Нема никакви изговори за поразов. Како што нема никакви изговори и за поразите од Шахтјор првиот натпревар, Кадиз и Алавес од викендов. Зидан ќе умре со своите убедувања, а едно од тие убедувања е ротациите. И јас мислам дека треба да се прават ротации, поготово во вакви услови и ваква сезона, но тие ротации треба да се прават врз база на заслуга.
Второто полувреме беше едно од полошите полувремиња изиграни сезонава, а тоа кажува доволно. Едноставно тимот не можеше да се справи со транзицијата од напад во одбрана во вторите 45 минути. Физички тимов не е ни приближно на нивото на коешто треба да биде. Исто така, џабе си изиграл добро прво полувреме и си ја контролирал играта ако не успееш да створиш ниту една 100% прилика. Кога Шахтјор го постигна првиот гол тимот се распадна, како одминуваше времето повеќе изгледаше дека ќе изгубиме 3:0 отколку што ќе дадеме гол за да се вратиме во натпреварот.
Ниту Марсело, ниту Асенсио немаат покажано дека заслужуваат да бидат во првите 11 на било кој натпревар. Кога сме кај Асенсио, според мене он е НАЈГОЛЕМОТО разочарување сезонава. Големи работи се очекуваа од него, ама очигледно повредата си го зема данокот и човекот скроз пропадна. Иста иднина му предвидувам како онаа на Иско. Се надевам дека нема да бидам во право.
Варан е криминален, криминален е веќе подолг период но Рамос успеваше да му ги покрие гомната. Доколку има некаква понуда летово треба да се размислува за продавање бидејќи он нема да биде лидерот кој што ќе треба да го замени Рамос откако овој ќе се пензионира.
Покрај сето ова, најлошото нешто што можат да го направат е да го избркаат Зидан. Човекот го вади максимумот на екипава. Не е крив он што во последните 3 натпревари во Ла Лига тимот има направено 5 пенали, не е крив он што ефикасноста во нападот е тажна и жалосна. Единствена кривица која ја има се трансферите кои ги направи минатата сезона, од кои само Менди се покажа како што треба. Има докажано порано дека може да ги извади на прав пат играчиве и да излезе успешно од кризава, НО мора и он да ја смени малце таа бизарна тврдоглавост со ротациите. Не може тимов да ги прави секое коло истите грешки.