Kонечно после подолго време хип хоп настан во Струмица, официално 7 Октомври е прогласен за празник на хипхопот во Струмица бидејќи сосема случајно овој датум е испреплетен во многу значајни настани за оваа субкултура во градот под царевите кули.
Причината за манифестацијата беше новиот албум на Кискинов, она што не очекував искрено е дека салата во Културниот дом ќе биде исполнета, она што најмногу искрено ме израдува е дека имаше премногу млади, добро е да се види дека и идните генрации на струмички деца растат со правата музика а не со шундот кој секојдневно им се пласира преку социјалните медиуми.
Како што личи прв започна Кискинов со вовед за настанот, постари песни за старт а како продолжуваше си идеа и поновите песни, човекот апсолутно си заслужи да ја исполни салата , не само поради неговиот настап кој беше перфектен каде се виде колку труд има вложено во него и поради се што направи за Струмица, како артист, како човек кој даде можност на многу млади да прават и да се заразат со рапот, оставајќи силна, голема и неизбришлива трага во макрапот, неговиот допринес за хипхоп културата во Македонија е неоспорлив, ама мене уште повеќе ми е за неговиот допринос за оживувањето на струмичкиот дух, чувство кое само тие што сме родени и израснати во градот го имаме во себе и многу добро знаат на што мислам, а дефинитивно даде се од себе посебно со неговата одјава и последна песна која имаше силна емотивна тежина за за која не се збори тука.
Струмица го испочитува своето дете, тоа одсекогаш било големината на Струмица како град, да си ги цени и сака децата на градот !
Покрај Кискинов настап имаа и повеќе гости со кои Кискинов соработувал низ својата кариера.
Први беа уште едни деца на градот Тоти и Јордан, за нив лично субјективно ми беше најмило што ги видов на бина, конечно се надевам дека после овој настап после силно зборење и убедување ќе вратат на создавање на нова музика, настапот после големава пауза им беше топ, младата публика и најмногу откачи на нивниот настап, срце ми се исполни ко видов другарите се враќат на местото каде припаѓаат, па наредниот пат нивен концерт да биде причината да се наполни културниот дом.
После нив следеа Пикси и Нешо Авторизација, Пикси имаше доста добри коментари на бина
, ја испука Овчеполста у куќата која му е и всушност соработка со Кискинот, ликот си има некоја енергија штета не прави повеќе песни мада и со оваа е доволен, следуваше натулиризиранио струмичанец Нешо кој направи доста добра интеракција со публиката кога ја пукаше Балканизам.
Наредни беа Куп де грас, да бидам искрен нив прв пат ги слушав на концертов, имаа настап со две песни, беа доста солидни, ми беа право освежување дека прв пат ги чув, за мене се ко нова група па кога ќе врти макрап во иднина.
Свој настап имаше и струмичкото студио за хипхоп танци One way dance studio, кои имаа свој настап а и се приклучуваа и во настапот кај Кискинот посебно у песната Мали ствари, убаво да се види колку млади се дел од таа гранка на хипхоп културата, браво за нив.
Џака Накот со двете песни кои ги има со Кискино беше следен, нема потреба некоја да пишувам повеќе, посебно што во тие песни Кискинот искина , Џака си е легенда на макрапот за која нема потреба да се објаснува и пишува на долго.
Супер настап со две песни имаше и Аце КН од Зад Аголот кој беше пратен од страна на Паки, вторава песна дека му беше нова ептен ми влезе во уво а сега приметив дека е веќе споделена тука на темава, дефинитивно само пофалби за Аце мене лично ми остави силен впечаток.
Не треба да се изостави Попај кој беше диџеј цела вечер.
За крај Дивизја како група, тука беше и најемотивно дека сепак нивните песни се оние со кои израснавме и кои се баш за нас кои бевме во публика, не беа во полн состав и се чувствуваше таа празнина, како и да е дефинитивно тука публиката најмногу се пронаоѓаше што е и логично, посебно Стеротип каде беше најсилни вибрации и за крајот иако се двоумеа за песната Мојот град , која на начинот на кој ја презентираа даде уште поголема тежина и ја доволи сликата во која е денес градот но и државата во целина.
Како и да е вакви настани се ненасушна потреба не само на Струмица како град, тука на Македонија во целина, ептен беше убаво да бидеш во културниот дом, да се биде на рап после толку време, да се избега од сивилото и депресијата која го имат надвладеано општеството, па наскоро и другиве субкултури но и општо културата во земјата да почне да има се повеќе вакви настани каде луѓето ќе се собираат на едно место за вистинските нешта кои го прават животот поубав.