Mourinho (27.05.10 - As):
• Кој стил на игра го сакате за Real Madrid?
Ќе имаме урамнотежена екипа. Екипа која за да освојува титули треба да биде свесна за своите добри и лоши страни која ќе работи како блок. Една екипа која сака да освојува титули мора да победува на натпревари, а екипата која сака да добива натпревари мора да игра д...обро. Ќе бидеме група со свој идентитет, нема да имитираме никого. Идентитетот ќе бидеме јас и играчите. А за тоа мора многу да се работи. Претсезоната ќе биде чудна, затоа што ќе биде после Мундијалот и затоа што на сред сезона има пријателски натпревари. Без разлика на тоа ние мораме да бидеме подготвени за првиот официјален натпревар.
• Која формација ќе ја наметнете во Real Madrid 4-3-3, 4-4-2, 4-5-1....? Одлучивте веќе за тоа?
Сакам кога играм со 4 играчи позади, о моите екипи се подготвени да играат и со 3 играчи во одбрана. Сум добил многу натпревари играјќи и со тројца во одбрана. Со Chelsea добив 5 натпревари со тројца во одбрана, со Inter лани освоив 3 натпревари, а оваа сезона еден. Најчесто играме со четворица во одбрана, но со двајца крилни играчи како Ashley Cole или Maicon.... Во центар можеме да играме како ромб или триаголник. Ако играме со триаголник, тогаш ќе имаме тројца во напад.
• Тогаш мислите дека вашата работа е компатибилна со таа на Valdano?
Сосема компатибилна. Не се сомневам дека добро ќе функционираме со Valdano, он беше играч, беше тренер и јас исто така. Знам дека треба да се почитува автоносмноста на секој. Не верувам дека еден спортски директор сака да влезе во соблекувална и да зборува со играчите. Може да се зборува за нови играчи и слично, неговата работа е јасно дефинирана. Тренерот е подобар кога групата, во секое ниво, функционира.
• Кои планови ги имате за Raúl и Guti, двајца играчи кои не одлучиле се уште дали да останат или не?
Ветераните заслужуваат да бидат среќни. И можат да бидат среќни играјќи во друга екипа или со некоја друга улога внатре во клубот.
• Сте имале потреба да донесете ваква одлука во некоја друга екипа?
Materazzi беше среќен што играше еден момент во финалето ЛШ и Cordoba исто така. ЈАс никогаш не сум имал проблеми со играчите за такви ситуации. Еден ден се сретнав со Hierro во Bolton и беше среќен таму. Ако еден играч со 36 години сака да биде стартер на натпревари.... има многу малку такви. Играчот мора да биде чесен со сбе и со својата екипа. Guti за мене е надвор. Јас ги прочитав неговите изјави и за мене тоа е важно. Се збогува од фановите, се врати на терен.
• Тогаш, нема да продолжи во Real Madrid?
Ако после тоа го променил мислењето, тоа веќе не се важи. Јас сакам луѓе кои еднаш ќе кажат нешто и тоа го прават. Raúl, за разлика, цело време молчи и се уште не кажал ништо. Он секогаш е многу мирен. Така да кога ќе дојдам во Мадрид сакам да зборувам со него преку телефон или лично ако он сака да зборува со мене.
• Ќе можете да го вратите стариот Kaká? Он е играч кој го сакаа во Италија?
Беше повреден и изгледа дека ја загуби самодовербата во последните месеци, но не верувам дека ќе има проблеми да се врати во најдобра форма. Он е од оние кои сакаат да бидат убедени во нешто за да дадат максимум.
• Како ќе успеете Cristiano и Higuaín повеќе да се залагаат во одбрана?
Лесно. Екипата е екипа. На истиот начин како што напаѓачите сакаат оние од задните редови да работат за нив, ќе мора и они во дадени моменти да се жртвуваат за доброто на екипата. Се сеќавам на еден натпревар со Chelsea на кој останавме со 10 играчи, во тој момент Terry стана голман и го видов Drogba како ми вика “Јас одам во центар“. Така игравме добро лани и против Barcelona. Тоа е екипа. Тешко е во текот на 90 минути да бидеш супериорен над ривалот. Секогаш има момент во кој мора да бидеш екипа и да се жртвуваш.
• Вие секогаш се трошите за да ги заштитите играчите. И затоа сакате да си барате непријатели. Во Шпанија непријател ви е Barcelona?
Не е нешто што ми се допаѓа. Јас не сум непријател на никого. Јас не сум антиBarcelona, ни антиAtlético, ни антиMilan. Јас сум фанатик на Inter и од денес па натаму ќе бидам фанатик на Real Madrid. И ќе бидам скромен, но има работи кои сакам да ги сменам. На пример, луѓето сакаат отворен тренинг секој ден. Секако дека ќе има отворени тренинзи за медиумите и за фановите, но ќе има и затворени, затоа што се потребни. Не сакам непријатели никаде, тоа не е моја намера.
• Laporta кажа дека вашиот син е за Barcelona....
Мојот син не е за Barcelona, он е навивач на својот татко и знае да го почитува својот татко и оној кој ја заслужува неговата поддршка и страст. Не можеш да бидеш фан на клуб кој го навредувал твојот татко 90 минути. Мојот син ги сака Porto, Chelsea, Inter и тоа искуство го доживеа со голема страст. Сега е за Real Madrid, тоа е неговата сегашност.
• Фановите сакаат Real Madrid да победува, да освојува титули, но и да игра добар фудбал....
И јас го сакам истото. Мојот Real Madrid секогаш ќе игра добро, ќе напаѓа и ќе победува. И покрај тоа ќе има моменти кога ќе се игра на друг начин. Мојата екипа секогаш ќе излезе на терен со јасна идеја “победа“. Ако водиме со 3-1 и останеме со 10 играчи, ќе мора играчите да се повлечат и да бранат.
• Guardiola кажа дека следната сезона ќе биде многу забавна со вас во Real Madrid. Што мислите за тоа?
Шпанското првенство беше многу интересно оваа сезона и јас не бев овде. Дај боже Valencia, Mallorca и Atlético, на пример, да победуваат повеќе и да имаме уште поинтересно првенство. Ќе биде големо првенство, затоа што Barcelona купи добри играчи и ќе биде посилна следната сезона. Јас немам проблеми со Guardiola. Го познавам долго време, имам добра врска со него и го почитувам многу.
• Имате подготвено некоја порака за вашата презентација?
Се уште не. Ќе размислувам за тоа во авион. Ќе бидам горд, но ќе бидам скромен, затоа што Real Madrid е многу поголем од сите нас.
• Иако се уште има време додека да почне новата сезона и има Мундијал пред тоа. Кој мислите дека ќе ја освои la Liga?
Не знам. Јас сакам да ја освојам, затоа што ниеден играч и ниеден тренер не успеал да ги освои англиската, италијанската и шпанската лига. И би сакал да бидам првиот кој ќе успее да освои ЛШ со три различни екипи. Би сакал да откријам некој младинец и да го направам ѕвезда. Ме мотивира, еден играч кој немал добра сезона претходно сега да има.... Има многу начини за мотивација. Но не сакам да ја изгубам скромноста, така да нема да дојдам и да кажам ќе ја освојам la Liga имајќи ја пред себе најдобрата Bаrcelona.
• Најискрено, Real Madrid може да ги освои сите три тирули?
Само одлична екипа може да ги освои трите титули во една сезона. Ако го направиме Real Madrid одлична екипа, тогаш можеме да ги освоиме.
• Постои можност Mаicon и Milito да ви се придружат во Real Madrid?
Со Milito сите бевме слепи. Никој не веруваше во него, а он има се, фантастичен напаѓач. Но мислам дека играч кој влегол во историјата на еден клуб, клубот не смее да дозволи да го изгуби. Milito е Inter. Секако дека би сакал да дојде со мене, но Milito е Inter, мора да остане, да го обнови договорот и да заработува повеќе. Maicon е крак, има одлична физичка кондиција, бек кој дава 6 или 7 голови во една сезона и не од слободни. Сега е моментот во кој треба да доживее некое искуство кое не го доживеал се уште. Нема да кажам дека би сакал да го имам во Real Madrid. Мислам дека Ramos може да биде еден од најдобрите центри во светот.
• Како треба да се засилу Real Madrid?
Сакам три или четири одбранбени играчи кои ќе не подобрат во напад.
• Би го купиле Di María?
Di María е фантастичен играч во едно мало првенство. Имам сомнеж за тоа како би се снашол во Италија или Шпанија. Ако ми кажат дека може да го купиме за прифатлива цена, тогаш би ризикувал. Но ако цената е голема ќе кажам не, не сакам клубови кои плаќаат многу за соите играчи.
• И Gerrard и Lampard?
Сакам играчи кои се на крајот од својата кариера. Сакам да имам неколку играчи со 33 или 34 години.... Тоа се играчи кои ги купуваш, но не ги враќаш парите од таа инвестиција, но ти даваат максимум две или три години. Двајцата се големи играчи и секогаш даваат се.
• А Coentrao?
Coentrao е играч кој денес е многу истакнат, но да го купиш него е исто како да купиш некој Marcelo Португалец. Јас сакам друг тип на играчи, иако признавам дека е голем играч и дека може многу да напредува.
• А De Rossi?
Мислам дека е невозможно да го донесеме, затоа што Roma е Totti и De Rossi. Totti ја заврши својата кариера и Rossi е тој кој ќе продолжи.
• После Португалија, Англија, Италија ви беше потребен нов предизвик?
Пред 4 или 5 месеци одлучив да си одам од Италија. Резултатите ми овозможија полесно да си одам, иако сакав да не мислам на тоа додека освојувавме титули. Во последните недели, кога Real Madrid стана реалност, тогаш сите титули беа во игра. Инсистирав да не знам ништо за тоа, но бев свесен Real Madrid ме сака и дека јас го сакам него.
• Кога одлучивте да дојдете?
Пред финалето се беше одлучено и после него Inter знаеше дека нема да го сменам мислењето. Во последниве часови се течеше нормално, најнормални преговори, но сите знаеја дека ќе бидам тренер на Real Madrid.
• Вашата слобода? Real Madrid ќе треба да плати 16 милиони за вас?
Јасно е дека ќе треба да се плати некоја клаузула, но јас сакам договор. Сакам клубовите да се договорат, двата клуба знаеја што сакам. Ќе бидам тренер на Real Madrid во секој случај.
• Што можете да дадете?
Можам да дадам се што сум дал на минатите клубови, буквално се од мене. Се трошам себе си, поминувам многу време во клубот и мојот живот надвор од фудбалот е сиромашен. Мојот живот е мојата фамилија и мојот клуб. Нема да имам време да шетам низ Мaдрид, ни да играм тенис или голф. Ветувам целосна посветеност.