Погонската единица што Ферари ќе ја користи во 2014 болидите се нарекува 059/3. Таа беше прикажана на традиционалната пред Божиќна средба на претседателот Монтеѕемоло со група на италијански и меѓународните новинари, во Маранело.
Лука Марморини, раководителот на мотори и електроника, го имаше главниот збор:
"Како резултат на 2014 прописите, ние веќе не зборуваме за мотори, туку погонски единици. Тоа е многу комплексен проект и ние работевме на тоа во изминатите две години. Срцето на погонската единица е 1.6 турбо мотор и само 100 кг гориво што може да се користи во трка, што значи колку поефикасен мотор, толку повеќе енергија за користење. Покрај турбополначот, ќе имаме и електричен мотор, кој исто така ќе дејствува како генератор, овозможувајќи обновување на енергијата од издувните гасови.
Како што и досега беше веќе случај, вториот електричен мотор ќе ја собира енергијата од сопирањето, и ќе има речиси двојно повеќе моќ од КЕРС-системот што досега се употребуваше. Целата енергија генерирана од страна на електричните мотори ќе се чува во многу поголем и помоќен акумулатор од сегашниот, но сепак ќе биде сместен под резервоарот за гориво. Системот за електронска контрола ќе биде уште пософистициран, за да ги координира и управува сите овие нови електро-механички уреди. Новата регулатива е еден фасцинантен предизвик, кој придава големо значење на системот за обновување на енергијата и на ефикасноста на погонската единица."
На крај, Марморини, им се заблагодари на сите вработени за нивните напори за развојот на 059/3, и ги поттикна да дадат се од себе во авантурата на новиот мотор која само што започна. Презентација, беше со тематика, дека минатото и сегашноста го предводат патот кон иднината.
Името на болидот за 2014 година ќе биде избрано во Јануари од страна на милионите фанови на Ферари од целиот свет преку интернет.
http://mkformula1.blogspot.com/2013/12/blog-post_20.html