- Член од
- 24 април 2008
- Мислења
- 10.500
- Поени од реакции
- 11.565
Не е иста споредбата, Германија ги има над 80 милиони народ, Македонија едвај 2 милиони народ.Во Германија задолжителна вакцинација и локдаун за невакцинирани.
Кај нас се жалат бе.
Германија ја движат парите и капиталот, Македонија си стои во место и само ја протресуваат партиските криминални структури одвреме навреме за да глуми некакво движење, слично како на инвалид да му ја протресуваш инвалидската количка и да кажеш дека бил во движење.
Во Германија работодавачите се луѓе кои вообичаено вработуваат и плаќаат квалификувани кадри кои си ја знаат работата и ја вршат истата како што треба, додека во Македонија најголем работодавач е државата која вообичаено вработува и плаќа партиски книшки според принципот клати врата - земај плата, без разлика колку неписмен и неспособен е вработениот партиски кадар. РЕК Битола и претстојната енергетска криза се најтазе пример за ова, Бог знае уште колку лежачи ќе бидат откриени на платните списоци низ општините и државните и јавните институции и установи.
За почеток законите во Македонија не важат за рамковнистичките коалициски партнери на плавите жолтици и за нивните гласачи, дури и кога имаше полициски час за нив важеа други правила и закони. Па дури и полицијата не си го пика носот во одредени населени места низ државата во кои важат други правила и закони.
Јас лично познавам барем еден господин кој не е рамковнист, но најдобри другари му се рамковнистите и си организираше игранки со нив на отворено и на затворено за време на полициски час, а бидејќи има лекарска потврда дека не смее да се вакцинира поради здравствени проблеми кои ги има цел живот - а навистина ги има - ете ти барем еден пример за човек кој нема да се вакцинира, а ќе продолжи да се дружи и со здрави и со болни, и со вакцинирани и со невакцинирани.
Понатаму, ако испадне вистина ова за новата јужноафриканска/холанѓанска варијанта дека најверојатно мутирала во организмот на човек со ХИВ, тогаш дури и кај 100% избоцкано население ќе има имунокомпромитирани организми во кои вирусот може слободно да продолжи да мутира и со тек на време ќе стекне отпор кон вакцините.
Во развиените и богатите држави од типот на Германија во кои најчестите проблеми со кои обичниот смртник се соочува секојдневно се каде вечерва и со кого, вообичаено задолжителното боцкање поминува лесно бидејќи им велат дека тоа е единствениот услов за да се врати општеството во нормала.
Во ебиветрите од типот на Македонија во кои најчестите проблеми со кои обичниот смртник се соочува секојдневно е како ќе ги истера утрешниот ден, тековната недела и тековниот месец со мизерија наречена плата, задолжителното боцкање нема да смени нешто многу, бидејќи во пракса не гарантира апсолутно никакво подобрување во секојдневниот живот.
Поголема е веројатноста обичниот македонски смртник да се избоцка со 1.000 дози вакцини ако треба, доколку тоа му гарантира работа во странство, отколку враќање во мизеријата во Македонија.