Да ја оживеам темата со малку подолг пост.
Уште откога ставив кабловска и интернет од телекабел (еве веќе една година), дигиталните канали ми сецкаат, а на моменти целосно се губат, и ужасно ме нервираат. Уште на почетокот повикав екипа да го средат прооблемот, нешто мереа, менуваа сплитери и на крајот заклучокот беше дека кабелот што ми бил пуштен од разделникот до телевизорот бил слаб(?!) и ако сум сакал да ми пуштат наново појак(?!) кабел по ѕидот, тогаш ќе немало проблеми. Секако дека не се согласив, на пресно реновиран стан да ми висат кабли, ќе фурам на аналогна си викам.
Пред некое време на наградна игра добив уште еден телевизор (среќа јебига
, и ги повикав телекабел да стават разделник за да добијам сигнал во другата соба (каблите се веќе пуштени по ѕидовите). Ставија разделник, пуштија телевизија, пак ги потсетив за дигиталните канали, рекоа дека има многу сметња(?!) од околните станови и згради, дека сигналот бил на граница и дека тешко би се подобрил. Јебига, тоа е, си реков и продолжив да фурам на аналогна.
Дојде светското. Ми се гледа фудбал на HD, а ми сецка. Вториот телевизор конечно го ставив во функција, пуштам МРТ1 HD, ни да сецне ни ништо. Пуштам на телевизорот во дневната, сецка. Го ставам вториот телевизор на кабелот од првиот, и таму сега сецка. Ок, си велам, сигурно е до кабелот, како што ми рекоа уште првиот пат кога ми наместија кабловска. Ќе гледам на другиот телевизор ко така, барем имам еден телевизор со добар дигитален сигнал.
Пред некој ден имав проблеми со интернетот, и секако, прва работа што направив е го исклучив рутерот и модемот од струја. За некоја среќа, имав пуштено дигитална телевизија на телевизорот, и прво нешто што забележав е дека кога го исклучив рутерот и модемот, сецкањето запре. Ги оставив така 15тина минути, почна фудбалот, сликата стакло, сигналот супер. Кога ги уклучив модемот и рутерот, сецкањето почна. Аха! Тука лежи зајакот! Со пуштен модем, а исклучен рутер, сигналот си е ОК. Во моментот кога ќе го пуштам модемот, и кога на него ќе се поврзат wireless devices и почнува проток на интернет, сигналот се губи. Истото се случува и кога директно ќе уклучам компјутер со мрежен кабел на модемот.
Денес им се јавив во телекабел, да дојдат да видат што е работата. Скоро сум сигурен сум дека можат да го засилат сигналот, дали директно од „бандера“ (како што викаат) или со ставање на појаки сплитери, ама сега има душата да му ја извадам дури не ми средат се како што треба.
Гледам тука некои имаат пишано за слични проблеми со сецкање, па нека пробаат да го исклучат интернетот доколку им е на истиот кабел со телевизорот. Ќе следи нов пост после сервисот.