Оваа сезона Веспрем некако како да игра најпроменливо во однос на претходните години. Секако ковид карантините и истумбаниот распоред имаат влијание, ама тим кој има три конкурентни постави не би смеел да се вади на такво нешто.
Два пати ги растури Барса, изгубија дома од Алборг, на Ф4 уште еднаш беа само туристи, но од друга страна во групната фаза го развалија Кил. Мотив сигурно нема да им фали, дури би рекол.. Вардар нив им е дополнителен мотив, заради комплексот што им го набивме минативе години. Искрено, се радувам на изјави ко онаа на Благотиншек - дека ќе не добијат со многу голови предност, што се надевам може да им се тресне од глава. За разлика од него Дејвис е многу посталожен и пробува да ја смири ситуацијата.
Онаа утакмица на СЕХА Ф4 во септември не е никаков репер. Тогаш бевме толку далеку од некаква натпреварувачка форма, мислам дека и играчите уште не се знаеа меѓу себе.
Да сумирам, си ги знаеме и нашите предности, но и маани. Формата секако дека оди во нагорна линија. Како и останатите очекувам машка игра, без предавање, па што биде нека биде. Составот ни е далеку од оној состав што освојуваше ЛШ, ама па погледнете го и оној состав што го пројде Хамбург и за влакно испадна од Фленсбург.