Почитувани натпреварувачи, гласачи, и неми посматрачи, ви благодарам на сите на учеството и добредојдовте на презентацијата на победникот за најдобро селфи! Постов го постирам малку порано од предвиденото, ама мора да имате разбирање, јас имам Сквид Гејм за гледање, а и секако додека да го прочитате постов ќе помине цела вечност. Како редовен презентер на етаблираните награди Златен Омлет, знам што правам, ич да не се секирате!
Пред да преминеме на резултатите, дозволете да ве анимирам со рубриката Забавна Статистика! Сигурно се прашувате како може било каква статистика да е забавна, самиот наслов е оксиморон. Па, не може, ова не е никаква забавна статистика, ова е класичен еготрип. Изненадена од бројот на гласачи на овој натпревар решив да влезам во зајачката дупка и да побарам тема со повисок број на гласачи од моменталната. Потрагата ме однесе до 2020та, каде првата тема на која наидов со повисока гласачка активност од оваа, со дури 72 гласачи, е темата Спорт. Сигурно никој не се прашува чија е таа фамозна тема Спорт, ама сепак ќе ви кажам - моја е! Сега сте побогати за една апсолутно бескорисна информација, и со тоа го завршуваме облигаторниот еготрип на овој настан, и продолжуваме со резултатите.
Without further ado, ве известувам дека поради лични причини Дилан Дог нема да биде новиот предложувач. Гласовите и победата ќе ги задржи, а правото на отварање нова тема и го предава на
@bijons како второпласирана. Честитки бијонс! Како актуелен победник, моја должност е да те советувам да дадеш интелектуална тема, а не глупави и неуспешни теми како моите! Ти посакувам среќа и успех и на следниот натпревар, како на тебе, така и на сите што ќе учествуваат активно или пасивно!
Со тоа го завршуваме ова шоу, и навистина - среќата ги пратеше храбрите!
До година.
Та.