Харуки Мураками

[MyloXyloto]

Решив да отворам тема за овој генијалец затоа што мислам дека никој досега нема отворено.

Почнав со „Јужно од границата, западно од сонцето“, па продолжив со „Норвешка шума“. Моментално ми е еден од омилените автори.

Го обожавам неговиот стил на пишување, описот на Јапонија во доцните години на минатиот век, чудните главни ликови, и неверојатните љубовни приказни...

Она што сакам да прашам дали некој ја има почнато 1Q84. Книгата кај нас е поделена во три книги (всушност и во повеќето земји е така, но во некои е како една книга). Баш би сакал да ја прочитам.

 

[Strider]

Она што сакам да прашам дали некој ја има почнато 1Q84. Книгата кај нас е поделена во три книгии (всушност и во повеќето земји е така, но во некои е како една книга). Баш би сакал да ја прочитам.

Ја имам дома, ама не знам дали вреди да почнам да ја читам, троа сум специфичен кога се работи за книги и не читам се’ и сешто. Можиш да ми објасниш накратко што жанр е, за што пишува, која е содржината...?

 

[MyloXyloto]

Ја имам дома, ама не знам дали вреди да почнам да ја читам, троа сум специфичен кога се работи за книги и не читам се’ и сешто. Можиш да ми објасниш накратко што жанр е, за што пишува, која е содржината...?

Не знам ништо, не ми е читана книгата, еве еден извадок на македонски за тоа што станува збор. Но не се сомневам дека е добра, сигурно е уште едно маестрално дело на Мураками.

Во јапонскиот јазик, буквата Q и бројката 9 се изговараат исто. Кога 1Q84 ќе се изговори на јапонски, се добива 1984, што е директна алузија на романот на Џорџ Орвел кој, на овие страници, повеќепати се споменува и се цитира.

Читателот, заедно со главните личности, плови помеѓу 1984 година и паралелно време во годината 1Q84. Првиот том од овој капитален роман го покрива периодот од април до јуни и ние, низ поглавјата што наизменично се менуваат, ги следиме приказните на двајцата главни херои –Тенго и Аомаме. Таа е инструкторка за боречки вештини, членка на мистериозна организација што спроведува правда убивајќи насилници…
Тенго е професор по математика во едно подготвително училиште, типичен муракамиевски машки лик-пасивен, без иницијатива, талентиран без да се реализира, едноставно кажано – тој е „дел од сложувалката што никаде не се вклопува“. Во поглавјата што се преплетуваат, среќаваме надреални елементи карактеристични за сите дела на Мураками, но и важни теми од модерниот свет-политички злосторства, толкување на историјата, религиозен фанатизам, слобода. Мураками успева да изгради дело на границата помеѓу лагата и вистината, помеѓу реалноста и фикцијата.

 

[Dearest]

Харуки Мураками е јапонски писател, роден 1949, во Кјото.

Израснал покрај своите родители, татко му бил свештеник, а мајка му трговец. Но и двајцата предавале јапонска книжевност.

Токму поради тоа тој ќе се зближи со литературата, но нема да го продолжи патот на неговите родители.

По завршувањето на драмски факултет наоѓа работа во продавница за грамафонски плочи, па дури тогаш почнува да пишува, во раните триесетти години.

Неговата најголема фасцинација била западната култура, музика и литература која што и наоѓа одраз во неговите дела.

По неколку годинишно искуство и пишување на романи, тој ја постигнува вистинската слава со објавување на "Норвешка шума"

Други познати дела се: Jужно од границата, западно од сонцето; Играј, играј играј; Длабоко во ноќта; Кафка на брегот; Хроника на птицата што го навива часовникот; Лов на дива овца; Meтро и др.

Во неговите дела се обработуваат теми присутни во нашето секојдневие: љубов, осаменост, носталгија, секс, илузија, сеќавања од минатото, пријателство, желбите, задоволтвото, искуството испуштените можности, смрт и сите други можни и неможни мрачни сили на умот.

Но нешто без кое не минува некое негово дело е музиката.

Преовладува класичната, џезот, рок...

И секогаш се бори со судбината. Моментот на сегашноста и минатото се допираат и испреплетуваат. Иднината е неизвесна.

Кои се вашите импресии за овој автор?

Ви се допаѓа ли стилот на кој ги обработува темите?

Кое е вашето омилено дело?

Има и филм снимен според неговиот роман http://www.youtube.com/watch?v=KKiSoGj1hh

И за крај,
*Знам дека има слична тема, ама не ми беше соодветно да пишувам таму, отворена е пред 1 година, нема никакво објаснување кој е писателот, не е ни активна

 

[arakenx]

....ја прочитав Спутник Љубов (Sputnik Sweetheart) ....но стилот не ме привлече

 

[Mnemozina]

....ја прочитав Спутник Љубов (Sputnik Sweetheart) ....но стилот не ме привлече

Дај и‘ шанса на Норвешка шума или Јужно од границата, западно од сонцето.

Хероината на Спутник љубов мене ми е на врвот на најантипатичните женски ликови во литературата.

 

[AlternativeF]

Во моментов ја читам трилогијата 1Q84. Ова е прва книга што ја читам од него, досега имам прочитано стотина страни. Од тоа што го прочитав, прилично ми се свиѓа стилот на пишување и поставувањето на приказната. Книгава е доста долга, 1300 страни, ако ми го задржи вниманието да ја дочитам до крај ќе земам и нешто друго од него.

 

[Zaphod Beeblebrox]

Не е лош, воопшто не е лош. Има интересен стил на пишување, како да раскажува движење на филмска камера а при тоа пак сме свесни за емотивните моменти на карактерите кои ги доживуваат во себе. After Dark (Кога ќе се стемни или како и да е на македонски превод) беше прва негова книга која сум ја прочитал и ме освои со стилот. Спутник Љубов и мене не ми се допадна до толку, некако не е според неговите стандарди. Сакам да ја прочитам 1Q84 али шо знам, скапа ми е уште...

 

[Sp4wN-]

Во моментов ја читам трилогијата 1Q84. Ова е прва книга што ја читам од него, досега имам прочитано стотина страни. Од тоа што го прочитав, прилично ми се свиѓа стилот на пишување и поставувањето на приказната. Книгава е доста долга, 1300 страни, ако ми го задржи вниманието да ја дочитам до крај ќе земам и нешто друго од него.

Јас ја баталив .. библија ... башка и приказната не е многу кечи. Пред спиење ја обично ја практикував ...

 

[AlternativeF]

Јас ја баталив .. библија ... башка и приказната не е многу кечи. Пред спиење ја обично ја практикував ...

И јас пред спиење ја читам, ама добро позиционирана да не ми падне на глава
Што знам, досега ми изгледа ок. Не е нешто да ми зароби внимание, да не можам да се оттргнам, ама па ко за пред спиење таман ми е.
Röddást да ја довршам и може да се мењаме ако сакаш

 

[Zaphod Beeblebrox]

И јас пред спиење ја читам, ама добро позиционирана да не ми падне на глава
Што знам, досега ми изгледа ок. Не е нешто да ми зароби внимание, да не можам да се оттргнам, ама па ко за пред спиење таман ми е.
Röddást да ја довршам и може да се мењаме ако сакаш

Ќе се зачудиш али немам книги по дома, земам од библиотека.

 

[Jedah]

E da eden od najdobrite pisateli na denesnicata....Orginalen stil na pisuvanje...Mene licno likovine sto gi opisuva mi se pluknati karakteri kako mene i bas se pronaogam.
Procitav Juzno od granicata..... Predobra kniga. Siot toj struggle...se oformi kako covek postigna nesto vo zivotot i pak radi nekoj spomeni od detstvoto si go iskomplikuva zivotot...Interesen e Murakami od obicna scena kaj sto se dvajca luge na kafe...Znae da napravi takva atmosfera nebare citas bitka vo LOTR...suspenzija od nisto....

Sega sum do pola na Igraj Igraj Igraj. Taa e pak totalen mind fuck....Ko film od Lynch da gledas...Twin Peaks X 10...Daleku poveke karakteri. poveke desavanja...mali primesi na avantura i horor...Uzivancija za citanje....jak mi e frla primer eden lik na edna recenica vo 30ta strana i posle na 80ta strana pravi revealing na toj karakter i isapa deka e glaven del od celata prikazna...Epten znae da si poigra so citatelot.

Za ovie dve preporaka!
Za drugite naslovi neznam....
Naredno planiram 1Q84 citav nesto taka mistery bila bas...ako e pola od Dance Dance Dance ke bidam zadovolen

 

[коцка]

underground е одлична! kafka on the shore, deep in the night, wild sheep chase!!!!
мене многу ми се допаѓа

 

[Vanlok]

Немам прочитано многу книги од Мураками, само Норвешка шума и 1Q84. Стилот на пишување му е некако чуден, сонлив и можеби малку спор. Во комбинација на тематиките што ги употребува, целата работа делува некако забегано ама на интересен и допадлив начин. Мураками не е од оние автори чии дела ги читам во еден здив, ама секако е интересен и не е заморен за читање.

Се чуствува и разликата помеѓу културите во неговото пишување, Јапонците ми се фасцинанти, на добар и на лош начин истовремено.
Штета што не го знам јапонскиот јазик, просто се чуствува дека некои работи се изгубени во преводот.

 

[Daedalus]

1Q84 е мех. Настрана од дупките у причата во кои не навлагам поради тоа што можеби се намерно направени, динамиката на приказната расте до некое ниво и послем опаѓа. Стилот на пишување е одличен патем. Зумирано, сцените се многу добро опишани, али причата е...онака, 4/10 бар по мој вкус.