Без навреда, ама доста глупости изначитав овде. Ајде еден апдејт да направам за оние неинформираните, зошто директно сум поврзан со лица заболени од ХИВ и работам на нивна поддршка. Што претставува ХИВ-от во 2015.
1. Повеќе од 5 години ХИВ-от се смета за хроничен вирус, односно она што е денес ХИВ нема ништо слично со истиот тој ХИВ од пред повеќе од 5 год. Зошто?
2. Заради
Антиретровиралната терапија (која претставува склоп од повеќе Антиретровирални апчиња) коишто
не лечат од ХИВ, туку истиот го држат во скриена (латентна) форма во некои органи и материи во организмот со цел истиот да не избувне и да не направи штета на организмот. Се дур со помош на АРТ терапијата, заболениот го држи вирусот под контрола, тој не прави штета на организмот и имунитетот се бори со инфекциите како и кај ХИВ негативно лице. Тоа се нарекува уште и
постигнато ниво на непрепознатливост на ХИВ вирусот во крвта (10, 50 или 100 мл крв) Но, како и кога би можел истиот да биде штетен?
3. При резистенца на АРТ Терапијата, којашто настанува доколку пациентот ненавремено ја зима терапијата, касни во зимањето на апчињата со што му дава време и простор на вирусот да го научи дејството на Терапијата и да стане резистентен (отпорен) на терапијата со што таа терапија веќе нема никаков ефект врз спречувањето на ХИВ вирусот. Но, не е крај на светот, при таков случај, се препишува нова комбинација на Антиретровирана (АРТ) терапија. Пред да постои АРТ Терапијата, страничните ефекти биле големи, додека денес се значително намалени.
4. Странични ефекти
може да вклулат: главоболка, повраќање, вртење, луцидни и вивидни соништа, депресија и анскиозност (која во последно време се исклучуваат како страничен ефект поврзан директно од терапијата) и липодистрофија којашто се случува во многу ретки случаи.
5.
ХИВ ВИРУСОТ НЕ Е ИСТО ШТО И СИДА. Таа денес настанува во последната фаза на ХИВ вирусот во случај на оцна дијагноза (после 8-15 години од инфекцијата). Таа вклучува опортунистички инфекции како туберкулоза, канцер итн. Но, се пријавуваат многу случаи кадешто и при таква ситуација, пациенти се враќале на првото ниво на недетектабилност (непрепознатливост) но во тој случај е значително намален лајф-спенот (времето на живеење) кај пациентот, според некои студии (10-20 години намален живот од рано-дијагностицираните). Затоа, се смета дека
раната дијагноза спасува живот и му помага на заболениот да живее нормален, активен и квалитетен живот.
6. Според последната студија, доколку заболен од ХИВ има ниво на недектабилност на вирусот (за коешто рековме дека се постигнува само при навремена терапија), шансата за пренос при хетеросексуален однос е 0%, а при хомосексуален околу 1 посто и тоа само при рецептивен анален секс.
7.
,,Сидата не е ништо, ХИВот не постои, како може толку терапии да има, а да го немаат лекот, сигурно го имаат'' е всушност „муабетот од милион долари“. Како што пишав погоре, ХИВ вирусот се крие од имунитетот кога тој е засилен од АРТ терапијата. Чека стуткано да нападне. Досега е докажано дека тој се крие во мозокот, тестисите, синусите и во најголема застапеност во стомакот. Во следниот пост, пишувам на претходноспоменатата тема.[DOUBLEPOST=1438456354][/DOUBLEPOST]До пред 5 години, штом станело збор за HIV cure (излекување на ХИВот), темата се избегнувала, се добивале апсолутно негативни одговори за невозможноста на истото се до случајот на првиот излекуван случај од ХИВ во светот, Тимоти Реј Браун, Американец којшто живеел во Берлин. 7 години по дијагнозата со ХИВ, добива и нова дијагноза, леукемија. Не би сакал да ве замарам со целата постапка, меѓутоа му била пресадена коскена срж од донор којшто имал мутација таква што е отпорна на ХИВ вирусот. Подоцна ќе ви објаснам и зошто стратегијата со којашто тој се излекувал не може да биде пошироко употребена. После операцијата, во него не биле пронајдени никакви траги од ХИВ вирусот. Денес, на големо се зборува за лекот за СИДАта и ХИВот и постојат два вида на стратегии за
лек.
1. Функционален Лек
Постојат неколку стратегии за т.н. Функционален Лек на вирусот ХИВ. Тоа би значело дека вирусот би се ставил во ,вечна ремисија, односно тој би останал засекогаш во телото, во скриена форма, а лекот би имал за цел да го спречи ,,будењето,, на ХИВот со што тој не би имал никакви последици врз имунитетот и воопшто телото.
2. Стерилизирачки Лек
Најпознатата
Kick and Kill страрегија е всушност стратегија за ваков вид на лек. Оваа стратегија има за цел будење на сиот ХИВ материјал во телото (Kick) и убивање со помош на хемотерапија, инжинерско-наномолекуларна промена или некој нов вид на апчиња убивање на тој ХИВ материјал (Kill).
Пред една недела на Конференцијата За ХИВ/СИДА во Ванкувер беше претставен и првиот случај на (досега) Функционален Лек (односно ремисија) нан ХИВ вирусот, кадешто девојче родено со ХИВ (пренес преку доење од мајката) добила АРТ терапија веднаѓ после раѓањето, но на 6 годишна возраст терапијата и била прекината. Денес после 12 години без терапија вирусот во нејзе постои, но не прави никаква штета, не прогресира и е во ниво на недетектабилност. После ова, се организира најголемото испитување за ХИВ/СИДА направено некогаш. Ќе се испитува дали почеток на агресивна АРТ терапија води до т.н. Функционален лек (ремисија) на ХИВот. Во кругот на заболените од ХИВ, надежта за лекот е поголема од било кога. Најголемата фармацевтска компанија Gilead меѓу своите испитувања за прв пат го стави и испитување за лек за ХИВ/СИДА. Истото го направија и Johnson&Johnson и GSX, водечките компании од т.н. Big Pharma. Откако Gilead го пронајде лекот за Хепатитис Ц, сега граба кон исто така широк пазар и добар бизнис, односно, заболените од ХИВ, чијашто бројка на светско ниво варира од 40-45 милиони во почетокот на 2015 год. Според статистиките, Македонија е една од земјите со ниска преваленција на ХИВ, меѓутоа и се смета за една од земјите кадешто бројот на недијагностицираните заболени со ХИВ е поголем од дијагноситициранте случаи. Тоа во терминологијата се нарекува ,,темпирана бомба,,. Таков случај беше и Италија, земја која имаше една од најниските стапки на ХИВ случаи во Европа, за денес истата бројка да изнесува 150.000, и се смета дека на секои 3 часа еден нов заболува од ХИВ. А на светско ниво, во секој нареден час, 17 лица ќе се заразат со овој вирус.
Затоа и тука би сумирал, заштите се на време, користете кондом се дур не бидете стопроцентно уверени во верноста на партнерот и запамтете: во Македонија има повеќе недијагностицирани отколку дијагностицирани случаи со ХИВ.[DOUBLEPOST=1438456600][/DOUBLEPOST]
Бројот се зголемува, така што пазите што правите
Од само еден процент тестирани има околу 90 случаи (официјални статистики никаде нема) тоа значи од околу 20.000 - 90 случаи. Вистинската бројка е најмалку тридупла.