Лејкерси предсезоната ја почнаа со победа над Денвер Нагетс - 98-95. Коби за 20-тина минути постигна 13 поена и асистираше 5 пати. Изгледаше доста солидно со оглед на околностите. Со колку само нетрпение го очекував овој натпревар пред се поради кам-бекот на Коби и дебито на Рендл и не ме разочараа. Од останатите стартери Џордан Хил беше многу солиден, особено под кош каде имаше 11 скока надополнети со 10 поени, исто за 20 минути поминати на паркетот. Неш исто солидно 11 поена и 5 асистенции(и тој 20 мин игра), Џонсон добар во одбрана но заработи некоја ситна повреда на коленото и Бузер беше играчот кој според мене остана незабележителен. Од клупата како што напоменав чекав да видам како Рендл ќе се покаже... 10 поена и 8 скока е доста добар учинок за 28 мин игра. На крајот почна да греши, меѓутоа тој и ја запечати победата со куцање. Другото руки, Џордан Кларксон беше лидер на својот тим во постигнати поени (14), а особено беше добар во шутот за тројка. Сепак најголемо изненадување за мене беше Ед Дејвис. Вистинска кражба беше неговото потпишување, типот изигра одлично и во напад и она што е битно за нас, беше фантастичен во одбраната (3 рампи). Ќе гледаме солидни партии од овој играч. Севкупно гледано, задоволителен натпревар за Лејкерси, кои според мене добро се покажаа во нападот, а покажаа и мал напредок во одбрана,секако со можност за напредок сепак предсезона е уште му треба време на играчите да се навикнат на системот на Бајрон. Се надевам на добра сезона, бидејќи оваа година имаме далеку подобар состав од лани, а и Неш и Коби изгледаат доста добро па се надевам дека нема да се повредат во текот на сезоната и се надевам дека ќе го пробијат тимот до плеј-оф.
За крај , потегот на натпреварот...