Година дена по смртта на 9 годишната Тамара Димовска, родителите на децата кои боледуваат од сколиоза и понатаму се оставени на милост и немилост на околностите, а единствен спас за своите деца наоѓаат во приватните донации.
Очигледно самопрогласениот менаџер кој ја загрева министерската фотеља во министерството за здравство, сеуште е презафатен со штедење пари, додека болните умираат поради недостиг на терапија, лекови, или уште полошо, поради неточна дијагноза.
http://www.24vesti.com.mk/dva-novi-sluchai-kako-malata-tamara
Два нови случаи како малата Тамара
09.02.2016 | 16:44
Ханета Салиу има 11 години и боледува од сколиоза. Ја има истата дијагноза како и малата Тамара која пред една година почина чекајќи ја помошта од институциите. За животот на Ханета смртно е исплашен нејзиниот татко. Тој стравува дека ажурноста на институциите ќе потфрлат и нема да ги добие средствата за третата операција на своето чедо. Од Фондот не неколкупати бил одбиен со образложение дека станувало збор за вродена мана.
Ханета на операција во Анкара треба да замине за две недели и дотогаш во својот дом во скопско Нерези секојдневно прави третмани како подготовка за операцијата. Според турските лекари девојчето мора да го направи хирушкиот зафат годинава бидејќи постои ризик засекогаш да остане неподвижна. Во Турција Ханета досега имала две операции. Едната на колкот, а другата на оштетен нерв, сега турските лекари треба да ги оперираат ‘рбетните пршлени.
Со истиот проблем - искривување на ‘рбетот се соочува и малата Ивана Прочкова од Богданци. Операцијата на 9-годишната Ивана чини 50 000 евра и треба да се направи во Неустад Германија. Семејството на малата Ивана бидејќи не е во состојба само да ги собере потребните средства отвори број за донации.
Од Фондот за здравство одговорија дека и за двата случаи нема добиено конзилијарно мислење и затоа се закажани прегледи во петок на Универзитетската клиника на ортопедија каде лекарите ќе го дадат својот наод и стручно мислење. И во двата случаи од Фондот соопштуват дека родителите немаат поднесено барање за лекување во странство и доколку ги поднесат потребните документи Фондот максимално брзо ќе одговори доколку лекувањата се конзилијарно потврдени со соодветните клиники и во согласнот со законските прописи.
Христина Новевска