Македонскиот првак Вардар и Словенецот Грегор Оцвирк дефинитивно ќе се разделат. Левиот бек и „црвено-црните“ лани во ноември, се обидоа да ги закопаат воените секири, но се чини дека тоа не вроди со плод.
Дека односите не се најдобри доволно говори фактот дека Оцвирк го нема во составот по продолжувањето на сезоната, па така не го видовме ниту на гостувањето кај Војводина во СЕХА-лигата, а денеска не отпатува со тимот во Манхајм, каде „црвено-црните“ утре вечер му гостуваат на Рајн Некар Левен.
Официјална разврска треба да има до крајот на неделава.
Словенецот со Вардар имаше потпишано тригодишен договор, а според најавите нема да ја преживее ниту дебитантската сезона.