Вака сега, ќе дадам мое мислење на темава како спортист. Ќе почнам прво од страната на спортистите и неправилностите. Ние сме земја со големи спортски талент, имаме извонредни деца, но за жал тие таленти пропаѓаат поради неколку причини. Можеби најважната од нив е несериозноста кога се тренира и фактот што треба да се запне добро и да се даде максимумот за да се постигне напредок, но за жал, доволно е само една вечер да се прошетаме низ улиците и парковите во кој било град во Македонија. Деца кои уште мирисаат на млеко се шетаат со шишињата алкохол во рака и цигарата во уста, мислејќи дека се кул и дека ќе бидат ѕвезде гранда ако бидат видени како прават осмици и дека испушиле цела кутија цигари. Меѓу овие деца се` почесто има спортисти. Ете тука се гледа несериозноста. Си се фатил да тренираш некој спорт, си избрал да бидеш спортист, а тоа бара откажување од многу работи. А на сите ни е јасно што прават алкохолот и цигарите на организамот. Во странство се до 23:00 во кревет, кај нас тогаш се оди на лумпување до утринските часови. И потоа нема да може да се стане на време за утрешниот тренинг, од замор нема да може да се истренира ништо или па тренингот ќе се пропушти. И потоа ќе се чудиме како не` средиле странските екипи.
Друг проблем во македонскиот спорт е неорганизираноста и неспремноста. Се подготвуваме да одиме на светско првенство, а ни на денот пред да тргнеме од федерацијата не ни имаа дадено ни репрезентативна опрема(тренерки, маици, капи). И како се појавивме на првенството? Сите во распар тренерки, многу нормално. Па и распишуваат тендер секоја година за нови репрезентативни тренерки и секоја година поинакви, ама барем да беа убави. Среќа на ватерполистиве им направија добри купаќи и бањарки(тие со лавот) па достојно влегоа во базенот.
Трето, работата на објектите. Олимписки(големиот базен) работи од април до август месец, а потоа се стискаме во малиот базен, во кој се тренира колку само да не се изгуби кондицијата. Ама баш никако не може да се напредне во 25-метарски базен, длабок од 40-120 цм:nesvest: напикан со уште 10 пливачи во патека. Се` уште не си ни тргнал, а првиот што тргнал веќе испливал 50 метри и се вратил.
Туку, ова е интересно. Олимписки за тоа време што работи, поготово во јуни, јули и август на нас пливачите и на пливачките клубови ни поставува смешни и невидени услови. Години наназад, затоа што сме на распуст и поради горештините, имавме задолжителен тренинг наутро, од 8 часот, а потоа попладне имавме тренинг кој не беше задолжителен ама ако сакаш да бидеш прв ќе мораш да го посетиш. Од пред две години, газдите на Олимписки направија да имаме тренинг од 16:30 часот попладне, значи во најголемиот пекол да одиме на тренинг, збутани во една патека, базенот поделен на два дела - еден за рекреативци а друг за пливачи и да пазиме да не удриме некој од рекреативците со лопатките со кои пливаме, кој за да испадне фраер пред друштвото ни влегол во патека и сака да се трка со нас. А ако сакаме да одиме на тренинг и од сабајле, да плаќаме по 50 денари дневно, иако плаќаме по 1300 денари членарина месечно, а клубот плаќа месечно 30,000 денари за 1 патека, значи за 2 патеки, мојот клуб плаќа 60,000 денари + 2 патеки во малиот базен од по 10,000 = 80,000 денари. :lud:. И да, да немаме тренинг во недела затоа што имало многу рекреативци. Рекреативци пред репрезентативци? Само кај нас го има тоа.
Како што напоменав, во оваа држава и покрај тие пијаниците што се горенаведени, има деца кои навистина се оддаваат на спортот и се стремат кон големи успеси и натпреварувања, но покрај вакви услови и ваков однос кон нив, се одлучуваат да заминат во други земји и неретко стануваат нивни репрезентативци. Само Господ знае колку такви талентирани репрезентативци имаме изгубено. И се поради тоа што нема некој нормален на власт за да му текне да го сето тоа убаво организира и финансира. На сите им текнува пред избори на тешкотиите на граѓаните, потоа од ветувачите ниту трага - ниту глас.
Има деца кои тренираат сериозно, има и тренери кои сериозно си ја сфаќаат работата, но сето тоа е попусто кога нема кој да застане позади тебе а наместо тоа си тера негови политики.