Си пишал цел текст ама во никаде немаш точно одговорено на моето прашање.
Ти ја кратам репликава, за да не фаќа цела страна постов.
Мојот став е дека 200м евра за 25 год. продажба на 10% од ТВ права е ништо и пишав зошто. На долг рок ќе им се удри од глава ваквиот начин на финансирање, а како што гледам има дополнителен план за продавање на проценти од ТВ права. И тој план на финансирање е активен последниве месец дена, а не од почетокот на ерата на Лапорта што значи ништо не превзел за да ја подобри финансиската слика изминатава година. Приходите од ТВ права претставуваат значаен извор на средства за тековно финансирање на еден клуб. Барса ги продава во моментов за да има тековно поголем износ на приход за да може да регистрира и купува играчи. На тој начин само ќе се редуцира и стеснува обрачот на приливи кои Барса ќе ги има на долг рок, а зошто? За да тера луксуз во период кога финансиски треба да се консолидира.
Барселона со овие 200м евра не враќа од кредитот, туку ги евидентира како приходи од продажба и генерира ликвидност за да може да регистрира играчи според ФФП и останатите регулативи од Ла Лига. Од друга страна, има обврска 10% од приходите по основ на ТВ Права да ги пренесува на таа компанијата. Таквата форма на обврска индиректно значи зголемување на долгот.
Нема континиуитет политиката која ја води Лапорта. Прво поставува тези дека треба да се намалат платите на играчите, а потоа го купува Феран Торес за 55м (и за дупло повисока плата од таа што ја земал во Сити). Сега иста слика и со Де Јонг и Дембеле, дека мора да се откажат од значителен износ од платите, ама во меѓувреме пакет дил за Рафиња и Левандовски (обештетување+плата+провизии) ќе чини 100м евра+.
Во вакви околности тој пакет е луксуз за Барса, а се финансира преку задолжување.
А во меѓувреме Лапорта продава добар ПР дека е спасителот во Барса, ама ако продолжи вака ќе биде тешко наследникот негов.
И на прашањето што треба да направи Барса...
Барса може да се самофинансира ако не вложи многу оваа сезона и пак ќе биде топ 4 во Ла Лига и ќе има некаков пристоен настап во ЛШ. Мора да се плати данокот на расипничкото финансиско работење од минатото ако се работи одговорно. И одговорно е да се направи чекор назад и мора да ризикува некоја сезона за на среден и долг рок да биде на повиоско ниво од ова што е сега. Не можи и да тоните во долгови, а во исто време да очекувате скапи засилувања со високи обештетувања и плати. Не е одговорно за тековно финансирање да си ги продаваш идните потенцијални приливи на клубот.
Во спортскиот дел според мене треба:
1. Да се откажи од такви луксузи од трансфери во период кога не може да си ги дозволи и да се фокусира на квалитетот кој го има во тимот.
2. Да се ослободи од играчите кои што се вишок. Тие што земаат високи плати за да се атрактивни на пазарот ќе мора да ги продаде за некој милион помалку.
3. Пократок ростер.
4. Да инвестира во млади и перспективни играчи по примерот на Педри. Барса го има Тринкао на пример во ростер, а нема добиено добра шанса.
5. Купување на слободни играчи плус позајмици.
Во комерцијалниот дел да комерцијализира се што е можно до оној дел каде што не би била нарушена традицијата. Ако правиме реален муабет, смешно и понижувачки е да се изнајмува Ноу Камп за свадби...
