Скопски кафулиња: Летни тераси или барикади?

[Serpico]

Како константен проблем минативе години се јавува поставувањето на летните тераси на скопските кафулиња во строгиот центар на градот, поточно на кејот "13-ти Ноември" и на ул. "Македонија".

Сме биле сведоци на дислокации, скратување или уривање на истите но ситуацијата од година во година не се подобрува. Газдите на локалите кои покрај менаџерско-угостителската работа во слободно време очигледно се занимаваат со квази-урбанистичко решавање на просторот пред нивните локали со непланското лоцирање т.е. нафрлање на маси и столови по целата должина на споменатите шеталишта го скратуваат просторот кој граѓаните би требало да го користат за друга намена.

Кулминација е новосоздадениот "Термопилски теснец" можеби инспириран од последниот холивудски блокбастер "300". Станува збор за делот на улица Македонија пред кафичите "Плеј" и "Тајм" каде корисната површина која може да ја користи regular Joe кој решил да помине одтука во својство на пешак му е смалена од 21 метар (колку што е фронтот т.е. ширината на ул. Македонија) на некои (отприлика) 3-4 метри.

Дали конечно градот, поточно општина Центар ќе стори нешто околу овој проблем или ќе треба да покажеме спартанска способност при минувањето низ овој теснец?

Еве што пишуваат дневните весници за проблемот:

[FONT=Arial, Helvetica, sans-serif]ПРЕТСЕДАВАЧОТ НА СОВЕТОТ НА ОПШТИНА ЦЕНТАР КАКО ПАДНАТ ОД МАРС[/FONT]
[FONT=Arial, Helvetica, sans-serif]Здравев бара проекти за летни тераси, а проекти веќе има[/FONT]
[FONT=Arial, Helvetica, sans-serif]Општината лани изработи елаборати за Кеј 13 Ноември и за улица Македонија во кои точно е утврдено каде може да има маси и столови, а во правилникот на Градот е утврдено од какви материјали може да биде урбаната опрема.

[/FONT][FONT=Arial, Helvetica, sans-serif] Претседавачот на Советот на Општина Центар Владимир Здравев на последната седница во рамки на советничките прашања побара од општинската администрација да изготви проекти со кои точно ќе се знае каде и како кафеанџиите ќе може да ставаат летни тераси. Тој ова свое барање го образложи со фактот што кафеанџиите од Кеј 13 Ноември и на улица Македонија ставаат маси и столици како ќе им текне и буквално ги узурпираат шеталиштата.
"Овој проблем веќе ни се провлекува толку долго време, а весниците постојано пишуваат де имало вакви тенди, де имало столици, па дури и на насловна не ставаат. Имам едноставно решение, а тоа е Општината да одлучи како на најдобар начин ќе ги рента овие јавни површини. Да се зголеми цената за ваквите атрактивни локации, кои треба да се искористат, бидејќи секаде во светот има летни тераси на плоштадите и шеталиштата. Сум бил во Италија, и таму среде плоштад има кафулиња, така е и во Грција. Но, треба да има ред и затоа предлагам Општината да направи проекти со кои точно ќе се знае колку маси и столици може да се стават, какви тенди и сите да бидат унифицирани", рече Здравев.
Оваа негова идеја ја поддржаа и советниците, но при тоа никој не најде за потребно да го информира дека администрацијата на Општина Центар лани изготви елаборати во кои точно е утврдено на колкава површина од кејот и на улица Македонија може да се стават маси и столови. Ниту градоначалничката на Центар Виолета Аларова, ниту некој од стручните служби не најде за потребно да појасни дека согласно правилникот за користење јавни површини што лани го донесе Градот, точно е утврдено дека кафулињата можат да постават маси, столови и тенди од пластика или од природни материјали. Тендите треба да излегуваат од локалот, а не да се прават нови конструкции во плочникот, како што тоа е случај на кејот, каде се монтираат челични тенди, прицврстени за плочките од шеталиштето.[/FONT]

[FONT=Arial, Helvetica, sans-serif]

Извор: ВЕСТ.
[/FONT]

 

[outcast]

Кулминација е новосоздадениот "Термопилски теснец" можеби инспириран од последниот холивудски блокбастер "300". Станува збор за делот на улица Македонија пред кафичите "Плеј" и "Тајм" каде корисната површина која може да ја користи regular Joe кој решил да помине одтука во својство на пешак му е смалена од 21 метар (колку што е фронтот т.е. ширината на ул. Македонија) на некои (отприлика) 3-4 метри.

Добредојде во Битола :helou:

 

[Тањушка]

И? И? Очигледно некому му одговара. Инаку, многу е лесно да се среди секое безредие, нели? А ние тука можеме слободно да кинеме нерви и да млатиме празна слама.

 

[Chejo]

Ја живеам на улица македонија и више не можам да пројдам на улицата. Оставиле кафичите пола метар простор и толку. Ама џабе ни полиција ни ништо нема да ги тргне од улицата, така да ќе морам да се помирам со тоа.

 

[Точкест]

Се е поврзано со една работа МИТО . Така да може ние тука да си збориме вака ќе е онака ќе е ама кога ќе заиграат парите тогаш е друга песна И БОГОВИТЕ МОЛЧАТ. Башка да збориме реално, доколку и вие би имале кафич на една од тие улици нели СЕ би направиле за да имате повеќе луѓе у кафичот? Абе за пари се ќе направи човекот, нели човечкото око е незаситно

 

[Bacillus gagous]

Прво и основно настрана од естетскиот елемент со местењето на цврсти тенди и дуру нивно затворање со фолии директно се нарушува непречениот и брзиот пристап на противпожарно возило, што може да значи разлика помеѓу живот и смрт за некого, и ова не важи само за локолите на ул. Македониј или кеј 13 Ноември туку и за многу други места во Скопје меѓу кои најпогодена е лептокарија.
Освен тоа самата глетка на распосланите маси и столчиња делува целиот кеј како да е театар каде сите седат, што воопшто не соодветствува со неговата вистинска намена а тоа е шеталиште.
Според мене на локалите треба да им се дозволи да извадат маси и столици до два метри или два реда пред локалот со максимум чадори кои во итен случај можат за 2 минути да се дислоцираат се друго не признавам.

 

[Мистичен]

Да им дозволат, ќе го избетонираат и коритото на Вардар и ќе ги продолжат масите до таму.

 

[Точкест]

Да им дозволат, ќе го избетонираат и коритото на Вардар и ќе ги продолжат масите до таму.

Еј па интересно би било тоа онака седат на тоа масите и им жуборка вода одоздола и пред вецето гужва

 

[kpbKENGUR]

Еј па интересно би било тоа онака седат на тоа масите и им жуборка вода одоздола и пред вецето гужва

уште подот од некој наицврст плексиглас, за да се гледа вардар доле дур пиеш кафе... филм еј!
него мене, најискрено и не ми смета. поубав ми е кејот вака. фулка, луѓе, ведро, СУПЕР! а за поминување имаат доволно место сите! остајте ги пензионерите шо зборат! има по 2 метра од две страни на кеј. тоа е сосема доволно.

 

[Јузерка]

Iskreno... koa bi birala dali sakam gradov da bide poln so setalista i prostor za pesaci ili da gi imame kejot i ulica makedonija za da ispijam edno kafe na sonce bi se resila za vtoroto.. mi se sviga semata sto se fura letno vreme.. i bi mi falelo ako gi nema!

 

[Мистичен]

Iskreno... koa bi birala dali sakam gradov da bide poln so setalista i prostor za pesaci ili da gi imame kejot i ulica makedonija za da ispijam edno kafe na sonce bi se resila za vtoroto.. mi se sviga semata sto se fura letno vreme.. i bi mi falelo ako gi nema!

Никој не вика да ги нема, едноставно дека претеруваат со узурпација, и тоа на простор кој не е нивна сопственост, ниту пак им е легално регулирано неговото користење. Незнам како ја разбираш проблематиката и тоа што го дискутираме овде, но малку просто звучи изјавата дека би избрала кафичи наместо шеталишта пошто ти се свиѓа шемата. Има место и за кафичи и за шеталишта доколку се почитува тоа што е предвидено според планот.

Инаку, вчера имаше акција на улица Македонија, им конфискуваа инвентар (столици, маси, чадори, жардињери) кој се наоѓаше надвор од местото околу кафулето кое им е дозволено да го користат. Сега, пред сите кафичи има жолти точки на земја шкртнати со спреј и кои означуваат до каде им е дозволено да постават инвентар.

 

[ABC]

Iskreno... koa bi birala dali sakam gradov da bide poln so setalista i prostor za pesaci ili da gi imame kejot i ulica makedonija za da ispijam edno kafe na sonce bi se resila za vtoroto.. mi se sviga semata sto se fura letno vreme.. i bi mi falelo ako gi nema!

Vnimavaj da ne se izgorish zatoa shto pri sekoe vremeno ili postojano urbanisticko ureduvanje na sekoj urbaniziran prostor treba da se vodi smetka za HTZ odnosno higieno tehnickata zashtita,za da moze i bukvalno nepreceno da pomine voziloto za protivpozarna zashtita na primer,ili smetash deka tvoeto kafe e povazno od zivotot na nekoe dete vo bliskata zgrada na koe zivotot mu zavisi od brzinata na pozarnikarite ili brzata pomosh koj pak uslovno ne bi stignale navreme samo zatoa shto nekoj sakal da si go ispie kafeto na taka edno ubavo "ambientalno" mestence.

 

[Serpico]

[FONT=Arial, Helvetica, sans-serif]Шетајќи низ центарот на градот, ми се чини дека забележав некаква промена на фамозните летни тераси на кејот на Вардар и на ул. Македонија. Ако не се лажам, еден или два реда маси беа тргнати, веројатно после некоја интервенција на локалните инспекции. Супер.

Еве еден позитивен пример од соседството. Посебно е интересен бидејќи доаѓа од земја во чие друштво Македонија претендира да стане дел од големото европско семејство (....излитена фора, мора да признаам), во кое луѓето своите кејови ги користат за шетање. [/FONT][FONT=Arial, Helvetica, sans-serif]
Кучињата лаат, карванот си врви. До кога, ќе видиме. [/FONT][FONT=Arial, Helvetica, sans-serif]


Сплитската рива наспроти шеталиштето покрај Вардар [/FONT]

[FONT=Arial, Helvetica, sans-serif] Една недела по отворањето на реновираното шеталиште во Сплит покрај Јадранското Море, познатата сплитска рива, сплитските градски власти се соочија со проблемот што скопските власти го имаат со кафеанџиите на кеј 13 Ноември и на улица Македонија. Но тие место со години да ги толерираат узурпаторите на јавна површина, како што е кај нас, го решија проблемот со само една акција за собирање маси и столови, во соработка со полицијата.

Сплитските власти донесоа одлука масите и столовите кои кафеанџиите би ги изнеле на шеталиштето да бидат унифицирани, односно да имаат ист дизајн. Тие дури им укажаа на кафеанџиите од која фирма треба да ги купат. Освен тоа, строго го ограничија и бројот на маси и столови кои може да ги изнесе едно кафуле. Така, на пример, кафулето "Венеранда" пред реконструирањето на шеталиштето имало 136 маси, а сега дозволено му е да има само 36. Се додека сопствениците на кафулињата не ја купат предвидена опрема, не можат да ги постават летните тераси.

Но овие правила во Сплит не стојат само на хартија. Во понеделникот, откако градските власти утврдиле дека во три кафулиња се изнесени маси и столови кои не се унифицирани и ги има повеќе отколку што е дозволено, ги предупредиле сопствениците кои биле принудени веднаш да ги соберат.
Кај нас, пак, Градот го изгради шеталиштето на кеј 13 Ноември со пари кои се одвојуваа од џебот на сите жители на Скопје, но не постави правила за да можат сите да го користат туку им го отстапи на кафеанџиите. Истото се случи и со реконструкцијата на улица Македонија. И Кејот и улица Македонија место шеталишта, станаа кафеани, а инспекциите не го применуваат и оној правилник што го имаме за користење јавна површина, кој не е ни приближно строг како сплитскиот. Тој веќе четврта година постои само како пишан документ.


Извор: ВЕСТ.
[/FONT]

 

[Bada Bing!]

На кеј па има место а и не боде толку очи оти е отворено. Ама на Македонија, го усраа. Таа улица начисто ја забарикадираа. Од сите страни сардисан си кога идеш. Да не зборам дека не се онакви мали масички, туку ебани фотељи од метар и пол со огромни сунцобрани ко да чуваат од нуклеарна радијација или нешто...

 

[Serpico]

ОТКАКО КАФЕАНЏИИТЕ ГО ПРЕЗЕНТИРАЛЕ ПРОЕКТОТ ВО ГРАДОТ
Застаклениот кеј ќе го видат и општинарите во Центар

Проектот за изгледот на кејот „13 Ноември” деновиве ќе им го презентираме на општинарите во Центар, најави вчера Благоја Ѓеорѓиевски Буштур, претседателот на здружението на угостители-сопственици на локали на кејот „13 Ноември”. Тој додаде дека со тоа тие ќе им објаснат на општинарите дека при реализацијата на овој проект нема да се направат никакви цврсти градби.
Според проектот што кафеанџиите, заедно со проектантската куќа „Инкома”, го презентираа пред околу два месеца, делот пред локалите треба да се загради со монтажно стакло.

Угостителите пред извесно време ги обвинуваа градските власти и општинарите дека донесуваат одлуки за летните тераси среде сезона.
- На градските претставници им се допадна како е осмислен целиот изглед на кејот. Тие и општинарите во Центар треба да знаат дека, ако сакаат да организираат каква било манифестација или настан на кејот, тоа што ќе биде монтирано може да се отстрани во рок од половина час. Стаклото е предвидено да се движи на шини, исто како што се прави во сите големи европски градови - објасни Буштур.
Според проектот, само во летните периоди, во средишниот дел на кејот треба да се поставуваат маси и столчиња. Цената на каленото стакло чини 60 евра за квадратен метар. Стаклото, според „Инкома”, е монтажно и е 20 пати поцврсто од обичното.

Пред околу два месеца кафеанџиите бараа од градските власти да им дозволат да поставуваат урбана опрема и во средишниот дел на кејот. Тие тогаш објаснуваа дека во овој дел има 12 објекти, во кои има околу 400 вработени лица. Според тоа, ако општинарите не им дозволеле да го користат и средниот дел, ќе биле принудени многу од вработените да отпуштат. Угостителите тогаш се жалеа дека не можат да стигнат до дозволите за користење јавни површини зашто градските власти не ја усвоиле одлуката.

Општинарите во Центар досега спроведуваа многу акции за расчистување на бесправно поставените маси и столчиња на кејот и на улицата Македонија.Советниците во Центар на една од седниците ги оценија ваквите акции како неуспешни. Тие ја обвинуваа градоначалничката Аларова дека не се грижела за општинскиот буџет зашто на состаноците со општинските претставници единствено таа се согласила општината Центар да го дели профитот од летните тераси.

Нацрт-одлуката што се уште не ја изгласале градските власти предвидува летните тераси да се поставуваат без платформи. Во неа исто така ќе се наведат и сите делови од градот за кои треба да се подготвуваат проекти за користење јавни површини. Такви проекти ќе треба да се изработуваат на плоштадот „Македонија”, на улицата Македонија, на кејот „13 Ноември”, Старата чаршија, Градскиот парк, езерото Треска и други локации. Оттаму велат дека одлуката ќе ја усвоеле на некоја од наредните седници на советот.

извор: Време

---------
И сред сезона, циркузот продолжува. Какви стакла ќе ставаат едвај чекам да видам... А дека на газдите на кафичите ги заболе за 400-те вработени кои ќе мораа да ги отпуштат доколку на средишниот дел од кејот не се дозволеше поставување на урбана опрема, не се сомневам

Ај белким има некој со два грама мозок и доволно заработени пари до сега меѓу оние кои ќе одлучуваат што ќе се случува понатаму со главната дестинација на жителите на главниот град во овој период. Хеј хеј хеј.... ќе имаме застаклен кеј!