Овој мал бисер на Егејот кој припаѓа на групата острови наречени Северни Споради ќе ве остави без здив и апсолутно ќе ве освои. Со своите многубројни плажи,густите борови шуми, рестораните,ноќниот живот кој навистина вреди да се искуси, манастирите,улиците исполнети со бутици,таверни,златари,сувенири,топлиот однос на туристите ќе овозможи да уживате во вашиот одмор.
Островот е сместен во Егејското море на северозапад и се протега со должина од 12 и ширина од 6 километри. Тоа го прави поволен и атрактивен за обиколка.
Кога ја одбирате вашата летна дестинација сигурно ќе се запрашате што би ви се допаднало таму. Остров за сите генерации, од забава за младата популација па се до мирни и тивки места за релаксирање со вашите најблиски и места за истражување на тамошната култура и традиција.
Посетата на неколкуте манастири и цркви би ви било убаво искуство.
Музеј-куќата „Пападиамантис“ се наоѓа непосредно до пристаништето во градот Скијатос. Мебелот и сите детали во куќата се зачувани онакви какви што биле при крајот на животот на славниот грчки писател Александрос Пападиамантис, којшто е роден на островот и најголем дел од својот творечки живот го минал токму во оваа куќа.
Замокот Кастро е голема карпа во морето, полуостров на којшто некогаш се наоаѓал средновековниот град Скијатос. Оттаму имaте панорамски поgлед на сегашниот град, а дотаму се стигнува за еден час со автомобил или со бродски превоз.
Старото пристаниште се наоѓа помеѓу Бурци и Акрополис и тоа служело како пристаниште уште од антички времиња. Денес, таму се закотвени малите рибарски чамци, туристичките бротчиња и неколку јахти. Но, пристаништето е преполно со таверни, ресторани и барови. Вечерните прошетки по старото пристаниште знаат да бидат навистина романтични и незаборавни.
Секако, доколку сакате да дојдете во контакт со парче од историјата и духовноста на овој дел од светот, не смеете да ги заобиколите манастирите и црквите на островот. Најпознати манастири се:
Панагиа Иконистра и
Евагелисмос Теотоку; а најпознати црвки:
Агиа Анастасиа,
Агиа Николаос и
црквата на Исус.
Јужниот брег на Скијатос е развиен, додека северниот не е и таму не постојат асфалтни патишта. Ако сакате да ги посетувате дивите плажи на северната страна, тогаш ќе биде потребно да изнајмите некоја форма на сопствен превоз, но ако сакате да уживате во добро организираните плажи на јужната страна, упатете се кон автобуската станица.
Автобусите тргнуваат непосредно од новото пристаниште (каде што пристигнувате со траектот), потоа го заобиколуваат градот и потоа возат по т.н. обиколница, којашто во најголем дел се движи по самиот брег и глетката при возењето е спектакуларна. Патот има вкупна должина од 12 километри, на кои се поставени 26 автобуски станици. Возењето чини 2 евра во еден правец, од почеток до крај, а за помалку од 10 станици е 1,6 евра.
На Скијатос е многу лесно да си најдете совршена плажа. Песочните плажи со кои располага островот Скијатос се околу 50-тина.Сите тие имаат по неколку барови и таверни каде можете да се разладувате со пијалок по ваша желба или пак да го вкусите вашиот ручек.
Вромолимнос
Оваа плажа е вистински рај за младата популација благодарение на големиот бар и секојдневните дневни и ноќни забави. За да стигнете до неа со градскиот превоз треба да се симнете на станица број 13 (од вкупно 26 станици) и да изодите околу 1 км.
Недостаток на плажата Вромолимнос е тоа што нема многу природни сенки и ако не планирате да изнајмите лежалки (стандардна тарифа за целиот остров е 8 евра за две лежалки под еден чадор), а не си носите чадор со себе, тогаш ќе имате посериозни проблеми со жештината.
Кукунариес
Оваа плажа се наоѓа на последната станица од автобускиот превоз бр. 26. Возењето не трае ниту пола час, при најголема гужва, а местото каде што пристигате е една од најубавите точки на целиот остров. Кукунариес е долга преку еден километар, започнувајќи од центарот за нуркање, а завршувајќи со еден пошумен рид од каде што поминува патот по кој пристигнувате. Има совршено мек, ситен, бел песок, а зад плажата има појас од густа, борова шума, зад која има солено езеро.
Агиа Параскеви
На станица бр.17 се наоѓа оваа убавица. Песокот е доста пријатен, но водата доста длабока и затоа не е препорачлива за семејства со мали деца.
Трулос
Долга песочна плажа која од година в година станува се попосетена и попопуларна меѓу туристите.
На плажата има неколку барови и ресторани, што овозможува вистинско уживање за посетителите.
Банана
Се наоѓа на приближно 500 метри од Кукунариес и до неа се стигнува по земјен пат, тргнувајќи од последната станица, бр. 26. Ако сте повеќе по забавите и гласната музика, тогаш дефинитивно треба да отидете до оваа плажа.
Лаларија
Плажата која може да се посети единствено со брод т.е по воден пат наречена Лаларија ќе ви го одземе здивот со белите каменчиња и тиркизната боја на морето. Пловејки кон таа бела убавица ке имате можност да ги видете и фотографирате пештерите кои се наоѓаат на таа страна од островот. Легендата за процепот во карпата вели ако препливате низ него замислената желба ќе ви се оствари.Легенда или вистина ваше е да проверите.
Mногумина го нарекуваат островот Скијатос вистински рај, што велите вие? Какви се вашите впечатоци?
најдовме смештај во вила Memories во градот... Сакавме покрај плажите некаде , но се беше уште сеа изрезервирано... но се надевам супер ќе ни биде и дека ќе имаме прекрасен одмор 
