Време е за поставување сериозни прашања, воглавно адресирани кон Конте. Што не значи дека поставувам некаков ултиматум, или случајно барам оставка од него и негова смена. Не ми паѓа на памет таква глупост, туку имам потреба да се дообјаснам, за да не биде ова погрешно протолкувано.
Играчите не ги изземам од одговорноста, напротив. Подеднакво се виновни за денешното срамно, не знам и дали може да се каже срамно, не верувам дека постои термин во македонскиов јазик кој точно би го опишал изданието на Челзи против, до ова коло, тимот што немаше постигнато ниту еден погодок, тимот кој беше убедливо закован на дното на табелата и тимот предводен од Рој факинг Хоџсон.
Рој Хоџсон. Со ова не можам да се помирам никако.
Каде греши Конте конкретно? Во неколку сегменти, ќе го издвојам оној најпроблематичниот по мене - селекцијата на играчи. Што, е во причинско-последична релација со она што се случува на терен. Конте може да не поштеди нам, фановите од она што го гледаме на почетоков од сезонава, доколку се придржува кон она ,,кај мене нема да постојат привилигирани фудбалери, во мојот тим ќе играат оние кои највеќе заслужуваат и највеќе покажуваат на тренинзите и натпреварите''. Како што одминува сезонава, така сфаќам дека ова нема везе с везом. Како Кејхил, заслужува да биде во прв тим, после една изиграна добра партија, онаа со Атлетико, а Рудигер и Кристенсен да чмаат на клупа, играчи кои ја искористија максимално секоја изиграна минута и се покажаа како квалитетни засилувања? Дотолку повеќе што и двајцата беа одлични против силниот Сити, одлични, иако пред себе немаа среден ред и беа изложени на константни напади. Не разбирам, ете.
А притоа, знаеш дека против себе ги имаш Заха и Таунсенд, исклучително брзи фудбалери и знаеш дека Кејхил е претерано бавен. Тоа се очигледни работи, не мора да си експерт за да ги нотираш.
Азпиликуета, топло-ладно од почетоков на сезоната. Евидентен е падот на формата, евидентен е заморот. Ајде, лани бевме тенки во дефанзива, па приморани бевме да играме со едни те исти играчи во последна линија. Ама сега, имаме две-три опции за централната позизиција, зошто едноставно не го одмориш? Или пресилниот Кристал Палас е преголем залак и нема простор за ризик?
Зарем треба за Вилиан да напишам нешто? Зарем Вилиан со нешто заслужува да биде првотимец, да игра пред Педро (не, не е веќе повреден. И ситната наводна повреда е отстранета), или пред Мусонда (кој за 20 минути направи повеќе, покажа некаква живост, влегуваше во шанси) ? Не, не треба. Ама игра. Зошто? Да му ебам матер зошто.
Постојат и други играчи кои играат под можностите, не велам дека само и само горенаведените се причина за слабите игри. Хазард, непрепознатлив. Заобиколете ме во случај да ми го правдате со ,,повредата''. По враќањето на терен, изигра 10 меча. 50 ли му требаат за да се врати во колосек? Или пак Фабрегас и Алонсо? Но, индивидуални грешки на Кејхиловци, Вилиановци, нивното незалагање и импакт нула, си потегнува со себе последици, кои подоцна влијаат врз играта, соиграчите, концепцијата и крајниот исход. Ќе повторам, и посочам, играта и резултатите на Челзи, очигледна се консеквенца на изборот на фудбалери за прв состав од страна на тренерот. Тренерот кој чинам дека спласна со духот, флексибилноста и храброста во некои моменти. Карактеристики нетипични за него.
Исто така, и тренерот кој повторно би можел да не избави од кризата. (да, веќе сме во криза, дури и полош старт од ланскиот, замислете, само што сега конкуренцијата е пожестока, па така и патот кон титула ќе биде уште потежок)
Би бил и поподробен, материјал еден тон, но не би сакал да ги заведам младите глорихантерчиња во фанклубов, со моите реферати од десет и повеќе страници и да создавам илузии. Ќе ме прочитаат, ќе се осоколат повторно, ќе гледаат оптимистички, за да на крај Челзи не биде шампион. Ќе следи разочарување, и од тоа, и од загубеното време кое не го искористиле, навивајќи за некој друг клуб. Што да не Сити или Јунајтед. Само нека сјае.
