Нешто што читав периодов:
1. Логичко-Филозофски Трактат - Лудвиг Витгенштајн
2. Филозофски истражувања - Лудвиг Витгенштајн
3. За сигурноста - Лудвиг Витгенштајн
Ова се едни од најтешките книги и белешки (За сигурноста, Филозофски истражувања) што сум ги читал во животот. За сите коишто сакаат да навлезат подлабоко во суштината на јазикот и како истиот се користи како комуникациско средство со помош на кое луѓето ја разбираат и општат реалноста таква каква што ја разбираат, како и тоа дали е воопшто возможно да се разбере реалноста со помош на јазикот, Витгенштајн е Библијата. Само кој ќе се нафати на ова болно качување на Хималаите, нека се подготви за нервози и препрочитување на еден пасус по 10 пати.
Проблеми во филозофијата - Бертранд Расел.
Расел ги анализира сите проблеми во епистемиологијата вклучувајќи го и филозофскиот скептицизам. Напишано со лесен стил, добар увод во епистемиологија и проблеми во епистемиологијата за секој.
Записите од Наг Хамади
Овие ги има во многу верзии и се преводи од различни записи најдени во Наг Хамади, записи кои воедно ги претставуваат почетоците на христијанскиот гностицизам. Тука спаѓаат Евангелието на Тома, Апокалипсата на Адам, записи за Сет и ред други текстови кои имаат малце поинаков пристап кон теологијата од конвенционалното христијанство.
Отаде доброто и злото - Фридрих Ниче
Порано му ја читав Заратустра и не ми се свиѓаше. Решив да дадам шанса на оваа, not mu cup of tea. Мрзам кога филозофи навлагаат во проблематиките поетично, на мене и мојот карактер, повеќе одговараат аналитички дела кои се напишани во логички структури, без многу лебдење и дрдорење. Како уметничко дело не е лошо, без разлика на тоа што е погоди/промаши, чат пат по некоја добра поента и споредба, чат пат по некој ужасен афоризам. Али питање на вкус е, вреди да се прочита, посебно според мене за луѓе кои се љубители на поезија и изразување со висок стил.
Суштински, поентата на книгата без зборовната мастурбација, според мене, може да се напише у 2 страни.
Аудиокниги кои сум ги слушал периодов:
The Hellbound Heart - Clive Barker
Окултен хорор, ако сте го гледале првиот дел од „Hellraiser“, ова е мање више книгата за тоа, подобро е од филмот и има многу работи кои се испуштени во филмот. Не е лоша, ама не ми беше ни нешто посебно.
The Dresden Files - Jim Butcher
Го почнав серијалов, сега сум стигнат до третата. Сега за сега е супер. Окултен детективски муабет, има хорор елементи, има комични моменти. Карактерот е супер (има и серија, не е лоша, само што е прекината), причите се интересни, со забавни заплети, кулминации, перипетии и расплети. Нараторот е мамата (James Marsters), ептен му одговара гласот за главниот лик, Хари Дрезден.