За мене победник во летниот преоден рок во Премиер Лига е Вест Хем. Јунајтед и Челзи завршија добра работа, ама Вест Хем иако подоцна чекаше да ги реализира трансферите, се засили претерано добро и паметно.
Скоро на сите позиции се покрија. Единствено немаат замена за Антонио во шпицот од нападот.
Ареола - многу добар голман, кај и да е очекувам да го замени Фабијански помеѓу стативите.
Зума - солиден дефанзивец вообичаено, за Вест Хем е премија. Само 26 години, еден куп искуство и трофеи, дополнително ќе ја подобри играта во воздух на која Мојс и те како се базира. За овој Челзи на Тухел недоволно добар поради играта со нога и позиционирањето во одбрана со тројца во линија, но за играта на Вест Хем е комплетен погодок.
Крал - некој следи и други лиги освен својата и супер скаутира во Чешка. Како и Зума, Крал е одличен во воздух. Со него Вест Хем добива и физичко присуство и солидна замена/партнер за дуото Соучек-Рајс. Тешко ќе биде да се игра против нив сезонава, потешко од лани верувам.
Влашиќ - топина. Најдобриот играч во изминатите две години во Русија, сега веќе и стандарден репрезентаивец, 24 години и кратко искуство со Евертон во ПЛ. Им беше потребен некој кој ќе ја спои средината со нападот и ќе помогне во транзиционата игра. Влашиќ е налик Ковачиќ, само поофанзивен и пописмен со топка во однос на шутирање/изведување прекини.
Доколку ги заобиколат повреди, не гледам зошто и сезонава не би се бореле за место во Европа, конкретно Европа Лига.