Штом велиш на кратко, епа ај и ја, вака, на кратко.
Роб можеш да бидеш само и единствено на својот сопствен светоглед и на ништо друго!
Затоа внимавај кој ти го слика пејсажот!!
Земја има доволно, ресурси има во изобилие!
Војни има бидејќи си
глуп!!
Ова последново не го пишувам за тебе лично, персе, да не мислиш дека те вреѓам, туку за секој што се чука у гради и е спремен да оди да гине и убива за нечиј туѓ интерес.
А сега малку на подолго.
Зошто мислиш дека ако некој работи од 8-16 всушност го смета за рмбање? Што ако ужива во тоа што го работи? Зарем и тогаш ќе биде рмбање? Еве, замисли нешто што ти сакаш, знаеш и обожаваш да правиш најдобро. И после замисли да го правиш секој ден по неколку саати и некој за тоа те наградува. Ќе го сметаш за рмбање? Нема, се разбира. Ама ако ти дадат ниска награда, па макар го сакал и најмногу на свет, ќе ти се збоктиса, така? Тогаш во што е проблемот, во тоа што ти не сакаш да го работиш тоа што го обожаваш или во тоа што не е наградено соодветно?
Велиш земјата е лимитирана, така?
Си се качил некогаш на врв планина, да видиш до каде можеш да фрлиш поглед? Кажи ми колку земја гледаш? Многу или малку? Епа на тоа што го гледаш, позади и потаке, има уште толку и отпојќе. Ама тебе ти кажале дека, бухухухуууу, земјата е мала, лимитирана, нема, толку е, тканди се затнало, леле мајко што ќе правиме, по дрвја ќе треба да живееме!!
Ако ја земеш цела популација на светов, ги стиснеш сите луѓе како сардини еден до друг, ќе може да ги сместиш во квадрат од 30 х 30 километри. Од Сарај до Драчево има 20км. И што велиш, нема земја за сите, малку е, м?
Во моментов, обработливо земјиште по чоек (од сите тие милијарди што не’ има по бели свет) е распослано на 6 х 6 километри. Шо знам, малку е, стварно, како ли само ќе ги сместам на тој мал простор сите бавчи, градини и кочини, кои ми требаат за да се прехранам?!?
Велиш ресурсите се лимитирани, така?
На кои ресурси мислиш, на сончевата светлина, на водата и воздухот? Леле стварно, немој да пиеш толку вода, дај остај малку и за другите и не туку се издишувај пречесто, ќе го потрошиш воздухот. И дај молим те немој да шеташ кога е дење, бидејќи за да ти го загрее и оздрави телото, му ја трошиш на Сонцето батеријата. Затоа елај ваму, ќе те скријам кај мене во пештерата!
Или можеби мислиш на други ресурси, како на пример семињата за жито, памук, ориз, компир, чушки и френки, кајсии, сливи, грозје и банани. Што знам, можда на тие мислиш?!? Дека знаеш, еднаш кога ќе ги откорнеш, не растат повторно, пази се што ти велам!
Или што знам, мислиш на други ресурси, железо, камен и песок можда? Знаеш дека ги нема многу, така? Знаеш дека планетава е направена од меур од сапуница и кај да е ќе пукне. Нели ти реков немој да дишеш премногу, ќе го исцицаш цел воздух, ќе пукне побрзо од што треба!!
Аааа да бееееее, знам, знам, се сетив сега. Ти уствари мислиш на злато, алуминиум, бакар, такви ствари, така? Тие не можеш да ги рециклираш, да, стварно, еднаш ќе ги употребиш и после у ѓубре одат, така е, знам ја, така праам со лименките од пиво, мама ме научи.
Значи, да заклучиме.
Земјата е мала, ресурсите си снемува, а мене очите ми се, еве нааааааа, толку широко затворени!!
И сега врв ќе биде и уште ако ми кажеш дека сме пренаселени, многу не' има и треба помалку да се котиме.
П.С. Бајаги забегавме, ако решил модераторот да брише, белким ќе ги префри мислењата во други теми.
