Mourinho (17.09.10 - press): Ми се јави претседателот на Португалска Фудбалска Федерација за да ми предложат да бидам тренер неколку дена и тоа им го соопштив на клубот. Тие денови речиси немав со кого да работам, беа само Pedro León, Granero, Mateos, Dudek, Adán и моето отсуство немаше да се забележи, како кога бев на конференцијата за тренери на УЕФА. Португалија е во тешка ситуација и иако кажав дека би сакал да бидам селектор после 20 години, не можам да и кажам не на мојата држава. Како после ќе бидам селектор ако сега кажам не? Ќе кажат дека сум егоист.
Немам што да добијам. Немам потреба да работам, ниту пак ми фалат пари. Би отишол за 0 евра. Не можам да кажам не, но не можам да кажам ни да, зошто имам 4-годишен договор со Real Madrid. Сега се зависи од меѓусебниот договор меѓу ПФФ и Real Madrid. Да бев слободен ќе отидев уште утре и гратис. Се уште не разговарале ПФФ и Real Madrid, но ако ме прашаш, мислам дека нема да бидам селектор на Португалија. Потребен е апсолутен договор и при најмалата пречка ќе кажам не.
Јас сум антипатичен човек. Многу пати победувам и луѓето полудуваат со еден пораз. Но исто така има и луѓе кои ме сакаат и и се восхитуваат на мојата работа. На конгресот на тренери на УЕФА сите ја пофалија мојата работа во Inter и начинот на кој го освоив финалето. Резултатите се најдобрата одбрана на еден тренер. Екипа која има 35 удари кон гол против Ajax може да го заврши натпреварот 0-0. Други тренери имаат повеќе среќа, со малку шанси постигнуваат гол. Можеби е моја вина, зошто немам социјален живот, живеам за фудбалот и за фамилијата. Ме викаат на ручеци и вечери и јас никогаш не одам. Немам моќни пријатели во светот на комуникацијата. Не внимавам на изгледот.
Следниов натпревар е најтежок до сега и не го кажувам ова затоа што е следен натпревар, туку затоа што Real Sociedad ми изгледа како покомплицирана екипа од оние против кои сме се соочиле до сега. Оние екипи кои доаѓаат во Primera го имаат победничкиот дух од претходната година. Покомплицирани ривали се Hércules и Real Sociedad од некоја екипа што е 12 на табела, затоа што тоа се екипи лидери во својата Лига. Real Sociedad е добро организирана екипа, брани со 11 играчи, има компактен блок. Има три или четири многу опасни играчи и имаа цела недела за да се подготвуваат за овој натпревар, а ние мораме да играме и во сабота и во среда, а можевме да играме во недела покомотни. Против Ajax вложивме многу и не е лесно да се вратиш за 2 дена.
Ако имам време ќе гледам Atlético Madrid – Barcelona, ако не нема да гледам, како и да е ќе го дознам резултатот. Можеби е најважниот натпревар на оваа коло, но јас не го играм.