Вие работите ги гледате само од аспект на едната страна, кога ќе почнете и од другата страна да гледате, многу појасни ќе ви станат некои работи
Како прво, математиката не е нешто што може да се научи од денес за утре.
Математиката е нешто што се учи контиунирано, ако не ги знаеш основните работи, нема да ги знаеш ниту покомплексните.
Некој ќе научи изводи, во задачата со изводи ќе треба да реши најосновна равенка со една непозната, и не знае. Џабе научил изводи, кога не знае да ја дореши задачата, затоа што 10 години претходно ништо не учел.
Математика не се учи со гледање, не се учи со читање, математика се учи со РЕШАВАЊЕ ЗАДАЧИ, со вежбање.
Кога ќе земеш цела збирка да ја решиш, континуирано кога ќе вежбаш и ќе пишуваш домашни работи, тогаш ќе можеш да кажеш дека си учел математика. Ти можеш 5000 приватни часови да земеш, ако дома не седнеш да вежбаш, се е напразно.
Професорот во математика може само да ти ја покаже постапката, не може да ги реши сите можни видови на задачи, туку се решава тоа што е поеднастовно, се навлегува во суштината на потешкото, се вежбаат и потешки задачи, ама затоа за домашна се даваат некои трик задачи и задачи кои одат од помала кон поголема тежина.
Домашната задача во математиката е нешто клучно, затоа што ова не е лекција по историја, па да предадеш лекција со наборјување на најразни историски факти, или лекција биологија во која треба да научиш кој орган каде се наоѓа, туку овде треба да ја сфатиш суштината на задачата, и врз основа на тоа да знаеш да решаваш секаков вид на задача, затоа што ни 10 часа неделно не би биле доволно да се опфати целиот материјал.
СУштината е да имаш слика во главата што е дадено во задачата, што се бара, и кои формули би ти помогнале да дојдеш до тоа што се бара.
Колку од учениците и студентите пишуваат домашна? Таа домашна не се дава ради реда, домашната не е за професорот, домашната е да ги натера учениците и студентите да отворат книга и да вежбаат. Кога некој ќе седне и после секој час ќе проба да ја решава домашната, ќе наиде на потешки задачи и ќе знае прецизно да постави прашање што не му е јасно.
Има задачи кои се решаваат со финти, доколку не си седнал да вежбаш нема никогаш да дознаеш што е тоа што се учело претходно во математиката, а треба да го примениш во задачата, иако директно не си го сретнал ниту во една од лекциите од моменталниот материјал.
Учениците често прашуваат, епа од каде да знаеме со што треба да се реши?
Ќе знаете, ако сте седнале да ја решавате домашната, ако сте виделе како се решава истата, и доколку сеуште не ви е јасно, сте се обратиле кај професорот. Нема професор што не сака да помогне, ама професорот не може да гледа на гравчиња што не им е јасно на учениците, туку самите треба да си постават прашања.
Ако пропуштиш дел од материјалот, макар и во едно одделение, толку е од твојата математичарска иднина
Тие што ги гледале финтите во задачите од основно, ќе знаат што работи ќе се искористат и во средно и на факултет.
Додуша, како се симнати критериумите во средно образование, ваквите трик задачи се веќе само мисловна именка, и најчесто професорите ги даваат истите задачи од учебник и одново 90% од учениците добиваат единици.
Највиновни се нивните родители кои не ги стимулираат да учат математика. Математиката бара да го загрееш столчето, исто како што кошарката или фудбалот бара да имаш секојдневни тренинзи за да ја одржиш формата. Разликата е што спортот те истоштува физички, математиката психички
Има и придобивки од тоа, ќе имаш многу поголема логика од другите, подобро памтење, поголем капацитет да напредуваш во научните области, а богами ќе можеш математиката да ја примениш во многу други области како економијата, програмирањето, финансиите итн.
Секој родител сака детето да оди по помала линија на отпор, па ако запне со математика, ќе му рече сине глеј другите оценки да ти бидат подобри, ова ќе го средиме. Сите мои познаници кои продолжија да работат во средни школи ги сменија своите броеви, затоа што одеднаш почнаа да се јавуваат стари роднини, трети братучеди, екс комшии, само за да се ургира за оцени по математика. Уште не почнала учебната година, а некои од учениците веќе имаат заклучено оценка за крај на годината. Може вас ви изгледа чудно, ама никој не помислил како е да работиш со ученици КОИ НЕМААТ НИКАКВА ЖЕЛБА ДА ГО УЧАТ ПРЕДМЕТОТ?
Значи ужасно е ситуацијата, дури ужасна може да се земе како комплимент за посветеноста кон математиката. Доаѓаш да предаваш, си спремил програма, домашни, пробуваш посликовито да ги објасниш работите, на крај никој не погледнал што има за домашно, до пред тест никој не отворил книга, па кога им се собрале повеќе работи професорот е виновен. Тие што идат на приватни часови сакаат само шаблонски да научат, и ако е возможно да можеш ти да им го решиш тестот, па они ќе ти платат. Дури и најдобрите ученици во моментов гледаат само да научат тоа што е за тест, никој веќе не се припрема за натпревари по математика, па да има секции вон часовите, затоа резултатите на матемтичко ниво ни се катастрофа.
Покрај се ова кое го набројав, вина има и кај професорите, и добар дел од нив воопшто не се посфетени, и во ваквите случаеви ги жалам нивните ученици. Но, од лично искуство, би рекол дека и да имале добри професори, учениците пак би наоѓале оправданија зошто да не учат математика.
Абе кое ти е тоа оправдание кај ќе ми треба математика во животот?
Па мене кај ќе ми треба Македонски во животов? Демек ако не учам Македеноски, нема да знам да зборам и да пишувам? Кај ќе ми треба во животов каква рима имало во стиховите од Гарванот? Кој бил мотивот во Тартиф? Ќе ми затреба ли тоа во животот?
Каде ќе ми требаат податоците во географија? Ќе ме праша некој каде има махагоново дрво или каучук? Ќе ме праша некој каква е климата во Индонезија и колку овци има во Австралија?
Каде ќе ми треба билогија? Ќе ме праша некој како се размножуваат пчелите?
Буквално за секој предмет можеш да најдеш оправдување, ама проблемот е што овие предмети можеш о да ги препишеш, можеш и да ги набубаш, ама во математиката ако немаш разбирање, ако не размислуваш со своја глава, се ти е напразно
Допрва доаѓа полоша програма, наложено од министерството. Се преведуваат книги од Кембриџ, а поради сосема различната терминологија која ја користиме ние и Англичаните, ќе настане огромен хаос. Нешто што професорите го предавале на еден начин, сега ќе се продава на друг начин. Дали ги прашал некој професорите дали се согласуваат со тие промени? НЕ...
Дали министерството некогаш одвојува средства за да ги прати наставниците и професорите на некоја конференција, на некој семинар, да разменат искуство со професори од други држави? НЕ.
Кој има пари, тој оди...
Дали знаете дека ИМ ЗАБРАНИЈА на професорите да препорачуваат работни тетратки. Им забранија да се продаваат математички списанија по училиштата?
Математиката се учи со повеќе часови, а голем проблем е што низ годините бројот на неделни часови по математика е намален од 5 на 3. Ете нека се побунат учениците да има повеќе часови на неделно ниво, за поубаво да им биде објаснет матаеријалот, ако толку ништо не им е јасно?!
Тоа се 8 часови помалку во еден месец, за плус 8 часа ќе може и повеќе вежби да се одржат, и да не се трча низ материјалот само за да се заврши во даден рок.
Друга работа, студентите имаат многу погрешно размислување и треба да бидат среќни што некои асистенти пред се, се нафаќаат да им објаснуваат.
Од студент кој се запишал на ПМФ, на ФИНКИ, на ЕЛЕКТРО, на АРХИТЕКТУРА, на МАШИНСКИ, се очекува да ги знае основите на матемтиката.
Не можеш ти да запишеш математика во која имаш решавање на тројни интеграли, а да не знаеш да го изразиш х од равенката х+2=0.
Во тој случај ти си го промашил факултетот и никој друг освен тебе не е виновен за тоа.