Епа ај да стаиме нешто ..
Рашад Луис ги пропушта првите 10 утакмици.
Еден од најдобрите играчи на минатогодишниот финалист Орландо Меџик, Рашард Луис суспендиран е од страна на НБА лигата поради позитивен допинг тест. Ѕвездата на минатогодишното финале ќе ги пропушти првите десет натпревари од сезоната, мерка која му се изрекува на играч кој првпат се соочува со ваков проблем.
Самиот Луис истакна дека сосема случајно конзумирал храна која во својот хемиски состав го содржи недозволениот елемент тестостерон.
"Направив огромна грешка и ја преземам сета одговорност како и последиците од истата. Купив производ во обична аптека и во тој момент воопшто не помислив дека во него содржи супстанца која е забранета од НБА лигата. Се надевам дека јас лично ќе бидам пример за другите спортисти бидејќи во нашата професија нема место за вакви банални но скапи грешки" - изјави Луис.
Секако со казната од десет натпревари доаѓа и паричната казна која е неминовна за ваков вид прекршок. Тој несомнено ќе биде и дополнително казнет и од страна на самиот клуб за несовесното однесување и секако штетата која ќе ја направи со неговото отсуство. Рашард Луис во изминатата сезона беше вистински хит заедно со своите соиграчи. Иако многумина воопшто и не ги сметаа за фаворити, тие не само што ги демантираа сите злобници туку и го повторија најголемиот клупски успех играњето во големото финале. Луис минатата сезона постигна во просек по 19 поени, со што заедно со Двајт Хауард поставија стандарди кои и оваа сезона можат да бидат репер и мерило за силата на екипите во Источната конференција.