2016 БАРСЕЛОНА ТЕСТ СЕСИЈА: ВЕТЕЛ СО НАЈБРЗОТО ВРЕМЕ НА ПРВИОТ ДЕН
Себастијан Ветел со болидот на Ферари SF16-H го заврши првиот тест ден во Барселона со најбрзото време, пред актуелниот Шампион Луис Хамилтон со Мерцедес АМГ W07. Најбрзото време беше забележано при крајот на утринската сесија на медиум гумите на Пирели. За разлика од Британецот кој беше на првото место по комплетирани кругови, 156, Ветел имаше многу помалку, 69 круга, 36 пред паузата за ручек и 33 во попладневните часови. Ова можеби најавува дека возачот на Мерцедес АМГ не беше во потрага по брз круг, па затоа разликата од половина секунда зад Германецот е некако преголема.
Следуваше, Даниел Рикардо со Ред Бул RB12, цела секунда побавен од најбрзото време. Валтери Ботас беше на четвртото место од табелата, со 0.047 зад Рикиардо, додека Алфонсо Целис со болидот на Форс Индија, VJM09, го имаше солидното петто најбрзо време на своето деби во Ф1. Неговото најдобро време беше забележано на меките гуми
Џенсон Батон имаше добар ден со болидот на Мекларен, беше 6-ти најбрз, но со комплетирани 84 круга, пет повеќе од минатогодишната цела тест сесија во Херез. Иако најавуваа дека Торо Росо може да биде побрз од Ред Бул, тоа денес не беше случај.
Болидот на Торо росо на патеката излезе во привремена целосн о темн о сина боја на шасијата. Дефинитивниот изглед ќе биде готов за почетокот на втората тест сесија. Минатогодишниот болид на Заубер со Маркус Ериксон зад воланот беше осми најбрз, пред Паскал Верлајн со Манор, годинава придвижуван од Мерцедес ПЕ.
На последните две места болидите кои денес имаа најголеми проблеми. Роман Грожан зад воланот на Хас VF-16, во еден момент го изгуби предното крило на најбрзиот дел од патеката, што го чинеше комплетирање на само 31 круга. На последното место заврши Џолион Палмер со Рено RS16, со нешто повеќе од четири секунди заостанување и со само 37 круга. Британецот се жалеше на проблеми во задниот дел на болидот.
РЕЗУЛТАТИ ОД ПРВИОТ ДЕН