Јас ги обожавам сите поголеми празници кои ги слават поголема маса народ. Покрај тоа што се шанса за гледање и поминување време со најблиските, ми го топли срцето и фактот што толку многу луѓе во ист момент исто прават. А тоа истото е убаво ... дали собирање за ручек или вечера, дали договарање за некакво прославување, дали заеднички патувања и излегувања, дали масовно шетање по бутици - сеедно. Важно се чувствува и на улица некаква топлина и некаква сплотеност, што ме прави да се смеам и ако шетам сама.
Посебно го обожавам Велигден, затоа што тој најмасовно се прославува секаде. Божиќ би требало да е исто толку голем празник, но ја нема истата еуфорија и сега. А за Велигден ... неописливо прекрасно чувство ми е спремањето пред празникот, ноќта помината во црква, па после тоа вечерата кај мама и тато, па другиот ден шетањето по кафиња со саканите, па вапцаните јајца наредните неколку денови итн ... ах, едвај чекам да дојде и да си прославиме уште еден Велигден