Мислам дека во погрешна насока одат критиките кон Алушевски. И јас скептик околу него како можен успешен тренер на Вардар, но не заради тактичко ракометно незнаење. Алушевски мислам дека доста добро разбира ракомет, и не дели нешто особено во тој аспект од останатите тренери на Вардар. Но има многу ракометни тренери низ светот кои одлично разбираат ракомет, а не се добри тренери.
Зошто? Затоа што не е се до тоа колку добар тактичар си. Да бидеш тренер на клуб во секој спорт, вклучително и ракомет, пред се бара менаџерски способности. Треба да имаш авторитет, да знаеш кога да бидеш мек, а кога да свикаш, да потпомогнеш развој на култура во екипата, да те слушаат играчите во она што им го кажуваш. Околу овој вториот дел сум многу поголем скептик околу Алушевски отколку тактичкиот. Не сум убеден дека ќе се вклопи карактерно во културата на екипата и дека екипата ќе го слуша што им кажува. Мене ми личи дека ќе видиме Писонеро 2.0 ситуација, ама ајде нека покаже времето. Има сезонава ми се чини доста основи како може да се создаде раздор и кланови во екипата и ќе треба умешност како да се оневозможи тоа и сите да играат по исти ноти и за доброто на клубот. Нормално ќе треба помош и од капитенот тука. Неговиот однос со Алушевски е можеби и најважен.
П.С. Навивачите никогаш не можат да ја видат позадината зад тоа што се случува на теренот и затоа секогаш им се тренерите криви ако нешто не оди, но реално причините можат да бидат најразлични и само луѓе без лична агенда, а директно инволвирани во секојдневието на клубот може прецизно да утврдат каде е проблемот.