Турнеја на најуспешни снукер играчи 2024
од 3 април 2024 до 7 април 2024
во англискиот Центар за изложби и настани во Манчестер
7 април 2024
Петти ден - Финале:
Рони О'Саливен 5:10 Марк Вилијамс;
На 49 годишна возраст Велшанецот Марк Вилијамс ја освои 26-та рангирачка титула во својата професионална снукер кариера, откако во финалето на Турнејата на најуспешни снукер играчи 2024 извојува победа над 48 годишниот Англичанец Рони О'Саливен со резултат 10:5 .
Нареден и последен професионален турнир во снукер од сезоната 2023/2024 е Светскиот Шампионат во Снукер 2024, рангирачки турнир во снукер, кој ќе се одржи од 20 април 2024 до 6 мај 2024 во англискиот театар Крусибл во Шефилд.
Пренос има некаде...на Еуроспорт пред ден-два го репризираа минатото финале,немаше директен пренос
За жал на ЕуроСпорт емитуваат глупости во одредени термини, дури и репризи од други спортски настани додека се одржува спортски настан за кој ги имаат откупено телевизиските права за директен пренос.
Порано на британскиот ЕуроСпорт емитуваа директен пренос од сите снукер мечови за кои имаа откупено телевизиски права за емитување, па дури и интервјуа со играчите пред или после мечовите. Британскиот ЕуроСпорт беше укинат во 2015 година, но Британците не останаа покуси бидејќи Discovery мрежата, односно сега по ново Warner Bros. Discovery мрежата, и понатаму емитува директни преноси од спортски настани и натпревари преку нивните TNT Sports спортски канали во Велика Британија, на кои не емитуваат глупости додека се одржува спортски настан или натпревар за кој ги имаат откупено телевизиските права за директен пренос.
За последниов професионален турнир во снукер Турнеја на најуспешни снукер играчи 2024 телевизиските права за директен пренос ги имаше откупено ITV во Велика Британија.
За жал ќе мора посебно за секој турнир да се бара која телевизиска компанија/групација ги има откупено телевизиските права за директен пренос и дали и како е изводливо да се следи нивниот директен пренос преку Интернет. Ни ЕуроСпорт, ни Арена Спорт, ни Спорт Клуб, ни никој не ни помага кога станува збор за снукер турнири, ако им текне ќе емитуваат директен телевизиски пренос, ако не им текне ќе емитуваат глупости и репризи, а гледачите ќе мораат да се снаоѓаат - оваа снаодливост повеќе е начин на живот тука на Балканов отколку некакво решение за некаква ситуација.