Како што спомна @
Име И Презиме во пост
#11185, треба да провериш дали рутерот кој ти е` даден на користење има налепница од Микротел, кои ги поправаат неисправните уреди на Македонски Телеком.
Поправените рутери и IPTV рисивери имаат поголеми шанси да бидат неисправни, но тоа не е баш пишано правило. И јас порано кога користев 3 Max Comfort+ пакет од тогашен Ти-Хоум, ми изгоре Speedport W 503V рутерот, го заменија со тазе нов, штотуку отпакуван - јас лично отидов до главната централа во Центар за да го подигнам бидеји имаа премногу пречки и не можеа да испратат слободна екипа кај мене, па сепак се рестартираше на секои 3 или 6 часа, поради што морав повторно да го заменам - вториот пат кога ја пријавив пречката имаа слободна екипа за да го замени рутерот со нов - трет рутер.
Статична IP адреса нема ништо да ти реши во однос на рестартирањето на рутерот, бидејќи само IP адресата ќе ти остане иста после секое наредно рестартирање на рутерот или паѓање на линијата, а проблемот со рестартирањето на рутерот или паѓањето на линијата ќе ти остане нерешен.
Провери дали рутерот има налепница од Микротел, но дури и ако нема, пријави пречка на 122, кажи им дека рутерот се рестартира на секои 12 или не знам колку часа кога ти се појавува проблемот, па нека испратат екипа за да го реши проблемот.
Кај бакарните телекомуникациски приклучоци се појавуваат вакви проблеми со тек на време, но кај оптичките телекомуникациски приклучоци или имаш сигнал или немаш сигнал. Ако имаш сигнал, тогаш сигналот мора да биде стабилен, односно со прифатлива загуба на сигналот која нема да има влијание врз Интернет брзината, а тоа зависи исклучиво од оптичкиот кабел - ако некаде е` свиткан, може да прави проблеми.
Пријави пречка на 122 и побарај од нив да испратат екипа, бидејќи или проблемот е во рутерот или е` во оптичкиот кабел. Има можност проблемот да е` и во опремата во телекомуникациската централа, но за таков проблем повеќе корисници ќе пријават пречка, а не само еден корисник, што говори дека повеќе од сигурно е` дека проблемот не е во опремата во телекомуникациската централа.