Филмски фестивали (Берлин, Кан, Венеција...)

Член од
23 јуни 2008
Мислења
4.002
Поени од реакции
4.245
Сакајќи да пишам за годинешното издание на филмскиот фестивал во Кан видов дека немаме посебна тема за најпознатите филмските фестивали, а и те како има за нив што да се пишува, од критики, до новости, до следни проекти и слично, сепак може да се каже дека филмските фестивали се и големи предвидувачи за тоа што не чека за секоја наредна Оскаровска трка.

Од најголемите фестивали можеме да ги издвоиме:


Санденс филмскиот фестивалот за независни филмови, кој се оддржува секој јануари.


Берлинскиот интернационален филмски фестивал (Берлинале) кој се оддржа во февруари.


Канскиот филмски фестивал во мај.


Венецискиот филмски фестивал во септември.


Торонто филмскиот фестивал во септември.

Деновиве актуелно е 69-тото издание на Канскиот филмски фестивал, кој треба да заврши на 22-ри мај. Во чест на фестивалов во два дела ќе ги претставиме филмовите кои се дел од натпреварувачката категорија (со нивни содржини, критики и сл.) и оние кои се вредни за внимание од категориите Un certain regard и дел од филмовите кои се надвор од конкуренција.
 
Член од
23 јуни 2008
Мислења
4.002
Поени од реакции
4.245
69 Кански филмски фестивал
(11-22.5.2016)

лист на letterboxd
Во конкуренција за Златна палма (1.1)

American Honey
Филмот кој доби доста позитивни критики уште во првите денови од фестивалот беше четвртиот долгометражен филм на англиската режисерка Andrea Arnold (Fish Tank, Wuthering Heights). Во оваа 162 минутна драма ја следиме новата ѕвезда Sasha Lane која ја игра 18-годишната Star, тексашка девојка која живее во лоши услови со нејзиниот насилен татко во Оклахома. Случајно девојката се соочува со чудна весела банда на чело со учтивиот Џејк (Shia LeBeouf) кој ја привлекува да се приклучи во лирична одисеја низ државата во која девојката конечно ќе ги најде луѓето кои ги барала сиот свој живот. Едногласно сите критики се на страната на филмот дека е навистина можен добитник на Златна палма. (сцена од филмот)

Sieranevada
Скоро три часа трае романскиот филм во кој покрај хрватски и босански продукции како ко-продукција се јавува и продукцијата на сестрите Митевски, а од македонскиот филмски фонд има добиено 83,000 евра. Во режија на романскиот режисер Cristi Puiu (The Death of Mr. Lazarescu, Aurora) дејството на оваа семејна драма говори за собирањето на фамилијата 40 дена по смртта на патријархот во семејството. Реална драма со доза на црн хумор е присутна овде и овде како и во останатите филмови на Пуиу. (сцена од филмот; 2)

Personal Shopper
Ако веќе сте запознаени со филмскиот фестивал во Кан и неговите обичаи, скоро секоја година на фестивалот има филм кој е исвиркан од публиката, такви на пример биле Antichrist од Ларс Вон Триер, Inglorious Basterds на Тарантино, Only God Forgives на Николас Виндинг Рефн и многу други. Годинава првиот филм кој беше исвиркан е најновиот филм со приказна за духови на Oliver Assays (Summer Hours, Clouds of Sils Maria), кој покрај негативните коментари доби и многу позитивни коментари, посебно за неверојатната глума на Kristen Stewart која добива пофалби и критиките велат дека оваа улога е дури и подобра од улогата во претходната соработка со Оливер, во филмот Clouds of Sils Maria во кој што играше заедно со Juliette Binoche. Кристен ја глуми 27-годишната Маурин која работи во Париз како професионален купувач за европска славна ѕвезда. Маурин е во мизерна состојба, но нејзината работа и дозволува да остане во градот каде што таа го чека нејзиниот близнак, Луис, да ја контактира. Пресвртот е што нејзиниот брат е скоро починат а и двајцата се смета дека се медиуми кои можат да контактираат со спиритуалниот свет, и поради нивните “чувствителни“ способности, Луис ѝ ветил дека ќе ја контактира за три месеци од неговата смрт ако тој умре пред неа. (сцена од филмот)

I, Daniel Blake
Со веќе една освоена Златна палма во 2006 година за филмот The Wind That Shakes the Barley, Ken Loach (Sweet Sixteen, The Angel's Share) годинава се враќа со социјалната драма која некои ја споредуваат и со делата на Дикенс и Орвел. Приказната говори за Даниел Блејк, средовечен вдовец кој не може да работи ниту да прима социјална помош после скорешниот срцев удар. Филмот е раскажан со остар и жесток тон, а Лоах во истиот говори и навредува против премолчените правила кои ги прифаќаме со доза на суптилност и иронија. Критичарите велат дека ова е еден од подобрите негови филмови. (сцена од филмот; 2)

Loving
Младиот и надежен режисер Jeff Nichols (Take Shelter, Midnight Special) се одлучи својот шести долгометражен филм да биде сосем различен од сите негови претходни филмови. Љубовната драма сместена во 60-те години е веќе сериозен кандидат за Оскар по проекциите во Кан, каде што покрај за филм како сериозни кандидати за Оскар се сметаа и главната двојка Joel Edgerton и Ruth Negga. Во сагата станува збор за нелегалноста на мешаните бракови во 28 држави во САД во 60-те години, а двете жртви на овој озогласен “криминал“ на мешање на црнечко-белите бракови се двојката од работничка гласа Ричард Ловинг и жена Милдред (пола Афро-Американка, пола Индијанка). Љубовна драма каква што не сме гледале со години е коментарот на критичарите. (сцена од филмот)

Paterson
Три години по одличната вампирска сага Only Lovers Left Alone (која македонската публика можеше премиерно да ја гледа на Синедејс), Jim Jarmusch (Dead Man, Broken Flowers) има нова драма и тоа според критичарите важи за еден од неговите подобри филмови, а се шушка дека и Златната палма може да заврши во рацете на овој режисер. Сместен во Патерсон, Њу Џерси овој филм ни говори за возач во автобус , Патерсон (Adam Driver) кој е всушност и поет кој досега нема објавено ниту едно дело, а сите свои дела ги пишува врз основа на секојдневните конверзации на неговите патници. Всушност Џармуш во овој филм нѝ говори за едно од најретките нешта во уметноста како и во животот - целосно среќен брак. (сцена од филмот; 2; 3)

Julieta
Кричарите едногласни за 20-от долгометражен филм на Алмодовар (All About My Mother, Volver, La Piel Que Habito) дека ова е неговиот најконвенционален филм. Враќајќи се во центарот на женските приказни кои ја одбележаа неговата кариера, овој филм нуди солидна глума од страна на Emma Suarez и Adriana Ugarte. Базиран на кратки приказни, филмот говори за Хулиета, постара жена, на работ на напуштање на својот живот во Мадрид за да се пресели со својот љубовник Лоренцо. Но кратката средба со Беа, пријателката од детството на нејзината ќерка Анита, ќе промени сè. (трејлер)

продолжува....
 
Член од
23 јуни 2008
Мислења
4.002
Поени од реакции
4.245
69 Кански филмски фестивал
(11-22.5.2016)

лист на letterboxd
Во конкуренција за Златна палма (1.2)

It's Only the End of the World
Новиот филм на Xavier Dolan (I Killed My Mother, Mommy) несомнено беше еден од најочекуваните годинава, со оглед на тоа што неговиот претходен филм наиде на многу позитивни критики од сите фестивали на кои беше прикажуван. Со импресивна актерска екипа на чело со Vincent Cassel, Lea Seydoux, Nathalie Baye, Marion Cotillard и Gaspard Ulliel овој филм ни говори за Луис, смртно болен писател кој се враќа во родниот дом по 12 години отсуство да ја најави престојната смрт на своето семејство. Повторната средба која е исполнета со сомнежи и тензии е централното дејство во приказната. Филмот е базирна на истоимената театарска претстава, а критичарите велат дека Долан повторно многу вешто си игра со кинематографијата која е извонредна како и во неговите претходни филмови. Овој млад режисер од Канада направи филм кој е вистинска ноќна мора за семејните односи. Ќе ве воодушеви, велат критичарите, иако очигледно дека не е на исто ниво како неговиот претходен Mommy. (сцена од филмот; 2; 3)

Aquarius
Единствениот бразилски филм кој е во конкуренција годинава е филмот на режисерот Kleber Mendonça Filho (Neighboring Sounds) кој доби доста силни критики од публиката како и од критичарите. Приказната е поделена во три глави, првата која започнува во 1980 кога Клара (која ја глуми фантастичната Sonia Braga) ужива во својата младост како музички критичар во елегантната зграда Аквариус. Следната во која Клара се соочува со ракот на градите, и третата во нејзината 65 година кога нејзината зграда откупена од компанија и на нејзино место се соочува изградба на друг објект, Клара ќе се обиде да влезе во дуел со компанијата поради носталгијата за својот стан. (сцена од филмот)

Graduation
Вториот романски филм во натпреварувачката категорија и силен кандидат за Златна палма е петтиот долгометражен филм на режисерот Cristian Mungiu (Beyond the Hills) кој веќе во 2007 година ја има освоено истата со филмот 4 Months, 3 Weeks, 2 Days. Филмот го следи животот на хирургот Ромео Алдеа кој има тешки односи со својата 18-годишна ќерка Елиза, која е одлична ученичка и веројатен студент на Британски универзитет по психологија, но на денот на полагањето на матура се случува стравотен настан кој ќе го промени нивниот живот и после кој ќе соочат со реалноста на секојдневнието и училишниот систем. Овој филм е интригантен, длабоко интелегентен и ја прикажува темната слика на националната депресија во Романија, каде генерацијата од 90-те се надевала дека ќе има шанса за нов почеток во годините што следуваат. (трејлер)

The Unknown Girl
Осмиот филм на белгиските браќа Дарден (L'Enfant, The Kid With a Bike, Two Days One Night) е многу сличен на нивните претходни филмови што се разликува од останатите е дека има мал дел на neo noir стил. Кратката содржина на филмот вели дека се работи за докторка која ќе се обиде да го открие идентитетот на непозната млада девојка која починала откако одбила да ја прават операција. Иако велат критичарите не е на рамо на неговите претходни филмови, сепак Дарден се обидуваат да го насочат филмот во границите природата на реализмот, по кој тие се најчесто препознатливи. (сцена од филмот)

The Neon Demon
Филмот на режисерот Nicolas Winding Refn (Drive, Only God Forgives) може да се рече беше еден од најочекуваните филмови на годинешниот Кан со оглед на тоа критичарите за неговиот претходен филм Only God Forgives беа доста поделени, а филмот беше исвиркан од публиката. Свиркањето не го заобиколи и неговиот најнов филм чија премиера ги остави гледачите со поделени мислења. Со елементи на хорор и трилер, овој дански режисер полека станува новиот Гаспар Ное. Во центарот на приказната е Џеси (Elle Fanning), надежен модел која се преселува во Лос Анџелес каде што е регрутирана од моден магнат како негова муза. По влегувањето во модната индустрија во градот, таа открива дека нејзината виталност и младост ќе биде проголтана од група на опседнати жени од убавина кои ќе користат секакви начини да го добијат тоа што таа го има. (трејлер)

The Handmaiden
Корејскиот режисер Chan-wook Park (Oldboy, Lady Vengeance) се враќа на долгометражните филмови по седум години пауза. Неговото најново дело е еротски трилер во кој приоритет се става на женската сексуалност, исклучителната сценографија и опојните ефекти. Сигурни сме дека филмот е исклучително мајсторско изработено дело со оглед на неговите претходни филмови а самата кратка содржина делува навистина интригантно. Филмот говори за жена која е ангажирана како слугинка кај јапонска наследничка, но тајно е вклучена во заговор за да ја проневери. Според последните информации ова е еден од филмовите кои е најмногу продаван на годинешниот Кански фестивал, па да се надеваме дека до крајот на годината ќе го гледаме и на некои од нашите филмски фестивали. (трејлер)

продолжува...
 
Последно уредено:
Член од
23 јуни 2008
Мислења
4.002
Поени од реакции
4.245
73 Венециски интернационален филмски фестивал
(31.8 -10.9.2016)

За помалку од еден месец започнува Венециското биенале кое заедно со филмскиот фестивал во Торонто се предвесниците за Оскаровската филмска сезона а и за сите оние квалитетните европски и други авторски филмови кои ги чекаме со нетрпение секоја година. Во продолжение накратко ќе ја претставам филмската програма која навистина делува импресивно, а во текот на наредниот месец повеќе за филмовите откако ќе излезат првите рецензии.

Фестивалот ќе го отвори филмот La La Land, или третиот долгометражен филм на режисерот Damien Chazelle, чиј филм Whiplash ги освои сите филмофили и критичари пред две години. Мешавина од мјузикл и драма, а Рајан Гослинг, Ема Стоун и Џ.К. Симонс со својата веќе докажана глума ќе нѐ однесат во оваа филмска магија.​

Натпреварувачка програма: (по азбучен редослед)
  • Arrival (Denis Villeneuve / Prisoners / Sicario ) US
  • The Bad Batch (Ana Lily Amirpour / A Girl Walks Home Alone at Night ) US
  • The Beautiful Days of Aranjuez (Wim Wenders / Wings of Desire / The Salt of the Earth ) France/Germany
  • Brimstone (Martin Koolhoven / Winter in Wartime ) France/Netherlands
  • The Distinguished Citizen (Mariano Cohn and Gastón Duprat / El Hombre de al Lado ) Argentina/Spain
  • El Cristo ciego (Christopher Murray) France/Chile
  • Frantz (François Ozon / 8 femmes / Swimming Pool / Dans la maison ) France/Germany
  • Jackie (Pablo Larrain / No / El Club ) Chile/China/US
  • La La Land (Damien Chazelle / Whiplash ) US
  • The Light Between the Oceans (Derek Cianfrance / Blue Valentine / The Place Beyond the Pines ) India/UK/US
  • Nocturnal Animals (Tom Ford / A Single Man ) US
  • On the Milky Road (Emir Kusturica / Dom za vešanje / Underground / Maradona ) Mexico/Serbia/UK/US
  • Paradise (Andrei Konchalovsky / The Postman's White Nights ) Germany/Russia
  • Piuma (Roar Johnson / Fino a qui tutto bene ) Italy
  • Questi giorni (Giuseppe Piccioni / La vita che vorrei ) Italy
  • Spira Mirabilis (Massimo D'Anolfi, Martina Parenti ) Italy
  • The Untamed ( Amat Escalante / Sangre / Heli ) Denmark/Mexico
  • Voyage of Time ( Terrence Malick / Days of Heaven / Tree of Life ) US
  • The Woman Who Left ( Lav Diaz / Norte, the End of History ) Philippines
  • A Woman's Life ( Stéphane Brizé / The Measure of a Man ) France
Од останатите филмови кои се надвор од натпреварувачката категорија вреди да се споменат The Magnificent Seven на Antoine Fuqua (Training Day, Southpaw), потоа ќе бидат емитувани првите две епизоди од планираните осум на HBO мини серијата The Young Pope режирана од Паоло Сорентино (La grande belleza, Youth) во која како главни улоги се појавуваат Џад Ло и Дајан Китон. Исто така ќе биде емитуван и новиот филм на ирскиот режиер Nick Hamm, The Journey. Австрискиот режисер Ulrich Seidl има нов филм насловен Safari. One More Time with Feeling е насловот на новиот филм на Andrew Dominik (Killing Them Softly). À jamais е оригиналниот наслов (англискиот сѐ уште е непознат) на филмот на режисерот Benoît Jacquot (Farewell, My Queen, Diary of a Chambermaid).

Mel Gibson ќе го претстави својот петти режисерски филм насловен Hacksaw Ridge. Ќе бидат исто така емитувани и новите филмови на Philippe Falardeau (Monsieur Lazhar), The Bleeeder, како и The Age of Shadows на јужно-корејскиот режисер Kim Jee-woon (I Saw the Devil, The Last Stand).

и... додатокот од претходниот фестивал.

Да си го заокружам Кан, пред да почнам да пишувам за Венеција и Торонто. :)
69 Кански филмски фестивал
(11-22.5.2016)

Добитник на Златна палма беше филмот на Кен Лоах, I, Daniel Blake, додека Гран при наградата замина во рацете на Долан и неговиот It's Only the End of the World.

Миленик на жирито беше филмот American Honey на Андреа Арнолд, најдоброто сценарио беше доделено на фантастичниот и нас веќе познатиот Асгар Фаради (A Separation) за The Salesman.

За најдобра режија беа наградени два филмови, и тоа Кристијан Мунгиу за романскиот Graduation и Оливер Есејс за Personal Shopper.

Наградата за најдобра женска актерка ѝ беше доделена на Jaclyn Jose во филмот Ma'Rosa, а актер Shahab Hosseini во The Salesman.
 
Член од
23 јуни 2008
Мислења
4.002
Поени од реакции
4.245
70. Кански филмски фестивал 2017
(17. - 28.5.2017)



Со вкупно 19 филмови во натпреварувачката категорија, 18 други во категоријата Un certain regard (Извесен поглед) и 9 филмови во категоријата на краткометражни филмови, годинешното издание на најгламурозниот Кански филмски фестивал започна на 17-ти мај а ќе заврши на 28-ми мај. Претседател на жирито на фестивалот годинава е шпанскиот режисер Педро Алмодовар, а Моника Белучи се јавува како водителка на церемонијата на отворањето и затворањето на фестивалот. Филмот со кој се отвори фестивалот беше Ismael's Ghosts, на францускиот режисер Arnaud Desplechin (Esther Kahn, A Christmas Tale).

Интересно а и она што предизвика доста реакции пред почетокот на фестивалот е присуството на два филмови од услугите за стримање Netflix во натпреварувачката категорија. Филмовите The Meyerowitz Stories и Okja иако се дел од натпреварувачката категорија сепак нема да го испочитуваат главното правило на фестивалот, а тоа е да филмовите по завршувањето на фестивалот да бидат дел од француските кина. Канскиот фестивал и Нетфликс не постигнаа заеднички договор околу прикажувањето во кината со оглед на тоа што филмовите се дел од услугата за стримување која завзема сè повеќе интерес за снимање и продуцирање серии и филмови на глобално ниво.

На филмскиот маркет кој се одржува во рамките на Канскиот филмски фестивал, Македонија изложува заедно со земјите од Југоисточна Европа. Домашната Агенција за филм ја промовира кинематографијата со најновата филмска продукција, и ја рекламира земјата како дестинација за снимање филмови каде што со правото на поврат на средства во износ од 20% треба да се привлечат странските продукции да снимаат кај нас. Исто така, се разгледуваат можностите за копродукција, промоција на македонските филмски фестивали и други проекти од областа на филмската дејност. На годинешниот Филмски Маркет, ќе се прикажат три најнови македонски долгометражни играни филмови и тоа:

Новиот филм на Тeона Стругар Митевска „Кога денот немаше име“ , со проекција на 19. мај. Дебитантскиот филм на режисерот Ѓорче Ставревски „Тајната состојка“, со проекција на 23. мај и „Година на мајмунот“, најновиот филм на режисерот Владимир Блажевски, со проекција на 24. мај.

Краткометражниот филм на Златко Калеников – „Железната приказна“ ќе биде презентиран во Short Film Corner – програма организирана од страна на Канскиот Филмски Фестивал
 
Член од
23 јуни 2008
Мислења
4.002
Поени од реакции
4.245
Cannes 2017
Официјална селекција
letterboxd листа

Награди

Palme d’Or: The Square” (Ruben Östlund) Fource Majeure

70th Anniversary Award: Nicole Kidman

Grand Prix: BPM (Beats Per Minute)” (Robin Campillo) Entre les murs

Director: Sofia Coppola, “The BeguiledLost in Translation, Marie Antoinette

Actor: Joaquin Phoenix, “You Were Never Really HereWe Need to Talk About Kevin

Actress: Diane Kruger, “In the Fade

Jury Prize: Loveless” (Andrey Zvyagintsev) Leviathan, The Return

Screenplay — TIE:The Killing of a Sacred Deer” (Yorgos Lanthimos, Efthimis Filippou) / “You Were Never Really Here” (Lynne Ramsay)
 

Kajgana Shop

На врв Bottom