. Тоа е она што го бараат и треба да им се пружи. Јас мислам дека го заслужуваат. Ти, веројатно мислиш дека не, и тоа е тоа.
П.с. Не ме навраќај само околу самата појава хомосексуалност, долг муабет е тој, и нема соодветен крај, бидејќи сепак повредува некои персони. Мислам дека ова треба да го сфатиш.