Каков тимски перформанс вчера. Сите беа одлични, може слободно 7-8 играчи да избереш за МОТМ.
Конечно се врати Кепа, почнуваше да не ми се свиѓа тоа што Лампард го остава на клупа подолго него што беше потребно. И изигра супер. Уште стојам на мислењето дека и покрај тоа што беше во лоша форма, сепак најголемиот дел од головите беа чисти шанси кои одбраната им ги дозволува на противниците, за кои не можеше он ништо да направи. Се надевам ќе го искористи овој перформанс и ќе смени многу мислења до крај на сезона.
Гилмур сите што сме го гледале знаеме какво талентиште е, ама вчера изигра докторска партија. Еден погрешен потег немаше, на 18 години си играше со Фабињо. Движење без топка, визија, пас, агресивност, комплетен перформанс. Баш пред натпреварот на
@dragonsky му реков дека ова е и тест на Лампард за да види дали може да рачуна на него во следните три натпревари без Жоржињо, и не можеше подобро да се покаже.
Единствено нешто за кое може да им се замери е што повторно не ги искористија повеќето шанси во напад. Можеше комотно уште 2-3 гола да постигнат, посебно шансите на Педро и Жиру.
Со повредите страшно е што се случува, пола тим е моментално повреден. Без тројцата главни играчи во средина сме. Ќе мора на Били да се потпре Лампард, се надевам и Лофтус ќе може да изигра колку толку. А секако и Баркли АКО игра како вчера може да е добра опција. Ме интересира дали би го користел Џејмс во средина. Лани добар дел од сезоната во Виган играше во средина и секако тоа е позиција во која може да се снајде.
Ќе видиме каков ќе биде тимот во недела, не чека ептен тежок натпревар против Евертон, ама мора еднаш да искористат ваква победа и да тепаат неколку натпреври по ред. Тој натпревар во недела е поважен од вчерашниот. Јунајтед играат против Сити, за Тотенхем не знам ама они секако се во слободен пад. Ако помине викендов како што треба, може ќе ми се врати малце оптимизмот за топ 4.
.