Успех?

[city]

Да, малку да продискутираме за:

Патот до успехот?

Значи прво да дефинираме што значи успех за вас и што значи успешен човек?


А потоа да видиме:

Колку е тешко и мачно да се стигне до успехот? Колку е тоа индивидуален или генерален „проблем„?

Колку ви значи успехот? Колку сакате да бидете успешни по секоја цена?

Што би направила за да стигнете до успехот? Колку е тешка таа борба? Кои препреки и борби сте спремни да ги поминете да стигнете до успехот? Успех по секоја цена? Да или не?

Кажете за некои ваши конкретни патешествија до успехот.

Да бидеме малку реални и објективни:
Колку сте успешни во моментов?

Успехот е многу блиску до реализацијата на себе си. Колку сте реализиранi до сега?
Колку имате постигнато од она што е потребно за да бидете успешни?

И конкретно кои се оние работи кои ги имате направено, работи кои ве направиле успешен?
​

​

 

[Yo Blow]

успешен е оној човек кој успеал да ги достигне своите цели и живее според своите идеали.

општеството, најчесто успешните индивидуи ги поврзува со материјалните добра кои ги поседуваат.

во моментот не сум до толку успешен, бидејќи сум само 19 години, но се движам во права насока. се запишав на факултет, со кој мислам дека понатаму во животот ќе успеам да си ги остварам соништата

инаку борбата за да се стигне до скалилото на успехот е многу тешка и цело време ќе бидете под притисок за да се откажете.

до успехот може да се стигне само со многу труд, многу ум и многу волја!

 

[VeS]

не постои успех без препреки без падови...

 

[Strider]

Успешен човек е оној кој го исполнил сето она што си го има зацртано во животот. Образование, диплома, работа, семејство, дом, среќа, љубов...

 

[DimceY]

успешен е оној човек кој успеал да ги достигне своите цели и живее според своите идеали.

општеството, најчесто успешните индивидуи ги поврзува со материјалните добра кои ги поседуваат.

во моментот не сум до толку успешен, бидејќи сум само 19 години, но се движам во права насока. се запишав на факултет, со кој мислам дека понатаму во животот ќе успеам да си ги остварам соништата

инаку борбата за да се стигне до скалилото на успехот е многу тешка и цело време ќе бидете под притисок за да се откажете.

до успехот може да се стигне само со многу труд, многу ум и многу волја!

и со еден тон желба значи според мене најважна за успехот е желбата кој ја има читано Најголемиот Трговец На Светот сигурно ќе се сети на следнава реченица "Неуспехот никогаш нема да те стигне ако твојата желба за успех е доволно силна" реченицава според мене се кажува :smir:

 

[Buterfly]

Да, малку да продискутираме за:

Патот до успехот?

Колку е тешко и мачно да се стигне до успехот? Колку е тоа индивидуален или генерален „проблем„?
​

Успехот не го сфаќам како проблем, или ќе успееш или не. Сепак е индивидуален проблем, но од друга страна неможеш сам до патот на успехот, значи мора некој да ти помогне, мора некој да те образува како што и да те насочи во некоја насока. Мачно е да се стигне до успехот, треба време и нерви.

Колку ви значи успехот? Колку сакате да бидете успешни по секоја цена?

Што би направила за да стигнете до успехот? Колку е тешка таа борба? Кои препреки и борби сте спремни да ги поминете да стигнете до успехот? Успех по секоја цена? Да или не?

Успехот ми значи премногу. Може да се каже дека и за тоа живеам. Живеам за да успеам. Со секое скалило погоре јас успевам, после се составува слагалицата и ете си на врвот од твојата замисла - успешен. Успехот не се мери со тоа само колку си постигнал, туку и со тоа како си се соочил со тоа кога си паднал. Секој успех е пропратен со падови и порази и повторни качувања, нерамнини, и кои те тераат да размислиш зашто понатаму кога само паѓам? Ама самото амбициозно во тебе, самата желба за успех те искачува и ти дава волја да продолжиш. Два-три пати ќе се разочараш ама толку, за успехот ако сакаш да го оствариш треба да си стабилен и да се носиш со последиците. Потребна е борба, тешка борба во зависност до успехот кој си го замислил. Борба со себе си, борба за себе си, опстанок.
Сепак не би направила се заради успех. Не го валкам образот за моја лична сатисфакција, тоа не. Се си има свои граници, а јас се придржувам до нив. Значи не правам ништо што утре ќе ми е срам и страв да станам сабајле. Спремна сум да се борам со сите средства, да го искористам своето знаење и искуство што нормално и ќе го стекнувам уште. Се чувствувам силна, на некој начин, храбро постапувам и имам цел - да бидам успешна.

Кажете за некои ваши конкретни патешествија до успехот.

Да бидеме малку реални и објективни:
Колку сте успешни во моментов?

Успехот е многу блиску до реализацијата на себе си. Колку сте реализирани до сега?
Колку имате постигнато од она што е потребно за да бидете успешни?

И конкретно кои се оние работи кои ги имате направено, работи кои ве направиле успешен?

Па може да се каже дека сум на средина на својот успех. Ако зборуваме за успех во поглед нели на образование и искуство, да, успешна сум за мојата 21 година. Се чувствувам успешна. Бев проект менаџер неколку пати, бев по конференции и семинари за дообразување, дипломирав меѓу најдобрите, имам неколку фирми кои книговодам. Планирам да запишам магистратура и да работам, како ќе изведам се тоа незнам, ама битно имам желба за сето тоа и сакам да успеам. Но колку и да си успешен секогаш сакаш повеќе и повеќе и сметаш дека тоа не е целта, дека има уште. Се задоволуваш со сегашноста, но размислуваш за понатаму и да не застанеш кај што си сега.
Не викам дека не сум била поразена или погрешно сум постапила, ама кога ќе сумирам сите тие грешки биле од премногу доверба во луѓе. Ама ако учиш од грешките можеш да напредуваш, ако не ќе стоиш во место.
За вистински успех треба многу месеци и години, многу напор да се вложи и желба да се итрае.
Знам дека ќе успеам, и ќе се вивнам до самиот врв на мојот замислен успех. Зашто сите си имаме своја цел која е различна, тоа е индивидуално. Некој сака да е врвен фудбалер, некој археолог, сите сакаат директори да сеили менаџери.
На секој мал успех до целта се радувам, ама малку се радувам, зашто знам дека пртерана среќа не е на добро. Успехот ги прати истрајните, одлучните и оние кои навистина сакаат да успеат, оние кои го ценат истото и вредноста на работите. Не е успех да имаш многу пари, успех е да си задоволен со тоа што си постигнал.
Сметам дека човекот се родил за да успее, не за да пропадне.:helou:

 

[Crazy in Love]

Успешен човек е човек кој успеал да ги оствари своите цели и приоритети и си изградил своја позиција во животот.

Успехот нема да падне од небо. Ако сакаш да успееш мораш силно да го посакуваш тоа и да се трудиш и да градиш. Мора да претрпиш падови, ќе имаш и подеми, едноставно патот до успехот не е баш лесен.

Сакам да бидам успешна и ми значи тоа и си работам уште од сега, за да можам да го постигнам она што сум си го зацртала. По секоја цена - не. Особено ако цената е да газам по други луѓе.
Прво здравјето и фамилијата ја гледам, а потоа успехот.
Ама сепак, сакам да бидам успешна жена во иднина, а јас сум прилично амбициозна личност, така што ќе гледам да се пробијам и да го добијам тоа што го сакам.

Во моментов имам само 19 години, имам цел живот пред себе. Сепак сум вредна, амбициозна, учам, читам, се стекнувам со знаење. Се подготвувам себеси и уште од сега работам на мојот успех, зашто сепак сакале или не знаењето е моќ.

Јас дали сум реализирана?
Не баш. Мислам се осеќам како да се наоѓам на крстопат и осознавам многу работи и онака си правам welcome to the real world, зашто имав/м обичај розево да гледам на работите, а сега се спуштам на земја малку и работам на себе.

 

[Yugo]

Добра тема за филозофирање... хмм успех.. дефинитивно не по секоја цена.. а за успех за мене е кога ќе достигнам мн работи од кои сум си ги замислувал во животот и да достигнам да имам моќ над некои луѓе во општествово тоа за мене би било најголем успех во мојот живот а сеа што сум правел за да дојдам до некој успех на мои години баш и не се трудам да ги запамтам сите работи кои ги правам

 

[LadyD]

успех е постигањето на твоите животни цели и желби... мојот личен успех... некаде после 35тата ке го видам... се надевам... сакам
а до тогаш, ехееее во колку дупки ке паднам и ке излезам

секој успешен човек добро се зае*ал и паднал барем 2-3пати во животот

 

[leandra]

Патот до успехот,интересна дискусија кога реално би се прикажале работите.Успех е остварена цел,за некого минимална работа,за некого огромна ствар.Патот до успехот не е воопшто лесен,иако така пишува во книгите,дека треба да бидеш упорен и да се надоградуваш,но таму не е спомнат елементот колеги кој го посакуваат истото.
Ќе тргнам од почеток,кога упишав факултет,за мене успех претставуваше навремено чистење година со добар просек.Потоа ми беше цел да дипломирам на време,се чувствував успешна бидејќи бев во првите десет од моја генерација.Очекував покана од премиерот за работаПривидниот успех ме плесна од земја.Беше период на аплицирање за работа.На почеток толку верував во себе,што неможев реално да ја погледнам ситуацијата за вработување.Нормално тоа се одрази на мојата самодоверба.Успехот на кој толку многу се гордеев ми стана болка,имаше чат пат интервју,чат пат тестирања,кој ме вреѓаа,почнав да се прашувам дали воопшто вредам и дали навистина ги научив предметите.Пробав на едно место,одвратно,пробав на друго психопати,сега сум на трето.На почеток бев збунета од каде јас на тоа место,но потоа се навикнав и си поставив цел,да бидам најдобра од сите останати.Веќе година дена сум таму,имам позитивни критики од партнери,од мојот претпоставен,од колегите,платата ми расте.Верувам дека успеав на тоа работно место.Од друга страна видов многу работи кој мислев дека се само зборови.Луѓето се лоши суштества газат преку живи тела.Морав да се поставам на двете нозе,да пазам што зборам,кога зборувам и фацијални експресии да контролирам.Неможев да поверувам дека измислуваат цели приказни за едно скапано браво,дека цицаат секој ден зад затворена врата,дека шпиунажата оди до таму што кажува колегите која страна на нет ја гледаат.Местенки,сопки,неспособноста се наградува.Луѓе одат позиции напред поради тоа што се јавни шпиуни,ни грам способност,но сепак се над.Врските се главно оружје,ако не вредиш и ако не зависат некои раоти од тебе ќе леташ како куфер.Неспособните несакаат конкуренција,ја уништуваат во корен,царува лижогзачкиот муабет,еден копмлимент на шефот,лечење фрустрации.Секаде ги има врските и во успешните и во помалку успешните фирми,секогаш има некој подобар во позадина кој ги влече конците.Почесто се чувствуваш како вол.
Се сметам себе си за успешна во она што го работам,успешна во професионално поле,што ги докажува моите примања и мојата позиција на 25 години,успешна во образовниот дел,ми остана уште малку до магистратура,успешна во врска која знам да ја одржувам (долга),емотивно стабилна.
Но можам да бидам поуспешна и ќе го направам тоа,амбициите го водат човекот.

 

[RockLady]

...успешен човек според мене може да биде оној кој е упорен..кога ќе постави цел...и покрај сите пр што се појавуваат..со сите оние препреки ..и дури кога согледува дека ќе треба премноогу време за да дојде до таа цел...и кога нема помош никаква....тој сепак оди кон таа цел( а ретки се оние луѓе...) ....но сепак успехот на човекот не е секогаш попунет..мислим не е секогаш онаков каков што го сакамо...секогаш ако си успешен на една страна..на друга не си...тоа едноставно така оди....
..јас им се дивим на оние луѓе кои од ништо направиле..постигнале нешто...а не па оние кои чекаат од тато и мама....тоа е грозно..тие деца никогаш нема да сватат како е кога на грб имаш терет...кога се треба сам да достигнеш....според мене УСПЕШЕН е оној..кој се постигнува сам..кој е секогаш задоволен со се што ќе добие...оној кој секогаш знае да каже фала а воедно да врати.....и оној кој секогаш е упорен и го постигнуа без разлика колку време..и се какви препреки може да наидат...:smir:

 

[Дивајн]

-Успешен човек за мене е човекот кој ќе го постигне тоа што го замислил, при што замисленото би било нешто кое никого не повредува и уназадува.

-За да се стигне до успехот, патот е трнлив и претежок. А проблемот? Проблемот првенствено е генерален.

-Успехот ми значи и сакам да бидам успешна, но не по секоја цена. Би ја плаќала само доколку таа не е прескапа и не би ми тежела на совест.

-За да стигнам до успехот би направила се` што е во моја моќ ... се правилно што е во моја моќ. Значи, не важи за мене тоа "успех по секоја цена".

-А конкретно патешествие ... па, уште како средношколка не се гледав како студентка која завршува факултет со највисоки оцени и потоа пати за работа или завршува во некоја бедна продавница за парче леб. Тоа е најчестата слика кај нас, па сакав да имам свој бизнис, со кој ќе си дозволам добар живот и средства за било какви хуманитарни работи.
Но, тргнав на факултет безволно. После кратко време успеав со помош да отворам свој бизнис. На почетокот бев со партнер кој немаше исти идеи со моите и со тек на време ме донесе до банкрот. Расчистив со него и решив дека ќе продолжам и ќе се кренам повисоко од што сум била на почетокот.
Мачно беше, немам зборови да опишам. Да, имаше денови кога буквално немав денарче во џеб и седев дома криејќи се од луѓе кај кои партнерот без мое знаење натоварил тешки долгови. Моите многу ми помогнаа, морам да си признаам, но исто така и ме тераа да прекинам и да почнам нов живот. Не подлегнав на тоа покрај се`, истраав, се изборив и ете ме денес на две цврсти нозе.
За понатаму ги имам сеуште истите планови. Да станам уште поуспешна (бидејќи си докажав дека можам) и да си ги реализирам моите планови. Не е воопшто лесно, но имам силни причини кои секојдневно ме потсетуваат дека треба да издржам и да се борам.
Значи можам да кажам со насмевка дека во моментов сум успешна девојка, во работата, а и во животот општо. Имам одлично семејство кое го сакам и ме сака и со кое одлично се сложувам, кое ми помага кога ми треба и на кое и јас конечно можам за се` да му помогнам. Имам блиски луѓе кои ги сакам и ме сакаат. Луѓето со кои соработувам ме почитуваат, бидејќи очигледно заслужувам како добар бизнисмен (колку големо ми звучи тоа!).
И да ... кучињата уште со мене спијат!:pos2:
Што може повеќе да посакам на оваа возраст? Одлично ми е и ќе се трудам да ми биде уште повеќе.​

​

 

[PSYtisfaction]

Не сум нешто многу успешна и реализирана во моментов, пред се зошто сум во период од животот кога се изградувам на тоа поле и кога допрва треба да се види каков успех ќе постигнам (и дали).

Во моментов успех ми е да положам за возачка без врски. Да фатам услов за стипендија на факултет. Да си направам просек без да им го пу6ам (буквално и метафорички) на професор(к)и. Да напредувам брзо и надпросечно во тоа што сум си го одбрала како струка.

За 5 години успех ќе ми биде ако најдам добро работно место со солидна плата, сама, со мој труд.

Да се искачам на повисоко скалило од тие што цел живот успеваат преку мама, тато, вујни, чичковци, познаници. Е тоа е hell of a успех.
Знам дека нештата немаат обичај да функционираат така, ама хеј, млада сум и перспективна, имам право да се надевам.

Посакувам да имав построго зацртани цели и замисли за тоа што сакам да правам со животов на поле кариера. Јас сум амбициозна од аспект дека сакам да бидам успешна, ама не знам како до тоа, не знам ни во кое поле точно.
Ајде, живот е пред мене, ќе налетувам на прилики, ќе сфатам што сакам, во нешто ќе се пронајдам. Некако, не знам како, ама ќе успеам. Ваљда.

 

[tnj_stojanovska]

Успех ... не знам ... за мене успех е и ако отидам на работа денес ...
многу голема е тамава ... ке ми треба многу повеке од еден пост ... а пак се може д се сведе на едно ... колку сме ние задоволни од она што сме и што сме го постигнале во животот ...

 

[*princess*]

Успешен човек е според мене,,оној кој знае што сака,,односно си има поставено цели во живот и кои истите ги остварува...Секако дека патот до успехот е многу тежок,,има многу пречки,,но само силната желба и упорноста се главните карактеристики кои треба да ги има една успешна личност,,за да стане токму таква...За мене е рано да кажам дека сум успеала во животот,,има уште многу време кое ме чека за да ги остварам своите зацртани цели,,но сум човек што не се откажува лесно,,така да верувам дека ќе успеам да го постигнам посакуваното,,но ќе видиме...Секако дека не треба да се успева по секоја цена..Кога веќе ќе ја премине границата на нормалата,,или ако не е чесно заслужен,,тоа според мене не е успех..Всушност,,успехот го дефинирам како самото чувство да е некој задоволен од себе и од она што го прави,,од она што го постигнал и со кое се гордее,,тоа за мене е вистински успех..А сите се гордееме со себе кога ќе успееме во нешто.И да,,се согласувам дека кога ќе постигнеме нешто денес,,утре не сакаме да останеме на тоа туку продолжуваме понатаму..А тоа е најдобриот дел..На тој начин,,еден успех води кон нов,,тој пак,,кон трет итн. На тој начин не само што сме многу позадоволни од себе и што тоа влијае на нашата самодоверба,,туку воедно си обезбедуваме подобра и среќна иднина.. А тајната на успехот токму како што кажав се упорноста и силната желба,,затоа што тие се стимулансот и главниот 'виновник' за постигање на успех во животот!!!