Туѓата среќа во вашите очи?

[city]

Пријатели,

Седејќи вака размислувам колку енергија и време одвојуваме во животот наш, за другите да ги направиме среќни. Анализирам колку ресурси трошиме за луѓето кои ги сакаме и почитуваме да бидат среќни, весели и насмеани. Секојдневно преку различни постапки на еден или друг начин го разубавуваме животот на поблиските и подалечните пријатели.

Убеден сум дека секој човек сака да гледа весели, среќни и насмеани ликови околу себе. Секој од нас сака да ужива во позитивната атмосфера со пријателите, партнерот, семејството.

Е сега, некој знае да возврати за тоа, но некој не...но, нејсе! Еден мој пријател на ова ќе рече: „и да не знаат да вратат, еден ден кога - тогаш сигурно ќе сфатат!„

Прашањето ми е: како ја доживувате туѓата среќа во вашите очи? се радуваме ли на туѓите успеси и победи? колкав дел од себе вложувате за среќата на вашите поблиски и подалечни пријатели? вреди ли сопствената енергија да ја вложуваме за други?

 

[Freedom2say]

Секогаш се радувам на туѓата среќа и успех ако се постигнати со труд и чесност и ако се заслужени. Тоа не значи дека им посакувам несреќа на тие што успеваат со „врски“, крадење или малверзации, туку едноставно верувам дека таквата „среќа“ порано или покасно ќе ги „изеде“. Мојата животна филозофија е - ако можеш да помогнеш, помогни, ако не - не одмагај.
Дали вреди да вложуваме енергија за други? ДА - сето тоа порано или покасно се позлатува.

 

[Doc Holliday]

Искрено,не сум љубоморен на никој.
Ако некој е среќен,и јас сум среќен.
Ако јас не сум среќен,а некој друг е,мило ми е за него

 

[NightGirl]

Кога јас не сум среќна ме нервира некој друг да е среќен. Кога јас сум среќна сакам сите да се среќни.

 

[Стоименов]

Кога некој друг е среќен и ја сум среќен поради тоа, без разлика што успехот е негов. Тоа е мое мислење, мислам дека не треба да им завидуваме на другите туку да бидеме секогаш покрај нив заедно со нивните успеси и падови.

 

[Lux]

Се радувам на туѓа среќа, било да е нешто чесно постигнато или обратно.Сепак помило ми е обратното и ме нервира кога некој ќе ми рече види го оној грош немаше сега полн е ко брод.Епа мадина имал човекот и го поштовам тоа и не сум суеверен ич.

 

[Disconnect]

Од среќен и богат никогаш не губиш!

 

[Acohipmk]

Јас многу често, можеби и премногу, сум од оние, колку се среќни луѓето околу мене
толку сум и јас.
Секако дека вреди да се вложи дел од себе за да направите некој близок, па и не мора толку близок, да биде посреќен. Тоа мене ми причинува особено задоволство. Многу ме исполнува тоа да видам насмевка на нечие лице само поради некој мал гест. Со малку вложување енергија и љубов, можеме некого да усреќиме многу.

 

[The Goddess]

Зависи за кои луѓе станува збор. Ја у суштина имам многу пријатели ама малкумина сакам, мал е бројот на луѓе кои од срце ги сакам. Е, за тие што искрено ги сакам се радувам кога се среќни и мило ми е ,ем драго. За другите ми е сеедно.

Правам се да ги усреќам ама имам еден поинаков пристап па затоа на многумина им се чини дека сум груба и арогантно и бесчуствителна, што не е точно, ама добро, не ми е важно зашто на крајот успева, па што сакаат нека мислат за мене.

Ама од друга страна пак, се согласувам и со она што го пиша NightGirl:

Кога јас не сум среќна ме нервира некој друг да е среќен. Кога јас сум среќна сакам сите да се среќни.

 

[nescafe]

Нека дава господ на сите, на најверојатно еден ден и јас ќе дојдам на ред.
Не сум љубоморен на оние што се среќни повеќе од мене напротив мило ми е за нив

 

[Anco]

Srecata me raduva pa bilo da e i tuga. Nesreca ne posakuvam nikomu.
Vo prv plan sakam decata da se srecni za da bidam i jas srecen.
No ne e bas taka.Od pricina sto tie ne rabotat a imat deca,skolski i
bebe od 2 meseci.E sega e se na mene i za mojte i za nivnite.
Od cucla do patika i kniga.A sekogas nemozam da dadam i pruzam
kolku treba go osecam toa. I ete ja (ne)srecata vo mojte i nivnite oci.

 

[Anna Killah]

Камо сите околу мене да се среќни, сакам кога се среќни...тогаш луѓето шират позитивна енергија а тоа се осеќа во воздухот и на сите ни е убаво

 

[Goddess of Chaos]

Сакам да бидат среќни as in a state of mind. Со најсаканите мои коегзистирам во односи токму за да се усреќуваме и уништуваме меѓусебно постојано! Секојдневие.
Вреди и ја чини инспирацијата за се останато.

И кога треба нешто екстра да се направи, сакам да помогнам, да дадам, да исполнам, ма but ofcourse дека вложувам колку и да треба од себе за таа виша цел. Особено сум чувствителна на туѓиот труд да оствари свој потенцијал, да дофати сон или идеал, да стане; и на туѓата потреба да закопа мрша.
Дури и ако тоа е нешто кое кај мене предизвикува негативност/одвратност/болка која ја потиснувам за нивна моментална среќа, искрено ќе пробам да сварам али очекувано е по извесно време да баталам и да им го повратам муабетов во лице.
Знаат дека имам новонастанати проблеми со желудник, и пак се ќе биде среќно.

А за сиот останат свет, кога сум јас среќна и тие смеат да бидат среќни.
Кога јас не сум оптимално расположена, треба да бидат мизерни.
Девијациите се строго казнети.

 

[Antagonist]

Мислам дека реченицата , да му умре козата на комшијата , и фактот што се согласуваме дека истата е вистинита , кажува дека многу не се радуваме на туѓата среќа.

 

[nescafe]

Мислам дека реченицата , да му умре козата на комшијата , и фактот што се согласуваме дека истата е вистинита , кажува дека многу не се радуваме на туѓата среќа.

Во поново време викаат да умре комшијата а јас да ја земам козата.

Али знаеш како е, кој на друг гроб копа сам у него паѓа, така да не вреди да се биде љубоморен, нема никаква добивка од сето тоа само губиток.